Comezo de curso 2020-2021
Titorial de acceso á Aula Virtual
Se necesitas axuda para acceder á Aula Virtual, podes ler este breve Titorial. O titor de cada alumno comunicará o nome de usuario e o contrasinal necesarios para poder acceder.
PROTOCOLO DE ADAPTACIÓN Á COVID
Para acceder ao Protocolo de adaptación á COVID pincha eiquí.
DECLARACIÓN RESPONSABLE
O pasado venres día 4 de setembro a Consellería de Educación publicou o Modelo de declaración responsable, polo que as familias se comprometen a facer a "Enquisa de Autoavaliación clínica do COVID aos seus fillos. Os titores son os encargados de recoller esas Declaracións.
ENQUISA DE AUTOAVALIACIÓN DIARIA DO ALUMNADO
Có fin de facilitar ás familias o control do estado de saúde do alumnado, a Consellería de Educación publicou unha Enquisa de Autoavaliación (Actualizada o 25-09-2020) que podedes atopar neste enlace.
Protocolo COVID-19
- Os titores están contactando coas familias proporcionando información útil á espera de poder facer unha reunión.
- Seguindo as directrices marcadas pola Consellería de Educación da Xunta de Galicia, o colexio en coordinación coa ANPA esta mos perfilando o Plan de adaptación á situación Covid-19 axustado á realidade do noso centro. É un documento provisional sobre o que traballar polo que incorporaremos todas as novidades e reorganizaremos según esixa a realidade sanitaria do momento. Será presentado ao Consello Escolar e en canto estea aprobado será publicado.
O máis destacados para o noso alumnado é:
EQUIPO COVID |
Na escola contaremos cun Equipo que será o encargado de comunicar calquera incidencia tanto a vós como ás vosas familias. Este Equipo está formado por: -Teresa(Orientadora e coordinadora) -Profe María Luisa(Infantil) -Profe M.ª José del Río (Primaria) |
QUE FAGO ANTES DE IR AO COLE?
PREPARO A MOCHILA
|
Na mochila teredes que meter: • O material que precisamos • A axenda. (E.P) • O estoxo. (E.P) • Una bolsa ou caixa para gardara máscara co nome.(E.P. e E.I) e unha máscara de reposto. • Almorzo para o recreo. (E.P e E.I) • Unha botella de auga. (E.P e E.I) unha máscara de reposto. • Paquete pequeno de panos (E.P. e E.I) |
Ata novo aviso non poderedes traer á escola xoguetes, cromos, cordas, balóns...
COMO ME SINTO HOXE?
|
•Todas as mañás, comprobaremos a nosa temperatura, se temos tose... •Se tedes algún síntoma teredes que quedar na casa ata que o voso pediatra o diga. •Se non tedes ningúnsíntoma podedes vir á escola |
SÍNTOME FENOMENAL, ASÍ QUE... Á ESCOLA!
XA ESTOU NO COLE, E AGORA QUE?
COMO ENTRAMOS? |
||
Educación Infantil, 1º e 2º de Primaria Entraredes por rúa Buenavista. Esperades na fila de puntos rosas indicada e en fila respectando a distancia de seguridade iredes directamente para a vosa aula. |
3º,4º,5º,6º de Primaria Entraredes polas portas indicadas na Avenida de Oza. Esperades na zona de puntos amarelos indicada do teu curso e en fila respectando a distancia de seguridade iredes directamente para a vosa aula. |
|
Diríxome á miña aula procurando tocar o menos posible paredes, interruptores da luz, mobiliario común, portas, pomos ... |
||
Nos accesos estará sempre un/unha mestre/a para axudarvos e guiarvos, para que saibades en todo momento que tedes que facer e vos sintades acompañad@s e segur@s. |
NA AULA |
• Vou ao meu sitio onde colgo a miña chaqueta na cadeira/colgadoiro e deixo a mochila no meu posto. • Desinfecto as mans ao entrar na aula. • Teño que lembrar que non podo prestar o meu material. • Se usamos algo comúnteremos que limpalo antes e despois do seu uso. • Merendaremos nas aulas, as merendas serán saudables como en cursos anteriores, e non podemos compartir nada cos compañeiros. • Lavaremos as mans con auga e xabón ou desinfectarémolas con xel, antes de merendar, antes e despois do recreo, antes de baixar ao comedor, cada vez que usemos o baño, e sempre que sexa necesario. • É recomendable en Infantil e obrigatorio en Primaria o uso da máscara tamén dentro da aula; é recomendable en Educación Física sempre que sexa posible. |
Nas aulas e en todas as dependencias do cole, contaredes co material hixiénico necesario: panos desbotables, xeles, papeleiras...para garantir a máxima hixiene. Mestres e mestras estaremos pendentes para axudarvos en todo momento e recordarvos as normas hixiénicas e sanitarias, se tedes dúbidas preguntade o que precisedes. |
FORA DA AULA Sempre que saias tes que recordar dúas cousas:
|
|
•Leva ben posta a túa máscara. É recomendable levala tamén en Infantil Educación Primaria ten que levala en todo momento |
•Mantén a distancia |
QUERO IR AO BAÑO |
•Os aseos utilízaranse segundo a plantado cole na que nos atopamos, independientemente do sexo,de tal xeito que un baño está aberto mentras limpan o outro. Os baños teñen un aforo limitado, polo que non podemos ir todos a un mesmo tempo. Cando precisedes ir ao baño tedes que saber: -Se hai mais nenos tedes que esperar,respectando a distancia mínima. -Intentaredes estar o tempo imprescindible. -Tedes que lavar as mans despois de ir e utilizar as papeleiras |
TEMPO DE RECREO
|
- Acudiremos ao patio cando o tempo o permita; de non ser así, quedaremos nas aulas, patio cuberto, ximnasio . - No patio xogaremos nos espazos asignados: Os primeiros días os profes recordarannos onde temos que xogar. - Non podemos usar material ( balóns, cordas....), como xa sabedes non podemos traelos á escola. - Para movernos polo centro temos que levar sempre a máscarA |
A COMER!
