Skip to Content

Andaina Camiños Escolares Seguros

Hoxe, nenos e nenas do colexio, acompañados por mestres e monitoras, realizaron unha andaina pola contorna recorrendo os camiños que levan a escola. Desde unha perspectiva crítica, foron anotando as dificultades atopadas nos camiños e realizaron achegas para a súa mellora.

Dentro desta serie de actividades enmarcadas dentro do proxecto Camiño Escolar Seguro, está previsto, para o vindeiro día 10 de decembro, que as familias realicen este mesmo percorrido.


 

Día da Diversidade Funcional

O 3 de decembro conmemórase o Día da Diversidade Funcional e nesta ocasión, algúns compoñentes do profesorado, sorprenderon aos nenos e nenas cunha historia teatralizada do conto "O cazo de Lorenzo" co fin de acercarnos, comprender e empatizar coa diferenza.

Bravo polos nosos/as mestres e mestras!!!


 

ADORNOS DE NADAL PARA GONDOMAR

O alumnado do colexio colabora co concello de Gondomar co fin de engalanar unha das súas árbores durante as vindeiras festas, para o que elabora adornos utilizando como base materiais de refugallo.

Agardamos que vos gusten e que luzan fermosos nesa árbore de Nadal.


 

SEMANA CULTURAL 2019

Esta edición da Semana Cultural deu comezo cunha actuación das CONTACONTOS, Carla e Loreto, e o seu conto sobre a igualdade entre mulleres e homes, "Daniela Pirata"

O martes, todo o alumnado prepara actividades para representar dentro do tempo dedicado a INTERCONTOS, durante a Semana Cultural.

Entre as diferentes actuacións, os nenos e nenas de 4º curso contaron unhas adiviñas e cantaron uns versos de Rosalía de Castro.

O alumnado de 5º A representou unha obra de teatro titulada “O libro dos porcos” sobre o significado da igualdade e a diversidade.

O alumnado de 5º B ofreceunos unha actuación musical baseada no programa“Got Talent Kids”.

Os rapaces e rapazas de 6º A representaron un teatro-baile, un anuncio publicitario e uns chistes.

Por último 6º B lembrounos a importancia da reciclaxe cunha pequena obra de teatro titulada “Coidemos o noso planeta”

No colexio estamos moi concienciados no apoio á loita contra o cambio climático, polo que na celebración da Semana Cultural, non podía faltar un espazo para unha realidade que afecta a todo o mundo.

Nesta ocasión as CONTACONTOS Voltereta e Volvoreta, agasalláronnos co seu conto “O medio ambiente conta moito”,actividade organizada pola ANPA.

Alfredo López concedeunos unha CHARLA o xoves sobre A toniña, un cetáceo que, como moitas outras especies mariñas, está sufrindo as consecuencias da cantidade de refugallos e plásticos vertidos aos nosos mares. Ademais agasallounos cuns libros escritos por el mesmo e dedicóunolos agarimosamente.

O xornal La Voz de Galicia publicou unha reseña sobre este evento no colexio.

Durante a tarde do venres, instalamos un pequeno MERCADIÑO para intercambiar libros por sementes de tempada para a nosa querida horta. Ademais aproveitamos para recoller tamén produtos non perecedoiros para colaborar coas familias máis necesitadas durante este Nadal.

Grazas a todos e todas pola vosa desinteresada colaboración.

Como colofón da semana, o venres, día dedicado ás familias, o grupo de teatro Bertorella, representou unha obra de TEATRO titulada “O negro, a mulata e o galego” de Gustavo Pernas Cora, unha comedia que ten como escenario a illa de Cuba  dividida en tres actos.


 

ESTREAMOS BIBLIOTECA

O 24 de Outubro, coincidindo co Día das Bibliotecas Escolares, inauguramos a nosa, dedicada a Anisia Miranda, con novos recursos, xogos, libros, mobiliario...

Os máis pequenos poideron gozar cunha actuación de sombras chinescas representada polo alumnado de 6º B.

