Skip to Content

Actividades

ACTIVIDADES EXTRAESCOLARES 2018/19

DÍA ACTIVIDADE HORA PREZO MONITOR/A
LUNS PINTURA

   16:30-18:00        

CURSO COMPLETO: 80€ ANA
BAILE 16:30- 17:30 CURSO COMPLETO: 96€ NURIA
BIBLIOTECA 16:30- 18:00    
MARTES PINTURA 16:30- 18:00 CURSO COMPLETO: 80€ ANA
COCIÑA 16:30- 18:00 CURSO COMPLETO: 80€ BEA BARBOSA

INGLÉS

16:30- 18:00 MES: 24-27€ ACTIVE PROJECTS
MÉRCORES  TAEKWONDO 16:30- 18:00 CURSO COMPLETO: 80€  FERNANDO
BIBLIOTECA 16:30- 18:00    
XOVES  TEATRO 16:30- 18:00 CURSO COMPLETO: 112€  BEGOÑA
COCIÑA 16:30- 18:00 CURSO COMPLETO: 80€ BEA BARBOSA
ROBÓTICA 16:30- 17:30 MES: 20€ MUNDOCLASES
BIBLIOTECA 16:30- 18:00    
VENRES

 NATACIÓN

PISCINA DE VALADARES

17:30- 18:15 CURSO COMPLETO: 59,20€
 

BIBLIOTECA

16:30- 18:00    

COMEZO DAS ACTIVIDADES O DÍA 1 DE OUTUBRO

 

PINTURA: unha actividade moi arraigada no colexio, impartida por Ana. Os traballos realizados formarán a exposición de pintura de fin de curso.

BAILE: Actividade na que practicarán diferentes estilos, moderno, hip-hop,  danza, stretching, etc.

COCIÑA: esta actividade, de gran éxito dende o comezo, está novamente a cargo de Beatriz Barbosa.

INGLÉS: Impartirase en dous grupos (un para as nenas e nenos de 1º e 3º, e outro para os de 4º a 6º). A actividade será impartida por un centro que é examinador oficial do Trinity College, polo que os nenos e nenas que o desexen, tamén poderán facer ditas probas. As clases terán un carácter lúdico.

TAEKWONDO: unha actividade que xa conta cunha longa tradición no cole. Será impartida, como nos últimos anos, por Fernando. 

TEATRO:

 

ROBÓTICA: o contido desta actividade será a construción dun robot e resolución de retos de aprendizaxe mediante a robótica e a programación. Non son necesarios coñecementos previos, só familiaridade co uso de dispositivos electrónicos.

NATACIÓN: como en anos anteriores, será na piscina de Valadares en horario de 17:30 a 18:15 O prezo é de 59,20€ polo curso completo IMPORTANTE: esta actividade hai que pagala integramente e entregar a ficha asinada antes do día 25 de setembro, pero cómpre agardar a ter confirmación de praza; o pago anticipado (antes da confirmación) non supón a reserva da praza.

Dende a Directiva animámosvos a participar nestas variadas e interesantes actividades e lembrámosvos que, para podérmolas levar a cabo, precisamos un número mínimo de nenas e nenos. Cada actividade contará cunha persoa responsable da Directiva á que vos poderedes dirixir para calquera dúbida ou problema que poida xurdir unha vez postas en marcha.

Cuestións importantes:

- se nalgunha actividade hai máis demanda que prazas ofertadas procederase a realizar un sorteo público.

- no caso de que un/unha neno/a vaia abandoar unha actividade, cómpre avisar con 1 mes de antelación.

- Tede en conta que, antes de escoller actividades, é conveniente coñecer os horarios do reforzo escolar PROA para o alumnado.

Lembrámosvos que agás a tarde dos martes, o colexio ofrece un servizo de Biblioteca en horaio de 16:30 a 18:00 horas de outubro a maio. As nenas e nenos que quedan ao comedor e non teñen actividades pola tarde poden quedar a facer os deberes ou ler un libro na Biblioteca, ao coidado do profesorado que estea de garda ese día. 

Por último lembramos, que para participar nas actividades, cómpre que a  familia sexa socia da ANPA. A cota da ANPA é de 12 € ao ano por familia, que se deberán facer efectivos na entidade ABANCA, nº de conta ES17 2080-5035-06-3040015326.

O pagamento de todas as actividades, agás inglés e robótica, levarase a cabo mediante ingreso bancario na conta da ANPA en Abanca. Excepcionalmente, para que as persoas que non teñen conta en Abanca non se vexan obrigadas a pagar por facer o ingreso, poderase pagar en efectivo no propio colexio á hora de entrada (16:30h) ou de saída (18:00h) do horario de actividades. Respecto a inglés e robótica, as cobrará directamente a empresa que as imparte, que proporcionará información sobre o cobro o primeiro día da actividade.

As actividades, agás inglés e robótica, deberanse pagar de forma completa antes do 15 de outubro. Tamén poderase fraccionar o pago en dous prazos, téndose que pagar a metade da actividade antes do 15 de outubro e a outra metade antes do 15 de novembro.

Para calquera dúbida ou aclaración, podedes poñervos en contacto coa ANPA no correo electrónico anpapeitieiros@gmail.com ou no teléfono 626768751 (por Whatsapp preferiblemente, e se non é posible, por chamada de voz).

Agardamos que este programa de actividades sexa do voso agrado e satisfaga as necesidades de todas as familias.

 

*COMEDOR ESCOLAR: Para ver información sobre este servizo, consultar o apartado comedor nesta mesma páxina.

 

 

Distribuir contenido


by Dr. Radut