blogue deAdmin2

A última semana de febreiro celebramos no colexio o noso "Entroido mariñeiro". Primeiro, Larapeto dounos unhas pistas para pescudar o personaxe misterioso. Para conseguir pistas debiamos vir cada día da semana segundo as súas indicacións: o luns con algo nos pés, o martes unha prenda do revés... Así ao remate da semana averiguamos o personaxe: o peliquiero de Laza. O noso Larapetiño tamén se disfrazou de peliqueiro: que guapiño estaba!!! Nós tamén nos disfrazamos: os de Infantil de animais do mar (estrelas, peixes, polbiños, cangrexos, cabaliños de mar...), 1º e 2º de Primaria de Buzos, 3º e 4º de Piratas e 5º e 6º de mariñeiros. Todos xuntos fixemos un desfile dende as aulas ata o pavillón, onde nos esparaban as familias para desfrutar todos xuntos dos nosos bailes de Entroido. Ao rematar, regresamos ao cole para degustar as delicias culinarias que preparan as familias (filloas, orellas, biscoitos variados...) que nos gustaron moito...Moitas grazas a todas estas familias que tanto nos coidan!!! Por último, fixemos unhas fotiños co fillo do loro Ravachol que xunto con nós pon a nota de cor a este "Entroido mariñeiro".

Dentro do Proxecto "Aliméntate Ben" está o denominado "O sabor da aventura está no mar", o cal nos levou a semana pasada a realizar unha saída mariñeira. A primeira parada o itinerario foi Poio, alí coñecemos o primeiro paso guiados polas mariscadoras, e vivimos con elas un día do seu traballo na recollida de moluscos bivalvos. Despois pasamos ao punto de control onde nos ensinaron unhas máquinas que seleccionan as ameixas por tamaños (clase A,B e C) e explicáronnos  a pesada dos colleitas para non exceder a cota. Logo fomos ao porto de Campelo onde aprendemos as partes dun barco, contemplamos o traballo dos mariñeir@s en terra, tales como a reparación das redes e presenciamos a chegada dun barco de pesca con productos frescos do mar (polbos, centolas, chocos, peixes lúa). Posteriormente, na visita a lonxa, puidemos simular unha poxa empregando os mandos destinados a tal fin. Por último, na casa do pobo de Campelo ofrecerennos un menú de degustación con pratos elaborados con peixes e mariscos que nos encantaron como podedes apreciar nas imaxes. Na despedida agasalláronnos cuns contos, carteis e adhesivos do evento. Foi unha experiencia increíble.

Despois desta saída viñeron ao cole dous dos representates do programa, para reforzar os contidos xa aprendidos a través das aventuras e xogos da "Panda dos Arroaces".

O 15 de xaneiro tivo lugar no centro o primero encontro da Escola de Familias, comezando cunha charla informativa  sobre como marcar as normas e os limites aos nenos/as. A poñente foi Carmen Loureiro. 

Onte os alumn@s e profes de 5º e 6º fomos de visita á fábrica de Clesa en Caldas.  Ao chegar, o primeiro que vimos foron uns inmensos tanques onde se gardaba o leite. Tamén nos explicaron  que Clesa é unha cooperativa ao igual que EVEX.

A continuación, entramos no recinto e vimos o proceso de fabricación dos iogures que tanto nos gustan. Os guías da fábrica eran un escritor e un ilustrador, este último fíxonos uns debuxos e ensinounos a facer unha vaca seguindo uns pasos moi sinxelos. Xa veredes que ben nos saíron a todos estas vaquiñas.

Por último, degustamos uns riquísimos iogures de chocolate dos que puidemos mesmo repetir e agasalláronos cun  libro e máis un lote de iogures con sabor a fresa. Encantounos a experiencia, esperamos que o resto do cole o pase igual de ben!