Para rematar o evento, alumnado e profesorado do centro, dirixido polo mestre de música, cantamos unha canción para conmemorar este día.

Durante o acto, deuse a coñecer á gañadora da nova mascota do colexio que acompañará a Eiros, o novo Peiti, realizado por Nara de 3º B.

Parabéns para ela e para todo o equipo de Biblioteca que fai posible que a maxia dos libros siga viva.


 

CAMIÑO ESCOLAR SEGURO

 No mes de outubro deu comezo na escola o proxecto Camiño Escolar Seguro, que impulsa o Concello de Gondomar co apoio da Deputación de Pontevedra. Como xa ocorre noutras vilas e cidades, perséguese que os nenos e as nenas poidan desprazarse á escola dunha forma autónoma, saudable, sostible e segura.

Para que os Camiños Escolares Seguros teñan éxito precísase da implicación do alumnado. Por iso, hai uns días presentouse o proxecto en todos os cursos. A través dunha actividade pensaron cales son os desprazamentos que fan á escola e como se fan (a pé, en bicicleta, en autobús ou en coche...). Ademais, reflexionaron en grupo sobre os elementos que debería ter un camiño á escola.

Ao longo deste trimestre as nenas e os nenos farán mais actividades, co obxectivo de deseñar de forma participativa o Camiño Escolar Seguro, contando coa súa visión e as súas propostas.

O alumnado de 6º confecciona murais nas aulas

 

Elementos que atopa o alumnado de 4º no desprazamento á escola

 

O alumnado de 6º traballa os camiños sobre os mapas

 


 

 

 

ACCIÓNS POLO CLIMA

 

MERENDAS RESIDUOS CERO

LUNS 30 DE SETEMBRO DE 2019

 

 


 

VÍDEOS: CAMBIO CLIMÁTICO

MÉRCORES 25 DE SETEMBRO DE 2019


LIMPEZA DE ESPAZOS VERDES

MARTES 24 DE SETEMBRO DE 2019


MINUTO DE SILENCIO POLO PLANETA TERRA

LUNS 23 DE SETEMBRO DE 2019


VENRES VERDES

VENRES 29 DE NOVEMBRO DE 2019

 

VENRES 18 DE OUTUBRO DE 2019

 

 

 VENRES 11 DE OUTUBRO DE 2019

 VENRES 4 DE OUTUBRO DE 2019

 

 

 VENRES 27 DE SETEMBRO DE 2019

 

 

   VENRES 20 DE SETEMBRO DE 2019

PODEDES SEGUIR TODAS ESTAS ACTIVIDADES NO BLOG 


 

NOTAS INFORMATIVAS

 

 


 

abalarMóbil

Estimadas familias, xa tedes á vosa disposición a aplicación abalarMóbil a través da que poderedes consultar a información dos vosos fillos e fillas a través do teléfono móbil.

Fai clic para ler a nota informativa

Se queredes saber máis sobre dita aplicación, pinchade no seguinte enlace que vos dirixirá á páxina da Consellería.

https://www.edu.xunta.es/espazoAbalar/nova/abalarmobil


Inicio


 


Profesorado e ANPA do CEP XOSÉ NEIRA VILAS


Desde o curso 2011-2012 o noso centro forma parte do

PROXECTO ABALAR

Curso 2014-2015 implementado

PROXECTO E-DIXGAL en 5º curso

Curso 2015-2016 implementado

PROXECTO E-DIXGAL en 6º curso

 

 

 

 


SEMPRE CONNOSCO



Benvid@s á web do CEP

"XOSÉ NEIRA VILAS"

Peitieiros - Gondomar

Secretaría 886 110220

                                        Dirección 886 110219

                            Orientación 886 110222   

                    Fax 886 110223                     

e-mail: cep.neira.vilas@edu.xunta.es

blog: http://blogs.voznatura.es/cepneiravilas/


Distribuir contenido


by Dr. Radut