Conxuntas

NATURNOVA

 

 

O alumnado de 3º,  4º  e 6º visitamos o Centro Interactivo de Educación Ambiental  Naturnova.

O NOSO PLANETA. O UNIVERSO. Durante a visita aprendemos e descubrimos moitas cousas relacionadas co noso planeta e a súa orixe, a súa composición e os distintos fenómenos metereolóxicos.

O SER HUMANO. IMPACTO AMBIENTAL. Tamén visualizamos os efectos que está a ter  no medio ambiente o continuo maltrato por parte do ser humano e as accións que levamos a cabo para un mellor aproveitamento das enerxías renovables .

SIMULADOR SUBMARINO. Ademáis fixemos unha inmersión simulada nun submarino pola ría de Vigo, para coñecer mellor as distintas especies de animais que temos na nosa ría e os seus nomes.

 Pasámolo xenial!!!

Clicando nas imaxes poderás ver unha mostra da saída.

 Para ver as fotos:   - -

 

Teatro Simbad

O alumnado de 4º e 5º o día 29 de abril asistimos no auditorio do Concello de Vigo ao estreo da obra de teatro “Chamádeme Simbad”.  Unha adaptación da obra co mesmo título de Francisco Castro (veciño de Teis).
A obra está representada pola Escola Municipal de Teatro de Vigo en colaboración con Afaga (Asociación de Familiares de Enfermos de Alzhéimer e outras demencias de Galicia).

Nela trátase unha enfermidade bastante frecuente hoxe en día como é o Alzhéimer, pero dun xeito moi natural, bastante sentimental e facilmente entendible polo público infantil.

Os actores fixérono todos estupendamente, pero destacaba o protagonista, un neno de 10 anos, que actuaba dun xeito moi natural.
A idea que nos querían transmitir é que as persoas con Alzhéimer necesitan moito cariño e paciencia. Cando a enfermidade estea bastante avanzada que non se poidan coidar na casa, terán que ir a un centro onde os coiden ben pero a súa familia ten que estar alí visitando e tendo contacto co enfermo todo o tempo que poidan.
De xeito gratuíto pódese ir ver a obra a este mesmo auditorio no mes de xuño cando rematen as representacións para os colexios.
Gustounos moito a obra, mágoa que non tiña megafonía para os actores e non se escoitaba moi ben.

INVESTIGANDO NO MUSEO

  O alumnado de 3º de visita no Museo de Pontevedra.

   

Da man dunha monitora levamos a cabo unha actividade de investigación e observación onde, a partir dunha selección de obras de diferentes artistas, profundizamos no valor da abstracción e da expresión a través das cores e das texturas.

Co noso caderno de "Detectives da arte" fomos polas distintas salas descubrindo a información que podemos atopar nas cartelas das obras expostas.

Ao longo das oito pistas suxeridas investigamos distintos xéneros de obras de arte e sobre a diferenza entre obras figurativas e abstractas.

 

 
Foi unha xornada de aprendizaxe moi interesante na que descubrimos a importancia da visión persoal e única de cada espectador ante as obras de distintos autores.

VISITA A CORUÑA

 No mes de febreiro o alumnado de 4º, 5º e 6º tivemos a oportunidad de facer unha das saídas que máis nos gustan: visitar os museos cientìficos de Coruña. A pesar de ser lonxe e facerse moi longa a viaxe disfrutamos moito ao mesmo tempo que aprendiamos.

 A primeira parada foi no planetario da CASA DAS CIENCIAS. Alí puidemos ver por onde sae e se pon o sol, as estrelas, a lúa... Tamén vimos unha película onde aprendemos o nome de moitas constelacións.

Logo fomos recorrendo os distintos pisos da Casa das Ciencias onde puidemos disfrutar dun montón de experimentos físicos cos que o pasamos xenial ao mesmo tempo que aprendiamos.

Na planta baixa puidemos ver o xigantesco PÉNDULO DE FOUCAULT e unha incubadora onde estaban nacendo algúns pitiños de galiña. 

 A segunda parada foi na CASA DO HOME, tamén chamada DOMUS. 

Alí o primeiro que fixemos foi comer a comida que levabamos nun comedor con vistas á praia e ao estadio de Riazor.

Ao rematar a comida tocou seguir disfrutando, esta vez con información e experimentos sobre o ser humano.

Unha das cousas que máis nos chamou a atención foi un vídeo onde se veía como nace un bebé.

