CEP Dr. Fleming |

25N no Fleming

Este ano cada neno e nena decorou unha pluma da cor que lle tocaba por nivel, dentro do proxecto do centro "Un mundo de cor" e con todas elas fixemos unhas ás para voar. A idea é loitar unidas para que todas as nenas e as mulleres poidan vivir nun mundo sen violencia (o que estamos a lembrar no 25N) coa axuda dos nenos e homes da nosa comunidade, facendo entre todos visible este problema para poder eliminalo da sociedade canto antes.

Clicade na imaxe para ver o vídeo.

1 adxunto

Magosto 2022

Outro ano no que nos xuntamos para celebrar un día de convivencia con castañas, mandarinas e xogos populares. Este ano foi o 11 de novembro, data tamén salientable polo San Martiño. No colexio tivemos ao castañeiro que asou as castañas para todo o centro, e aproveitamos a ocasión para facer diversas actividades culturais relacionadas con esta data nas aulas.

Para saber máis da festa do magosto, clica.

4 adxuntos

Entrega dos vales extra de 25 euros a partir do martes 18 de outubro

A partir do día 18 de outubro entregaremos os vales extra de 25 euros.

O vale debe empregarse preferentemente na libraría/establecemento antes do 1 de decembro de 2022.

LIBRERÍAS/ESTABLECEMENTOS ASOCIADOS

Resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022.

Nesta resolución establécese que os beneficiarios do vale para adquirir material escolar por importe de 50€ recibirán un vale adicional de 25€. Así mesmo, o alumnado que se incorpore a un centro docente sostido con fondos públicos ao longo do curso escolar e ata o 31 de marzo de 2023, que perciba a axuda para adquirir material escolar da Orde do 29 de abril de 2022, tamén percibirá esta ampliación.

1 adxunto

Aprobada a Programación Xeral Anual.

A programación xeral anual, coñecida como a PXA, foi aprobada polo Claustro e Consello Escolar o día 11 de outubro do 2022, e recolle a organización do centro e das actividades para o curso académico 2022-23.

CLICA PARA LER.

Nesta data tamén se aproba a elección do día 2 de maio como non lectivo.

Ver calendario 22-23.

2 adxuntos

Reunións xerais coas familias para a organización do curso 22-23

Reunións xerais coas familias.

Día da reunión:	Hora	A reunión comeza co profesorado especialista e sigue na aula coa persoa titora.
MARTES 13 de setembro	16:30h	4º Usos múltiples
MARTES 20 de setembro	16:00h	2º Usos múltiples
MARTES 20 de setembro	16:30h	3º Usos múltiples
MARTES 27 de setembro	16:00h	1º Usos múltiples
	17:00h	5º Usos múltiples
	17:30h	6º Usos múltiples

Entradas e saídas no curso 22-23

Respectade e axudade a que o alumnado de 1º a 4º esté na súa fila, respectando o espazo dos nenos e nenas, e supervisando dende a distancia.

Deixade a beirarrúa ao redor do colexio despexada para facilitar o paso.

GRUPO	ENTRADA	SAÍDA	SAÍDA COMEDOR
5º e 6º	9:00	14:00*	Ata 15:55*
CLICA	INSTALACIÓN DEPORTIVA CARA AO PATIO1	INSTALACIÓN DEPORTIVA CONCELLO	Poden marchar despois de comer. RÚA Ourense/Romil
3º e 4º	9:00	14:00	Ata 15:55
CLICA	RÚA OURENSE	RÚA OURENSE	RÚA OURENSE patio2
1º e 2º	9:00	14:00	Ata 15:55
CLICA	Entrada principal	Entrada principal	PATIO1

*O alumnado de 5º e 6º pode saír só se o autorizades. Valorádeo e faládeo con eles ou elas para poñer hora de chegada a casa.

3 adxuntos

Ata o día 1 de setembro. Feliz descanso e boas lecturas!!

Vémonos en setembro en horario de 9:00 a 14:00h.

A partir do día 1 iremos poñendo as novas salientables para a posta en marcha do novo curso 2022-23. O alumnado comeza as clases e o comedor o día 8 de setembro.

Esquema do calendario escolar 22-23

4 adxuntos

Prazos de entrega importantes.

A secretaría estará aberta para a entrega de vales de libros de 1º e 2º curso e material (todos os cursos) ata o mércores día 13 de xullo.

LIBROS PARA OS DIFERENTES CURSOS.

Publicado o fondo definitivo de libros. Podedes velos de xeito electrónico ou na entrada interna superior.

Os libros do fondo son de préstamo, e serán entregados en setembro. Os funxibles deben ser mercados polas familias. En 3º e 5º repartiremos os libros novos (nova lei educativa) polo que non hai existencias para aqueles que non lle corresponde por renda.

Non merquedes os libros que hai aviso de non mercar, haberá para todos (fixeran ou non a solicitude de libros) e poden haber mudado de ISBN.

ACCESO Á INFORMACIÓN DAS BECAS.

6 adxuntos

Hoxe un día de despedidas e moitas alegrías...

Gracias a toda a Comunidade Escolar por un curso cargado de experiencias.

Parabéns a todo o alumnado de 6º que marcha para o instituto deixando un agradable e superespecial recordo do seu paso polo Fleming.

Na foto o alumnado das catro aulas de 6º que destaca no rendemento.

1 adxunto

Premios Eduemprende 21-22

Entrega no día 21 de xuño, dos premios de grupo e individuais da actividade Eduemprende.

O alumnado participante foi o de 5º de Primaria. Na foto os premiados na entrega en Santiago.

O grupo do Fleming

Enlace á resolución da Consellería.

4 adxuntos

Aprendendo a salvar vidas no Fleming.

O alumnado de 6° participou nun obradoiro sobre RCP a cargo dun equipo médico do CHUVI (Complexo Hospitalario Universitario de Vigo). O obradoiro constou de dúas partes: unha presentación de contidos e a súa posta en práctica. Aquí tedes unha pequena mostra fotográfica!

4 adxuntos

Estupenda convivencia co alumnado de 5 anos de Vilalaura

Hoxe 17 de xuño retomamos a visita do alumnado de 5 anos de Vilalaura ao colexio, para afacerse coas instalacións nas que estarán os primeiros anos no Fleming. O misterio o puxo o alumnado de 1ºC coa obra "Dez gatiñas viaxeiras" e o toque musical coas Tanxugueiras, o alumnado de 5º.

Unha xornada de convivencia estimulante e moi agarimosa para os dous centros. Benvida nenos e nenas!!

4 adxuntos

Saída á Illa de San Simón

Nestes días aproveitamos para coñecer un lugar con moita historia. A Illa de San Simón. Para saber máis deste lugar.

Clica para ver máis fotos.

2 adxuntos

Folla de actualización de datos para o curso 2022-23

O día 1 de xuño enviaremos as follas de actualización de datos.

Folla amarela no plástico

Para mellorar a organización da entrega na secretaría, propoñemos un día por nivel para as familias que desexen achegarse ao centro. O propio neno ou nena poderá tamén entregala no día indicado.