O alumnado de 5º e 6º o pasado día 5 de abril, despois de buscar información nas clases, fixemos unha saída de campo, para recoñecer e ver “in situ” algunhas das árbores e arbustos máis abondosas de Galicia, cun percorrido de máis de 2 km.

Contamos coa colaboración de dúas nais da Anpa: Alicia e Eva, que compartiu connosco os seus grandes coñecementos sobre o tema.

O alumnado, que traballaramos con cada árbore (nome, flor, froito, hábitat, aproveitamento...), expuñámolo diante da mesma. Saímos do colexio e tardamos algo en recoñecer a primeira árbore (apenas se lle vían as follas con picos) o acivro. Veríamos logo o castiñeiro, que non tiña follas, pero si algúns ourizos. Na cuneta chegando A Lagoa, recoñecemos primeiro a xesta e despois o toxo. Desviámonos por un carreiro bastante empinado cara a cima da Guía, onde fomos observando varias especies invasoras como as árbores da acacia negra e unha planta procedente de América do Sur a “tradescantia” (especie de enredadeira polo chan).

Tivemos un descanso na carballeira, para merendar. Que ben se respiraba alí!!!!

Seguimos coas nosas árbores, por suposto, recoñecemos o carballo e chegando ao colexio vimos o loureiro.

Neste percorrido quedounos a vimbieira e o bidueiro porque non as había, pero non houbo problema porque presentámolos na clase o venres.

Eva explicounos para cantos animais, grandes e pequenos son beneficiosas estas árbores e arbustos.

Foi unha clase distinta, aínda que tamén tivemos que traballar, cubrindo o noso caderniño de campo. 

 Podes ver máis fotos clicando aquí 

Como continuación do obradoiro que tiveramos na aula de 6º o 28 de febreiro, o venres 23 fomos ao parque de bombeiros, para coñecer como é o seu traballo.
Aprendemos que fan quendas de 24 horas, están super organizados (sabendo cada un o que ten que facer en cada momento) teñen o traxe, casco e mascarilla preparados por se hai emerxencias… e en 30 ou 40 segundos xa está saíndo co camión.
Vimos todo o material que leva o primeiro camión (mangueiras de todos os diámetros, ventilador, botellas de osíxeno complementarias, cizañas) e tamén o camión de apoio que ese non leva auga, se non outros materiais que poden ser necesarios xa que os bombeiros fan intervencións moi variadas. Teñen 18 vehículos entre eles un, que coa escaleira poden chegar ao piso 12.
Probamos as máscaras para respirar, vimos onde enchen as botellas, o ximnasio con todos os aparellos para estar en forma, practicamos cunha mangueira e como non … os que quixeron, baixaron pola barra.
Pareceunos un traballo bastante duro (as probas físicas que hai que superar xa o son), pero tamén gratificante ao salvar vidas.
Sabedes de onde ven o nome de BOMBEIROS? Pois que nos camións levan varias bombas hidráulicas para, principalmente, dar presión á auga.
Esperemos que pronto teñamos MULLERES BOMBEIRAS tamén en Vigo.

Máis imaxes na nosa GALERÍA DE FOTOS

No seguinte vídeo vemos como empezou a Pascua o alumnado de 1º,

nada menos que cun xogo no que tiñan que atopar saborosos

"ovos de Pascua"

O 21 de marzo o alumnado de 5º e 6º disfrutamos dunha actividade chamada "LUDOTECA LINGÜÍSTICA" promovida polo Servizo de Normalización Lingüística do Concello de Vigo. Consiste en fomentar o uso do galego dun xeito lúdico a través de xogos tradicionais. 

Superamos as probas traballando en equipo e disfrutamos moito da actividade aprendendo novas palabras no noso idioma.

Máis fotos na nosa GALERÍA DE FOTOS

Para acceder ao menú, sinale o enlace do mes correspondente: