A TVG2 empezará a emitir desde este luns 23 unha programación educativa especial para axudar ao alumnado galego a seguir aprendendo. En colaboración coa Consellería de Educación, Universidade e Formación Profesional, ofrecerá contidos complementarios aos dos entros de ensino. Sen dúbida, un xeito interesante e diferente de aprender.

Ademais, RTVE ofrece asemade a partir do 23 de marzo a programación especial Aprendemos en casa, en colaboración co Ministerio de Educación e Formación Profesional. Esta iniciativa pretende paliar así as dificultades para continuar a súa educación do alumnado sen acceso a internet.

O profesorado do Faro das Lúas, cumprindo as instrucións da Consellería de Educación ante a suspensión das clases por mor da pandemia do coronavirus, segue a traballar para que o noso alumnado continúe nas súas casas a súa formación de forma telemática. Premendo na imaxe, podedes consultar as canles para acceder ás tarefas de cada un dos docentes.

Estimadas familias:

A Xunta de Galicia anunciou esta mañá a suspensión das clases en toda a Comunidade a partir do luns 16 de marzo, durante un período de 14 días. Mañá venres xa non será obrigatoria a asistencia a clase.

O alumnado deberá estar atento a eDixgal (alumnado de 1º e 2º ESO), aula virtual do centro e correo electrónico, así como á nosa páxina web para coñecer as tarefas que lles poida asignar o profesorado.

Informarémolos de calquera outra novidade que se vaia producindo, tanto na nosa web e nas nosas redes sociais como mediante a aplicación Abalar.

Un saúdo.

                                                                                                                                                         O equipo directivo