O día a día

Maios ba EEI Monte da Guía

 

C E L E B R A M O S   O S   M A I O S

Coma outros anos o alumnado de 5º foi celebrar os maios (festa de orixe Celta que rememora a chegada da primavera) co alumnado do seu antigo colexio da Escola Infantil Monte da Guía, o pasado 16 de maio.
Este ano foi distinto, pois realmente non fixemos o propio MAIO, senón que como os nenos do infantil xa estaban no campo do patio facendo colares e pulseiras con flores, nós axudámolos a confeccionalas.

Despois de xogar un pouco cos pequerrechos, fomos ao patio cuberto onde lle cantamos as coplas que levabamos preparadas para eles e posteriormente ensinámoslle a danza “sete saltos” de Dinamarca que interpretamos todos xuntos en pequenos círculos.
Divertímonos moito e saíunos moi ben.
Aquí tendes as coplas:

Bos días a todos nenos

e nenas deste colexio

imos contarvos historias

tedes que estar moi atentos.

         

Somos alumnos de quinto

do colexio Santa Tegra

e tamén damos bos días

a todas as vosas mestras.

                   

Para escoitarnos ben

tedes que estar caladiños,

os peixiños e pitiños

mais tamén os coelliños.

                                       

Cando eramos máis pequenos

moitos fomos a este cole

e que ben que o pasamos

non vos estraña que vos mole.

         

Antes había unha fonte

que moita auga botaba

saía un chorro ata as nubes

que mollaba, que mollaba

               

Un día tocou o timbre

escindímonos as nenas

non imaxinades onde

nunha casa de madeira.

                                       

Estivemos un bo rato

ata que nos atoparon

e cando se deron conta

un castigo nós levamos.

             

Moito tempo nós pasamos

cando tiñamos recreo

e o que máis nos gustaba

era sempre o areeiro.

               

Tedes que pasalo ben

pero sen facer trasnadas

senón de tanto caer

levades pernas moradas.

                                       
               

A convivencia dos maios

queremos agradecervos

agora xa rematamos

ata a próxima xuntarnos.

                     

Teatro na clase de relixión

Na aula de relixión rematamos o proxecto: PROTEXE OS ANIMAIS” cunha representación de teatro que os rapaces e rapazas de 2º de relixión compartiron, antes das vacacións de Semana Santa, con todo o alumnado de 1º, 2º e 3º.
Tamén lembramos o día mundial do teatro que se celebrou o 27 de marzo. A obra:” OS RATOS DE DON NOÉ”, utiliza os personaxes da tan coñecida historia bíblica: O ARCA DE NOÉ.
Un día de compartir, de atención e ledicia, onde todos os nenos e nenas disfrutaron e o pasaron moi ben.
Preme na imaxe para ver esta obra tan divertida.

 

Obradoiro científico

Sen libros, sen cadernos, sen tablets…

simplemente cunhas herbiñas collidas ao chou,

papel de cociña, periódico e lapis aprendemos

a facer o noso primeiro herbario da man de

Alex Álvarez, biólogo mariño do CSIC quen veu a

amosarnos unha chea de curiosidades

sobre plantas e animais.         

C o m o   f a c e r   u n   h e r b a r i o

Un herbario é unha colección de herbas e plantas secas colocadas entre papeis ordenadas sistematicamente.

Pasos para facelo:

       1º Escribimos nunha tarxeta o nome da herba que imos secar, a data e o lugar onde a collemos.

       2º Envolvemos as herbiñas ben estiradiñas en papel de cociña para que absorba ben a humidade.

           Despois, envolvemos todo ben estirado nun papel de periódico, coma se quixeramos facer un sandwich.

      3º Colocamos as herbas envoltas no periódico unhas enriba doutras e poñémoslles un peso grande encima.

          No noso caso 5 paquetes de folios!! Hannos quedar superestiradas!!!

 

Coa axuda de Alex aprendemos tamén o que é a fotosíntese, ese proceso tan incrible que fan as plantas

nas súas follas mediante o cal son capaces de alimentarse, crecer e proporcionarnos

o osíxeno que nós respiramos.

Seguiremos coa nosa colección vai molar un montón!!!

 

 

Unha vez rematada a nosa clase especial sobre as

plantas pasamos a aprender unha chea de cousas

sobre os animais.


Alex explicounos moitas curiosidades sobre

o apaixonante mundo animal: que comen e como

dormen as baleas, como dormen as maragotas,

como se desprazan os polbos...

Aprendemos a clasificar os animais segundo sexan vertebrados ou invertebrados, coa sorte de poder

ver e tocar algunhas vértebras de varios animais: de paxaros, de golfiños, a mandíbula dun tiburón… 

Alex tiña de todo…!!!


 

Que curiosa a pel da pintarroxa, suave por un lado e moi áspera polo outro!!!

Por último, para rematar este divertido obradoiro fixemos un xogo de adiviñar preguntas sobre o marabilloso mundo da flora e a fauna.

GRAZAS ALEX, VEN, VEN, VEN, VOLVE MOITAS VECES MÁIS!!!

EDUCACIÓN VIARIA

 

Un ano máis en colaboración co Concello de Vigo, o día 9 de novembro tivemos un Obradoiro de Educación viaria, impartido por un policía local. Estaba previsto ir a pé pola contorna do centro pero por mor da choiva tivemos que facelo na clase.

O tema foi tratado dende o punto de vista dos peóns e máis concretamente referido aos pasos de peóns (cebra). Temos que ser peóns seguros e para iso debemos cumprir unhas regras: parar, mirar, escoitar, pensar e logo cruzar.

