Dinamización Lingüística

NÓS TAMÉN CREAMOS

NÓS TAMÉN CREAMOS

Os nenos/as de primeiro participaron no programa “Nós tamén creamos” do Plan Proxecta, que consiste na realización dunha curta.

Todos os alumnos escoitaron con atención os diferentes contos que o programa nos facilitou, elixindo entre todos aquel que máis lles gustou para a elaboración da curta.

Logo levaron a cabo a realización dos bocetos e personaxes en plastilina.

Fixeron o deseño da escenografía e a montaxe dos diferentes planos da filmación, gravaron as voces, a música e a curta, con diferentes programas informáticos.

Por último chegou o gran estreno mundial da nosa curta: “A MELLOR SOPA DO MUNDO”

Pulsa na imaxe para ver a nosa curta

OBRADOIRO DE REGUEIFAS

Que nome tan raro! Non tiñamos idea do que ía. Estaban na clase de 6º dous homes que dixeron chamarse Pinto d’Herbón e O Caruncho. Empezaron a tocar a zanfona e a cantar estrofas adicadas a todos e cada un da clase (Pocahontas, Romeo e Julieta, Ronaldinho…). Nós partiámonos de risa!!!

Logo explicáronnos o que son as regueifas. O nome ven dun “pan de voda” que para partilo e divertirse facían disputas verbais improvisadas e cantando uns regueifeiros contra outros.

A estrutura é a de copla: catro versos octosílabos que riman os pares e sempre coa mesma musicalidade.

Despois eles déronnos uns esquemas e todos nós fixemos regueifas: unhas colectivas e outras individuais.

 Dende logo aprendemos MOITO e pasámolo moi ben.

QUE NON SE PERDA ESTA TRADICIÓN!!!

 

Aquí podedes ver algúns vídeos: 

 

 

MAIOS

   

   
   

Chegou o mes de maio e no colexio, como sempre coa axuda

do ANPA comezamos a preparar o noso Maio

para pór na rúa.

   

 

Pero aos de quinto este ano tocábanos ir axudar aos de infantil a facer o seu.

Inventamos unhas coplas e coa axuda de Dona Esther puxémoslle música.

 

   

O día 11 subimos ao Monte da Guía,

o seu maio ía  adicado ás abellas.

Dividíronnos en tres grupos, nós eramos

os maiores e axudabámoslle aos pequenos de infantil.

Un grupo recortou flores de plástico, pegándolle

no centro uns tapóns para logo ensartalas en tiras.

Outro grupo encargouse de cortar as flores dos

pampullos para cubrir unha abella e o terceiro

grupo elaborou con tapóns de cortiza unhas

abelliñas que se pintaron de amarelo con raias

negras, uns ollos de chinchetas e ás de celofán.

   

 

Logo uniuse todo o traballo montando o maio, quedou moi xeitosiño adornado coas flores,

coa abella grande enriba e as outras abelliñas revoloteando.

Despois de xogarmos un montón cos nenos de infantil, cantámoslle as coplas que levabamos ensaiado.

 

 

Pasámolo xenial!!!!

Máis imaxes na GALERÍA DE FOTOS

DÍA DE ROSALÍA

Estas semanas, co gallo do Día de Rosalía que se conmemora o 24 de febreiro, no noso colexio dedicamos varias sesións a traballar a vida e a obra desta gran poetisa e novelista galega.
 Preme enriba dos puntos que conforman as iniciáis do seu nome e descubrirás moitas cousas sobre ela...


Qué haberá???  SORPRESAAAA!!!

 

SAMAÍN

Berrando e alborotando,

chegou á nosa festa

a superbruxa Vaimaspaghar,

cargada de enerxía

para aos malos espíritos

espantar!!!

Co seu cullerón

remexendo no pote,

recitou o seu conxuro

facendo teatro puro!!!

 

 E nós, que non iamos ser menos, contaxiados dos seus medos tamén recitamos os nosos,

algúns un pouco serios e outros máis graciosos!!!

     
 

  Nun escenario presidido pola Maga Fedorenta,

bailamos ao son da música de terror

todos xuntos con ledicia e bo humor!!!

A Maga Fedorenta,

arrodeada das nosas cabazas

tan lindas e cheas de imaxinación,

víase fermosa e molaba un montón!!!

Grazas ás familias pola súa colaboración e de maneira especial ás nais da ANPA

que sempre están aí botándonos unha man; unha non, centos de mans para argallar,

decorar, animar e incluso para darnos de merendar!!! VIVA O SAMAAAÍNNNN!!!

O ANO QUE VEN HAINO QUE REPETIR.

PIRIM,  PIM,  PIM!!!

Máis fotografías nos enlaces á nosa galería de fotos.

DECORACIÓN CABAZAS

FESTA DO SAMAIN

A música das árbores

Dende o Servizo de Normalización Lingüística do Concello chegou a actividade: “A música das árbores” para o alumnado de 1º.
     

