CEIP San Xosé Obreiro

Do día 1 ao 23 de marzo (20 de marzo online) estará aberto o prazo para presentar solicitudes de admisión en centros de ensino públicos e concertados da Consellería de Educación.

As solicitudes poden realizarse directamente sen ter que vir ao colexio, accedendo á aplicación admisionalumnado, ou cubrindo e entregando na Secretaría do colexio o Anexo II.

Convén ter en conta o seguinte:

- Dirección Xeral de Centros e Recursos Humanos (Instrucións)

- Vacantes e información resumida (circular informativa)

- Criterios de valoración a efectos de baremo

Todos estes documentos están expostos nos taboleiros de anuncios do centro.

 A Consellería irá actualizando a información relativa a todo o proceso nesta ligazón. 

XORNADA DE PORTAS ABERTAS:  LUNS 9 DE MARZO, ás 18:00 horas

Xa chega o Nadal de novo e coma sempre queremos desexarvos que teñades unhas moi felices festas cas postais elixidas en cada curso este ano 2019.

Feliz 2020 e Bo Nadal para tod@s. Ata día o vindeiro 8 de xaneiro !!

Hoxe celebramos no colexio o magosto e a exposición de cabazas e, por suposto, tamén o Samaín, adiantado este ano porque mañá é día non lectivo en toda Galicia, por ser Día do Ensino.

Coma sempre, estades convidados á exposición das cabazas, e como non, á degustación das castañas, que desexamos que estean ao gusto de todo o mundo.

Agardámosvos! 

Boas a todo o mundo!

Acábannos de pasar unha información que poida que vos interese. Trátase dunha campaña, que desenvolve a fundación dunha coñecida marca de lentes a nivel nacional, que ofrece a posibilidade de obter lentes graduadas de balde.

A campaña vai dirixida ao alumnado entre os 5 e 7 anos de idade e para apuntarvos teríades que acceder desde esta páxina. O prazo para facelo remata o vindeiro 13 de outubro.

Comunícase que están dispoñibles para consulta as listaxes DEFINITIVAS (admitidas e excluidas) de solicitudes  para o vale de libros de texto, material escolar e fondolibros,  adxudicados ou non en función da renda.

Os vales poden retirarse persoalmente ou baixo autorización asinada e DNI, unicamente os días 3 e 4 de xullo, de 10:00 a 13:00 horas. Os vales non retirados entregaranse a partir do 1 de setembro.

LIBROS QUE CORRESPONDEN A CADA ALUMNO:

Listaxe DEFINITIVA de admitidos fondolibros 

Listaxe DEFINITIVA de excluídos fondolibros

Listaxe de libros de Texto 2019-2020

NOTAS IMPORTANTES A TER EN CONTA:

- No caso de figurar na relación de admitidos e non corresponderlle libros (por non haber existencias no colexio), convén agardar a setembro e falar ca titora ou titor do curso correspondente antes de compralos, por se houbera algunha modificación (donativo, renuncia, etc.) de última hora.

- O "libro de adquisición complementaria", que se menciona nalgún dos casos, é o libro de inglés de lectura que será proporcionado polo centro. Coma sempre, o libro de actividades de inglés deberá ser adquirido polas familias, xa que non está cuberto por estas axudas.

- TODOS OS LIBROS SERÁN ENTREGADOS EN SETEMBRO.

- O resto das incidencias que quedaran sen resolver  tentaranse solucionar en setembro, se é posible.

ACTUALIZACIÓN SETEMBRO: 

O mestre de inglés comunícanos que a editorial modificou o ISBN correspondente ao libro de inglés de  6º EP (workbook).  En todo caso segue a ser o mesmo libro do curso pasado. Xa está cambiado na listaxe.