CPI Aurelio Marcelino Rey García

Onte ás 9:00 arrancaron dende a Praza das árbores os participantes do Raid Gallaecia Expedition Race 2015. Esta proba consiste en percorrer un traxecto de aproximadamente 520 km nun tempo máximo de 102 horas, o equipo vencedor estimase que investirá preto de 74 horas. Un total de 23 equipos, de catro persoas e mixtos, chegados de todo mundo participa nesta proba. Os aventureiros terán que afrontar tramos de trekking, bicicleta de montaña, kayac de mar, kayak en río, barranquismo coa única axuda dun mapa.

O alumnado de 2º ciclo de Primaria desprazouse para ver a saída da proba e os de 4º curso iniciaron unha ruta de sendeirismo que rematou no punto onde se atopaba a penúltima baliza. Foi moi espectacular ver aos deportistas cruzar o río Umia para acadar o seu obxectivo dende un lugar privilexiado, en contacto directo coa natureza e cos corredores. Se queredes ver o resto das fotos premede na imaxe da esquerda.

 A proba remata o venres en Santiago de Compostela. Podes seguila nos seguintes enlaces: https://www.youtube.com/watch?v=v8FDtEr5Zm4      http://raidgallaecia.com/es/     https://tracktherace.com/es/raid-gallaecia-2015

Estimadas familias:

Desde o centro no que estuda o seu fillo queremos que toda a comunidade educativa, e vostedes como familias en primeiro lugar, sexan coñecedoras do labor que facemos no día a día no colexio. É por iso que colgamos canta información relativa ao traballo diario que desenvolven os seus fillos e fillas na web do noso centro para que poidan vela cando quixeren:

http://www.edu.xunta.gal/centros/cpiaureliomarcelino/

 Ademais, coa finalidade de aumentar o achegamento entre o profesorado e as familias, imos participar en fase de probas o que queda deste curso, e de forma xeralizada xa desde inicio do vindeiro, na plataforma abalarMóbil. Trátase dunha aplicación que permite ás familias consultar a información dos seus fillos a través do teléfono móbil (ou tablet) dende calquera lugar, de forma cómoda e rápida.

 A descarga desta aplicación faise dende Apple store (se o sistema operativo é IOS) ou desde Play Store (se o sistema operativo é Android).

O alumnado de Educación Infantil e o de 6º de Primaria traballaron dende diferentes áreas a vida e a obra de Claude Monet.

O resultado desta actividade pódese ver estas semanas no corredor principal do noso centro. Se queredes ver máis fotos premede na imaxe.

                                                                                                        VÍDEO

O  alumnado de Francés do CPI de Cuntis participaron voluntariamente no concurso 2015 organizado pola Asociación de Profesores de Francés centros de toda Galicia que tivo lugar en Santiago de Compostela o 27 e 28 de febreiro de 2015, na 29ª edición. O tema deste era: “Personaxes francófonos célebres”

Para a catogoría de FLE2 (Francés, 2ª Lingua Estranxeira) en 1º et 2º de ESO, os pósters seleccionados entre todos os presentados foron:

• “Le petit prince, de saint Exupéry”, de Miguel Martínez Campos, 1º ESO A
• “Le théâtre, de Molière”, de María Escariz Eiriz de 1º ESO
• “Vanessa Paradis”, de Andrea Pereira de 1º ESO A

Para a categoría de Francés, 2ª Lingua Estranxeira, en 3º e 4º de ESO, os pósters seleccionados entre todos os presentados foron:

• “Coco Chanel”, de Noemí Izquierdo de 3º ESO A
• “Coco Chanel”, de Andrea Fontán Fernández de 3º ESO A
• “Christian Dior”, de Jenifer Mesejo Puga de 4º ESO A

O póster presentado par Miguel Martínez Campos foi premiado co 2º Premio, entre todos os participantes.Bravo Miguel! Felicidades!

A profesora de Francés agradece a participación e o interese demostrado por todo o alumnado. Se queredes ver as fotos premede na imaxe.