Skip to Content

blogue debegonals

Bolsas para estadías de inmersión lingüística en inglés

Dom, 12/02/2023 - 23:57 — begonals

Convócanse en réxime de concorrencia competitiva un máximo de 2.400 bolsas para a participación nun programa intensivo de inmersión lingüística en inglés en España en réxime de internado e pensión completa, dunha semana de duración, no mes de xullo de 2023. O prazo remata o día 3 de abril, para máis información premede na ligazón.

Nosas Meninas de Erasmus Dada

Mér, 01/02/2023 - 01:00 — begonals
 
Durante a estadía no noso centro os días 15 e 16 de xaneiro dos alumnos de Erasmus provintes de Gales, Alemaña e Turquía organizouse nunha actividade plástico-festiva na que, con pincel na man, entrelazaron vínculos e falaron, non sabemos en qué, inglés, alemán ou a lingua dos signos, pero non deixaron de falar. A idea partíu de Carmen Ozema, a nosa artista favorita, quen dispuxo en grupos ao alumnado a compartir arte nuns días nos que o Olimpo caía a chuzos.

Erasmus DaDa

Lun, 16/01/2023 - 18:07 — begonals
 
Hoxe tivemos a visita do grupo do proxecto de Erasmus DaDA no que participamos, dentro das actividades que organizamos lles presentamos o noso centro e algunha dos proxectos que temos sobre dixitalización, e para iso a nosa biblioteca.
Mañá haberá máis.

Erasmus DaDA

Dom, 15/01/2023 - 19:51 — begonals

Ao longo desta semana teremos varias actividades relacionadas có proxecto Erasmus no que estivemos participando estos últimos anos. Ademais de recibir a profesores e alumnos de Alemaña, Gales e Turquía faremos a presentación do proxecto no evento multiplicador organizado polo CFR de Ferrol logo de visitar a nosa vila coa compaña de Julio de Secret Galicia o noso guía favorito que contou coa axuda de Manuel Grueiro.

Erasmus + KA2 DADA

Dom, 15/01/2023 - 01:00 — begonals

No Programa Erasmus + KA2 DADA os alumnos de 3ºESO do curso pasado fixeron unha actividade conxunta có alumnado de Alemaña, identificando as prantas invasivas que temos na nosa contorna. O mapa que resulta é o que vedes na imaxe e podedes visualizar no enlace e que está a medrar, indicando a localización e os datos da pranta atopada.

 

Viaxamos a Nüremberg

Dom, 23/10/2022 - 13:39 — begonals

O pasado venres rematamos a mobilidade a Núremberg, Alemaña, no marco do proxecto KA2 Developing a Digital Academy (DADA). O CFR de Ferrol e as profesoras participantes no proxecto do IES de Fene e do IES Fernando Esquío, coordinadas polo CFR de Ferrol, participamos nunha reunión transnacional cos socios de Alemaña, Turquía e Reino Unido; en actividades formativas; en observación de clases e en visitas aos centros educativos participantes no proxecto: MS Preißler, MS Lauf e MS Röthenbach.

Programación Didáctica Departamento Inglés 2022/23

Ven, 16/09/2022 - 18:47 — begonals

Nos adxuntos atoparedes a Programación Didáctica xeral deste curso e os anexos correspondentes aos niveis modificados pola LOMLOE.

Final de curso con relatos e poesía

Xov, 23/06/2022 - 00:00 — begonals
 
No último día do curso os alumnos de 1º ESO A fixeron unha representación de varios relatos,  os de 1º ESO B un recitado colectivo e unha alumna de 3º ESO A recitou varios poemas do noso compañeiro e profesor de música Paulino Pereiro.
Norabóa por tan boa iniciativa e traballo por parte dos rapaces e as profesoras Mar e Carme.

Roteiro "O último barco" de Domingo Villar

Lun, 20/06/2022 - 00:00 — begonals
 
Para rematar o curso, o grupo do club de lectura de adultos achegámonos a Moaña e Vigo para darlle unha homenaxe a Domingo Villar recentemente falecido.
Grazas á Asociación A illa dos ratos percorrimos as localizacións en Moaña, e Óscar, o noso guía, nos fixo lembrar moitos dos momentos relevantes na novela, grazas ao seu entusiasmo volvemos a ver a vila desde os ollos de Leo, incluso os de Estevez esperando os ladridos dalgún can no contorno.

Nova convocatoria probas de certificación lingüística

Xov, 16/06/2022 - 23:28 — begonals

Tal e como comentabamos hoxe, xa saíu a convocatoria de probas de certificación da Xunta polo que achegamos a información das probas Trinity tal e como as tivemos o curso pasado.

Tedes de prazo un mes desde a publicación da convocatoria que saíu o 16 de xuño, é dicir, ata o vindeiro 16 de xullo, pero adiouse ata o 23 de setembro.

Distribuir contido


by Dr. Radut