O mércores 2 de marzo veu ao noso colexio Servando Barreiro, músico e contacontos.

A través da música, con cantigas participativas e tendo o galego como lingua vehicular, falounos das árbores, de como coidar o campo, contounos a historia do rato Federico.... e  moitas cousas máis.

Todo era con música e pasámolo moi ben cantando e movéndonos ao ritmo do seu acordeón.

Día de Rosalia

   

O pasado 24 de febreiro conmemoramos a data de nacemento de Rosalía de Castro.

Como todos os anos recibimos a visita do alumnado do último curso da EEI Monte da Guía.
Nesta ocasión preparámoslles un "rap" cun poema de Rosalía co fin de acercar aos nenos e nenas a poesía nun contexto ameno e máis cercano para eles. Descubrimos que son uns auténticos artistas marcando o ritmo e o compás do rap.

VER O RAP

   

O alumnado do Monte da Guía cantou e representou outro poema desta autora demostrando ademais as súas estupendas dotes interpretativas.

Para finalizar o acto de convivencia, intercambiamos agasallos como recordo deste día e percorremos o que, para moitos deles, será o vindeiro curso o seu novo colexio.

Regueifas 2015

O día 1 do mes de decembro o alumnado de 6º tivemos un obradoiro moi, pero que moi divertido: REGUEIFAS  - unha palabra algo rara-, son coplas inventadas no momento e que se cantan alternando entre dúas ou máis persoas.

 Para traballar sobre as regueifas contamos con dous regueifeiros de excepción: Pinto d’Herbón e Luís Caruncho, dous personaxes moi entrañables.

Eles explicáronnos cal era o ritmo, cal era a orixe e métodos para compoñelas. O Caruncho traía unha zanfona e entre todos fomos cantando coplas para coller o ritmo axeitado.

Por suposto eles os dous non deixaron de inventar e cantar coplas moi graciosas, xogando cos nosos nomes.

Pero nós tamén tivemos que traballar e fixemos as nosas REGUEIFAS, que despois cantamos. Algunhas saíron moi graciosas e aínda que se dicían cousas referidas a cada un de nós non nos enfadamos, era como un xogo.

Que clase de galego tan simpática!!!             Gustaríanos repetila!!!

Grazas Pinto d’Herbón e Luis Caruncho!!!

Máis fotos no enlace á GALERÍA DE FOTOS

DÍA DO PEÓN - MAGOSTO

O 11 de novembro (San Martiño) tivemos unha charla no colexio polo DÍA DO PEÓN. 

José Manuel, o profesor de 2º, ensinounos cousas interesantes sobre o peón: como se chaman as súas partes, a que xogos se xogaba con el, como se tiraba, como se recollía coa corda cando estaba bailando no chan e seguía bailando na man...

Tamén nos ensinou este refrán:

"Polo San Martiño

trompos ao camiño"

Logo no recreo todos xogamos cos nosos peóns que estaban decorados e pintados por nós. 

 Ese mesmo día, como fixo bo tempo, celebramos o magosto que é unha festa tradicional de Galicia.

 Mentras se asaban as castañas, nós xogamos a:

1. O baile da castaña: consiste en que dúas persoas bailen cunha castaña na fronte. 

2. Serpe da castaña: consiste en que os xogadores leven a súa  castaña  cos dedos polo camiño de serpe trazado no chan.

3. Carreira de Sacos: consiste en correr metido dentro dun saco e ao chegar ao final pasar o saco ao seguinte xogador do seu grupo. 

4. Castañas na culler: consiste en levar unha culler na boca cunha castaña. 

4. Encestar a castaña: consiste en encestar  castañas nunca caixa de cartón.


Mentres disfrutabamos cos xogos, José Manuel o conserxe, o profe Rafa e algunhas nais da ANPA asaron as castañas.


Cando rematamos os xogos sentámonos a comelas. Estaban boísimas!!!!

Foi un día estupendo e pasámolo xenial!!!!Sorriso

Para ver máis fotos do peón  e do magosto.

 

 

XOGAMOS COAS VOCES

 

A través do Servizo de Normalización Lingüística do Concello chegou ao noso cole a actividade lúdico educativa Dobraxe na escola coa finalidade de coñecer o mundo da dobraxe e ao mesmo tempo contribuír a mellorar a nosa competencia oral en lingua galega.

 

 

Primeiro, os actores e dobradores, Manuel Pombal e Suso Pando, fixeron un xogo dramático para mostrarnos os pasos da elaboración dunha película, dende a creación do guión ata a súa dobraxe.

 

 

Logo como auténticos dobradores puxemos a nosa voz ás personaxes da serie de debuxos animados "Bob Esponxa" Aprendemos a encaixar as propias voces nas bocas dos personaxes e creamos a nosa propia versión da serie.

 

 

Foi moi divertido. Que ben o pasamos!!!!!

Distribuir contido