A terceira e última parada foi a CASA DOS PEIXES, tamén coñecido como ACUARIO FINISTERRAE.

Aquí puidemos ver nas súas salas distintos peixes, medusas, polbos, centolas...

Tamén puidemos ver as focas que teñen na parte de fóra (aínda que non poidemos ver como lles daban de comer). Pero o que máis nos chamou a atención foi a sala NAUTILUS, que semella como se estivesemos nun submarino, rodeados de mar por todos os lados. E o máis impresionante é ver a GASTÓN, un tiburón toro que se pasea pacificamente rodeado de moitísimos peixes máis pequenos que el.

EXPOSICIÓN "A AULA DO PASADO"

O 24 de novembro o alumnado de 4º, 5º e 6º fomos ao museo

“Verbum” para ver unha exposición, patrocinada por FOANPAS

e o Concello de Vigo, sobre a escola dos nosos bisavós e avós.

Despois de ver un vídeo, uns profesores que asistiran á escola nesa

época, explicáronnos moitas cousas, fixemos preguntas…

 

 

     As cousas eran moi distintas ás de agora:

  • Só levaban un libro: Enciclopedia Álvarez
  • Os pupitres de madeira tiñan un oco para o tinteiro
  • Había ata 60 alumnos na clase
  • Separaban nenos e nenas en aulas diferentes
  • As nenas tiñan unha asignatura que se chamaba “Labores del
  • Hogar” mentres que os nenos tiñan “Formación del Espíritu Nacional”.

Sentímonos como alumnos desa época con

cadansúa pizarra e o seu pizarrín,

escribindo con pluma que mollabamos nun

frasco de tinta.

Que difícil, emborréabase todo!!!

Finalmente comprobamos a "fotocopiadora

daqueles tempos": escribiamos nun papel

que por debaixo tiña un “calcante” e saíanos

o mesmo no outro papel.

 

Ah, os nenos non tiñan Tablet nin Nintendo, facían os seus xoguetes ou xogaban a xogos como: á billarda,

ao corro da pataca, Antón Piruleiro, Pase Misí …

Máis fotos no seguinte enlace GALERÍA DE FOTOS 

NA PROCURA DOS NOSOS ANTERGOS

 

 

Da man de Eva F. Deza, en colaboración coa ANPA

e co profesorado do centro, o alumnado de 4º, 5º e 6º

levamos a cabo esta interesantísima actividade coa

que descubrimos as mámoas e a súa historia.

 A actividade comezou cun obradoiro no xardín do centro.

Eva explicounos o que eran as mámoas, como e para que se facían e sobre todo indicounos

os pasos para que cada curso puideramos construír a nosa propia mámoa.

Estes foron os resultados. Quedáronnos xenial.

 Para continuar "Na procura dos nosos antergos", Eva guiounos nun roteiro polo Vixiador e pola Madroa

no que, coa colaboración da CCMM de Teis e as explicacións da arqueóloga Elisa Pereira, descubrimos

restos de mámoas de fai 6000 anos, achegándonos máis ao seu coñecemento.

Tamén foi moi interesante a ruta botánica tanto polo Vixiador como pola Madroa. Buscamos datos de animais e

plantas, observamos especies autóctonas e aprendemos a diferenza entre un bosque natural e un bosque forestal.

   

Para rematar esta saída e despois de repoñer forzas, Alfonso da Comunidade de Montes de Teis ensinounos

unha chea de cousas que foron recollendo polo monte: panais de abellas, cranios de diversos animais, niños de

paxaros, camisas de serpe... Boa sorpresa levamos cando nos permitiu subir no tractor!!!

Agradecemos á ANPA a súa colaboración nesta actividade así como á Comunidade de Montes de Teis

e a arqueóloga Elisa Pereira, pero sobre todo… moitísimas grazas a EVA FERNÁNDEZ DEZA

por compartir connosco, unha vez máis, os seus coñecementos.

EMAO

O alumnado de 4º fomos á Escola Municipal de Artes e Oficios de Vigo. Despois de visitar a biblioteca e a hemeroteca que por certo son magníficas, puidemos ver e experimentar nos obradoiros de serigrafía e de construción de zanfonas.

Puxemos moita atención nas explicacións que nos deron.

Resultou unha visita moi interesante!!!

