Programas educativos para o noso alumnado

A TVG2 empezará a emitir desde este luns 23 unha programación educativa especial para axudar ao alumnado galego a seguir aprendendo. En colaboración coa Consellería de Educación, Universidade e Formación Profesional, ofrecerá contidos complementarios aos dos entros de ensino. Sen dúbida, un xeito interesante e diferente de aprender.

Ademais, RTVE ofrece asemade a partir do 23 de marzo a programación especial Aprendemos en casa, en colaboración co Ministerio de Educación e Formación Profesional. Esta iniciativa pretende paliar así as dificultades para continuar a súa educación do alumnado sen acceso a internet.