|
Acudiremos ao comedor acompañados polos monitores, en orde e respectando a distancia mínima de seguridade, para transitar pola escola temos que levar posta a máscara. Colocarémonos nos espazos asignados a nosa aula, non poderemos deambular polo comedor, se precisamos algo teremos que pedirllo ao persoal colaborador. Unha vez colocados no noso sitio podemos sacar a máscara e gardala dentro da bolsa ata que rematemosde comer.( Recoméndase que a utilicen entre primeiro e segundo prato, e ata que lle sirvan o postre). |
MARCHAMOS PARA A CASA
Agardaremos a orde do profe que nos acompaña, en fila respectando a distancia de seguridade e saímos polo mesmo sitio polo que entramos. A persoa que vos recolla estará esperándovos coa máscara posta e unha vez esteamos fora non podemos quedarnos nos accesos interrumpindo as saídas. |
E SE ESTOU NA ESCOLA E NON ME ATOPO BEN?
1. Aviso ao mestre 2. Na escola teremos un espazo habilitado para estes casos. Un membro do equipo Covid do cole acompañaranos a esta sá para avaliar os nosos síntomas e contactar coa nosa familia. 3. Neste espazo non podo estar con outro compañeiro, soamente poderei estar cun mestre. 4. Chamaremos a casa para informar, para que veñan a buscarvos e seguiremos as instrucións que nos fagan chegar do centro de saúde. |
QUE PODO FACER PARA PREVIR A TRANSMISIÓN?
Lava con frecuencia as mans con auga e xabón ou con xel. | |
Emprega a máscara sempre, so podes quitala na aula se estás en Infantil. | |
Mantén a distancia de seguridade. | |
Se te encontras mal queda na casa. | |
Evita tocar ollos, nariz e boca. | |
Para tusir ou esbirrar tapa o nariz cun pano desbotable ou faino na flexura do cóbado. |
Os días 10 e 11 de setembro terá lugar o comezo de curso.
O xoves día 10 comezan:
4º de Educación Infantil (3 anos), Período de adaptación. Entrada e saída por rúa Buenavista.
5º de Educación Infantil (4 anos), de 9:05 a 13:45 horas. Entrada e saída por rúa Buenavista.
1º de Educación Primaria, de 8:55 a 13:50 horas. Entrada e saída por rúa Buenavista.
2º de Educación Primaria, de 8:55 a 13:55 horas. Entrada e saída por rúa Buenavista.
3º de Educación Primaria, de 9:00 a 13:55 horas. Entrada e saída por porta principal de avenida de Oza.
O venres día 11 comezan:
6º de Educación Infantil (5 anos), de 9:00 a 13:45 horas. Entrada e saída por rúa Buenavista.
4º de Educación Primaria, de 8:55 a 13:50 horas. Entrada e saída por porta principal de avenida de Oza.
5º de Educación Primaria, de 9:00 a 14:00 horas. Entrada e saída por porta secundaria (con escaleiras) de avenida de Oza.
6º de Educación Primaria, de 8:55 a 13:55 horas. Entrada e saída por porta secundaria (con escaleiras) de avenida de Oza.
Adxunto | Tamaño |
---|---|
enquisa_de_autoavaliacion profe-alumnado.pdf | 427.92 KB |
Titorial acceso aula virtual_6.pdf | 152.14 KB |
Modelo_Anexo_V._Plan_adaptacion_ao_contexto_Covid definitivo.pdf | 1.46 MB |