Skip to Content

Actividades mensuais

ESPAZO LECTURA INFORMA ÁS FAMILIAS

Prezadas familias:

Nestes últimos meses a COVID-19 obrigounos a reorganizar a tempada, trasladando a un formato virtual todas as actividades que nos foi posible: contacontos infantís a través de vídeos, clubs de lectura por videoconferencia... Ademais, a través da web e as redes sociais coñecemos as propostas de lecturas dos LeTubers, celebramos o XIII Dar de Ler e compartimos as iniciativas ofrecidas por outras entidades (lecturas, teatro, cine...) para axudar a levar o confinamento. 

Imos manter a nosa actividade de maneira virtual o que queda de tempada. Podedes consultar as datas dos clubs de lectura na axenda da páxina web. Tamén publicaremos novas sesións de contacontos para os máis pequenos da casa, de xeito que poidan seguir desfrutando das lecturas e mantendo un vínculo virtual coas actividades.

Desde Espazo Lectura queremos ademais facer un chamamento de apoio ás librarías e ao mundo editorial, referentes culturais imprescindibles na nosa sociedade. Animámosvos a visitar as vosas librarías preferidas para adquirir as vosas próximas lecturas.

Por último, queremos agradecer o voso apoio e agardamos poder vernos pronto para gozar, na vosa compañía, dos libros e das lecturas.

Saúdos. 

O equipo de Espazo Lectura

Espazo Lectura
espazolectura@gmail.com
http://www.espazolectura.gal
http://twitter.com/espazolectura
http://www.facebook.com/pages/Espazo-Lectura/169424278309


 

Actividades Abril

 

Estimadas socias e socios:
 
É probable que os vídeos que queirades enviar para participar no XIII Dar de ler coma quen dá de beber sobrepasen o tamaño permitido por Gmail. Por isto, podedes envialos compartindo o vídeo desde o Drive de Google, WeTransfer,... ou por WhatsApp nos teléfonos 669 244 966 (Yaiza) ou  608 087 119 (Beti).
 

Lembrade que a data límite para enviar as vosas recomendacións é o 21 de abril.

 

Para ver o contido máis grande fai clic na imaxe


 

ACTIVIDADES


 

Distribuir contenido


by Dr. Radut