A CORUÑA

Cada tres anos o alumnado do noso centro, que nese momento estea cursando 4º, 5º e 6º, ten a oportunidade de realizar unha viaxe superinteresante á cidade de A CORUÑA e poder coñecer, investigar e experimentar nos museos: Casa das Ciencias, Domus e Casa dos peixes.

Comezamos no Planetario vendo unha proxección audiovisual a cúpula completa, descubrindo estrelas, constelacións e analizando o Sistema Solar cos seus planetas, satélites e asteroides. Seguindo coa visita á CASA das CIENCIAS, observamos algunhas experiencias relacionadas co mundo físico e buscamos respostas para explicalas.
 

O paso pola DOMUS foi unha viaxe interactiva que espertou a nosa curiosidade facéndonos reflexionar sobre temas relacionados co corpo humano.

Coñecerse a un mesmo, descubrir que nos fai humanos, por que nos parecemos aos nosos pais, cal é a velocidade dun tiro de penalti, observar as fases da evolución humana, contemplar imaxes dun parto real...

 
 

Por fin chegamos ao acuario e ademais de poder observar a diversidade mariña da costa galega, tivemos a oportunidade de coñecer a GASTÓN, un tiburón toro de tres metros de longo e cen quilos de peso que chegou ao acuario fai casi dez anos.

A visita rematou despois de saír ás piscinas exteriores e ver como daban de comer as focas. Encantounos velo!!!

Pasámolo xenial ao tempo que aprendemos un montón. Foi como recibir moitas clases de ciencias dun xeito divertido, experimentanto e tocando en todo o que iamos vendo... pois o que estaba prohibido era NON TOCAR.

FOI INCRIBLE!!!

Máis fotos nos seguintes enlaces.

CASA DAS CIENCIAS

DOMUS

ACUARIO

VISITA AO CONCELLO

O xoves 3 de decembro, o alumnado de 4º, 5º e 6º visitamos o Concello de Vigo e alí, guiados por dous monitores, tivemos a oportunidade de visitar as súas instalacións e coñecer aspectos do seu funcionamento.
 

Subimos a pé ata a novena planta da torre e, aínda que algúns case non demos chegado, o esforzo mereceu a pena. Dende a sala de prensa as vistas da cidade e da ría eran espectaculares. Por un lado víase a zona de Bouzas, e polo outro todo o centro e a zona de Teis.

 

Mágoa que o alcalde estaba moi ocupado e non nos foi saudar Triste

Logo baixamos ao soto, á escola de música e danza, onde nos interpretaron unha fermosa cantiga acompañada con instrumentos tradicionais.

Por último dividíronnos en dous grupos para visitar o laboratorio, onde analizan sustancias coma a auga, e a sala de control de tráfico, dende a que se coordina o tráfico da cidade.

  
Máis fotos no enlace á nosa GALERÍA DE FOTOS

AFUNDACIÓN

 

O pasado martes, 17 de novembro, o alumnado de 1º, 2º e 3º visitou a Fundación Caixanova para participar no obradoiro “Historias dun pincel que non sabía pintar”. 

Neste obradoiro contáronnos a historia dun pincel que non sabía pintar, mentres nos ían mostrando diferentes obras pictóricas realizadas con diferentes técnicas (rodillo, brocha grosa e pincel fino). Descubrimos obras de Picasso, Miró, Kandinski e despois o noso alumnado plasmou nunha folla (con cores e gomets) a súa visión da obra de Wassily Kandinski. Foi unha experiencia creativa e diferente.

 

 

Baixo o título "Detectives para unha colección de arte", o alumnado de 4º, 5º e 6º tivemos unha clase de arte moi especial na sede Afundación na que a colección ABANCA na súa exposición "Tradición, cambio e innovación" reúne obras de artistas ben recoñecidos do século XX galegos, cataláns, canarios... e tamén estranxeiros.

Distribuídos en grupiños de catro, participamos nunha actividade na que tiñamos que descubrir certas obras de arte segundo unhas breves preguntas cuxas respostas nos levarían ata as obras en cuestión. Así identificamos "Blanquecino" de Kandiski, "As rosas sangrantes" de Dalí, "Retrato de muller" de Maside, "A Feira" de Colmeiro... 

 

 

Rematamos a visita cun obradoiro no que creamos os nosos propios bodegóns de froitas cadradas; curiosa, divertida e orixinal maneira de ver laranxas ou mazás!!!

MÁIS FOTOGRAFÍAS:   "Detectives pra unha obra de arte"    "Historia dun pincel que non sabía pintar"

Distribuir contido