Déronnos datos moi interesantes como que os rapac@s da nosa idade se imos sos cruzamos bastante ben, se imos en grupo ou cos pais xa non seguimos as normas. Dende o ano 2010 en Vigo foron atropeladas nos pasos de peóns 2500 persoas e a franxa de idade con máis atropelos foi entre os 35 e os 44 anos.

Os condutores non sempre veñen moi atentos e os coches non frean de repente, polo tanto nós temos que ser responsables e decidir cruzar nas mellores condicións.

Facemos un chamamento a todos: CRUZADE CON SENTIDIÑO!!!!!

PROTEXE OS ANIMAIS

Este mes de outubro lembramos “O día mundial dos animais”.

Recordamos tamén unhas palabras do Papa Francisco do amor que debemos procesar a todo o creado incluíndo aos animais, a través de valores como coidado, axuda,  acollida, solidariedade, adopción. Esto tamén nos ensina a amar ao noso próximo.

  Na biblioteca o alumnado de relixión de 2º, 4ºe 5º escoitamos moi atentos a charla impartida polo presidente da protectora de animais “A MADROA”.

Vicente mostrounos fotos do lugar, dos animais e un vídeo onde os voluntarios traballan dunha forma altruista no cuidado dos animais que teñen no recinto. Díxonos que adoptou 5 cans, entre eles un mastín de neve que case estivo a punto de morrer, agora é grande e forte, grazas ao seu cuidado. Ten unha casa moi grande!!! 

Tiñamos moita curiosidade por saber... e non paramos de facer preguntas:

DIFERENZA ENTRE REFUXIO E PROTECTORA?

O Refuxio está financiado polo Concello e é unha empresa  con ánimo de lucro. Teñen aos animais que recollen un mínimo de 20 días ata que aparezca o propietario. Cando recollen ao animal comproban se ten MICROCHIP para poder poñerse en contacto co dono.

As protectoras son asociacións sen ánimo de lucro, non xeneran beneficios e o diñeiro que poidan obter é a través de socios, donacións ou subvencións, este é utilizado para atender aos animais que recolle e manter as súas instalacións.

CANDO PODEMOS VISITALOS?

 Os sábados pola mañá de 12:00 a 14:00, sempre acompañados dun adulto, por exemplo, os nosos pais.

 

QUE TEMOS QUE FACER PARA ADOPTAR UN?

 Primeiro farán unha serie de preguntas para averiguar cal é o can ou gato que se adapta máis ao noso entorno.

Na aula traballamos recoñecendo os sentimentos dos animais baseándonos nas súas expresións: teño medo, moi enoxado, relaxado, amistoso, por favor, quérote moito...

INDICOUNOS QUE NON LLES PODEMOS LEVAR LARPEIRADAS, pois son tantos que se poden pelexar.

Gustounos moitísimo, estades todos invitados!!!

Se queredes preguntar algo que vos interese saber, este é o correo da protectora: vigomascotas@gmail.com 

DIRECCIÓN: Subida a Madroa, s/n (DETRÁS DO ZOOTELÉFONO: 986452265

       AMALOS É... AMAR A TODA A NATUREZA!!!

ESQUELETO

           ESQUELETO NA CLASE DE    

Ola a todos:

Este é o traballo do esqueleto e das articulacións feito polos nenos e nenas de 2º.
Recordade que para velo hai que premer nos puntos da imaxe interactiva.
Esperamos que vos gusteeee!!!

 PULSA NA IMAXE PARA VER A ANIMACIÓN

Comeza o curso

Con este mural damos comezo o curso escolar no que, con moita ilusión, nos estreamos como

centro PLURILINGÜE.

ACTIVIDADES FÍSICAS 2

M Ó V E T E   M Á I S

 

PULSA NA IMAXE PARA VER O VÍDEO

 

ACTIVIDADES FÍSICAS

MÁIS ACTIVIDADE FÍSICA

 

PULSA NA IMAXE PARA VER O VÍDEO

 

V ENCONTRO MUSICAL

                     No mes de maio tivemos no colexio a quinta xornada musical. Todo o alumnado e profesorado pasamos unha xornada adicada á música con distintas actividades entretidas e motivadoras.
 

Comezamos a xornada xogando algúns á Oca Musical. Fixemos grupos xuntando todos os cursos, tiramos o dado, movemos ficha e contestamos ás preguntas ou realizamos as probas que nos tocaron.

Foi moi entretido e aprendemos moito.

Mentres, outros grupos asistiron á exposición de instrumentos musicais construídos polo alumnado de 5º e 6º con material de reciclaxe. Descubrimos instrumentos moi chulos e raros

 

Despois, algúns compañeiros de 3º, 4º, 5º e 6º cursos invitáronnos a un concerto no que tocaban eles mesmos instrumentos tan distintos como: darbouka, frauta traveseira, clarinete, voz, teclado, guitarra clásica, trombón de varas e frauta doce. Que ben tocaron! O concerto estivo xenial!

Todo o alumnado do colexio fixemos instrumentos con materiais de reciclaxe, axudámonos uns a outros.

Os de 1º e 2º construíron pampineros e maracas, os de 3º e 4º, paus de choiva e os de 5º e 6º, unha cítara.

Foi moi divertida esta actividade!

 

 

Para rematar a xornada, intentamos facer danzas. Pero só deu tempo a bailar “Indo Eu” (Portugal), porque empezou a chover.

Que mágoa!

 

Grazas a todo o profesorado do cole por facer posible este día tan especial para todos nós.

 

Distribuir contido