No mes de novembro. os nenos de Educación Infantil foron de excursión polo centro educativo. Nesta pequena viaxe viron as diversas instalacións do noso colexio. Mirade que contentos exercendo de directores e tamén de mestres de Audición e Linguaxe. Quizais nun futuro ocupen o posto das nosas profes Carmen e Alicia!
O xoves 22 de novembro os alumn@s de 6º de EP realizamos unha saída ao monte próximo ao noso colexio para recoller diferentes especies de setas e cogomelos, coa importante axuda de Jaime (representante da asociación Brincabois) que nos foi orientando e informando das distintas especies que iamos recollendo polo camiño. Gozamos moito do día e recollemos moitas cestas de diferentes variedades que despois quedaron expostas na entrada interior do colexio para que todos as puideran observar e apreciar. Para recordar esta actividade temos unhas fotiñas que ilustran marabillosamente esta lúdica xornada micolóxica.
Mochileta, a curmá do noso bibliotecario Larapeto acaba de iniciar a súa viaxe polas casiñas dos nen@s de Educación Primaria. Mirade, mirade que cargadiña vai!.
O día 20 de novembro, o alumnado de 3º e 4º de EP acudiu á sade de AFundación de Pontevedra a ver o concerto de "Fetén Fetén, o máxico planeta dos instrumentos insólitos". Con este concerto didáctico, os nenos emprenderon unha marabillosa viaxe a través dos diferentes ritmos e melodías da música popular española, transmitíndolles valores como a reutilización, a pobreza, a imaxinación e a importancia de coñecer as nosas tradicións empregando algúns dos instrumentos máis incribles da historia da música.
Unha vez rematado o concerto os alumnos acudiron a ver a exposición "De la razón de Goya a los monstruos de Salvador Dalí" no Café Moderno. Alí os nen@s realizaron un obradoiro de gravados e participaron nun coloquio sobre estes pintores no cal mesmo tiveron que cazar os monstros de Dalí.
Os alumnos de 5º e 6º de Educación Primaria realizamos unha saída cultural a Pontevedra na que puidemos gozar dunha obra de teatro en AFundación titulada: "De los cuentos a las cuentas". Gustounos moito, xa que era adaptada á nosa idade e traballaba valores moi importantes como a igualdade de xénero. A continuación, no Café Moderno, participamos activamente nuns talleres divertidos nos que aprendemos a facer un gravado seguindo unha técnica xa utilizada polo gran pintor.Ademais, puidemos admirar parte da súa arte e das doutro grande, Dalí.
O día 5 de novembro celebrouse no centro unha charla informativa sobre a compostaxe a cargo dun dos responsables de REVITALIZA, programa que se levará a cabo no colexio durante este curso académico.
A través deste programa da Deputación de Pontevedra preténdese achegar ao alumnado ao mundo da compostaxe con fin de reciclar a materia orgánica, aforrar en fertilizantes, contribuír a reducir a contaminación e mellorar a saúde da terra e das plantas.
Ah, acordádevos nen@s e ti tamén Larapeto da regra dos tres erres:
Boas!!!! A Larapeto case lle da un infarto estas semanas pasadas con tantas pantasmas, mortos, meigas, morcegos, ratos, arañas xigantes, vampiros sanguentos...Pobriño, todos estes seres habitaron a súa casa dun día para outro.Ante tal novidade, nas nosas aulas recibimos unha LARAPETADA TENEBROSA, é dicir, un programa para celebrar o SAMAÍN ou HALLOWEEN. Aquí tedes todos estes seres vivos e non tan vivos e o programa de Samaín que argallou o noso Larapetiño.
En canto ao CONCURSO DE CABAZAS, Larapeto e os mestr@s do centro queremos darvos o agradacemento polas vosas fantásticas cabazas. Atoparedelas no video e a continuación, mostrámosvos das gañadoras.
Os nenos/as de educación primaria ó longo do primeiro trimestre, tras investigar sobre o squah, practicaron este deporte no centro. Mirade que bos deportistas temos en Xeve!
Ao longo do primeiro trimestre, os nenos de Educación Infantil de cinco anos do cole, realizaron unha actividade relacionada cunha cata de froitos de outono. Consistiu en que todos os días un neno/a traía un froito típico desa estación (laranxa, mandarina, mazá, caqui, chirimoia, améndoa, piñóns...) para compartir cos compañeiros/as. Todos os probaron e, coa axuda da profe Luisa, fixeron un Power Point coas características e propiedades que máis lles chamaron a atención. Despois informaron aos nenos de 3 anos da actividade e por último fixeron unha brocheta con distintos froitos que cataron para rematar así a actividade, que lles gustou moito. Mirade as súas caras de felicidade!
Ah! Na festa tamén houbo baile, xa que cantaron e bailaron a cantiga dos froitos do grupo musical PICA-PICA. Pasárono moi, moi ben... de seguro repetirán.