III Xogos Escolares. Fútbol 7 feminino: IES Blanco Amor A 5 - Compañía de María 1

Comezou a terceira edición dos Xogos Escolares Intercentros co debut do primeiro dos dous equipos femininos que presenta o noso centro este ano, no campo de A Lavandeira ante Compañía de María.

E o fixo cunha victoria que costou bastante máis traballo do que indica o marcador final. Un gol de Ángela Fariña adiantou ao Blanco Amor, pero poucos minutos despois Compañía empatou cun forte disparo, chegándose ao descanso con 1-1.

Na segunda parte o dominio das nosas xogadoras foi moito maior que na primeira, pero as ocasións non se aproveitaban e ata a metade do segundo periodo non chegou o 2-1, a cargo de Sara Iglesias, que moi pronto anotou tamén o 3-1 que encarrilaba o partido. Nos últimos minutos dous goles de Sara Regueira, o primeiro de eles dun gran disparo situaban o marcador definitivo en 5-1.

Ademáis das goleadoras xogaron Elena Abad e Giulliana Mernies como porteiras e Andrea Seijo, Ainoa Don, Cristina Vázquez, Ana Sánchez, Paula Sieira, Xana Stirling, Gabriela Rodrigues e Jéssica Insua como xogadoras de campo.

O próximo mércores, 3 de decembro será o turno do IES Blanco Amor B feminino.