"I eres a estrela que brila, i eres o vento que zoa. Si cantan, es ti que cantas..." Rosalía de Castro
Biblioteca en familia
O NOSO HORTO NO VERÁN.
Enviado por Noelia o Sáb, 24/09/2022 - 15:11
Ao longo dos meses de xullo e agosto, o noso horto seguíu producindo para nós.
Grazas ao sistema de rega automática instalado e ao traballo voluntario de coidado e recolección, puidemos gardar a nosa colleita de allos e cabaciños.
As tomateiras comezaron a producir e fomos conxelando os tomates maduros para engadir á salsa de tomate no mes de setembro.
Grazas ao traballo colectivo temos un horto ben fermoso e produtivo!
A GARDA CIVIL VISITA O NOSO COLE. (2 - 6 - 2022).
Enviado por Noelia o Xov, 02/06/2022 - 22:46O alumnado de 5º e 6º de Primaria recibiu unha charla sobre o acoso escolar, enmarcada dentro do "Plan Director para a Convivencia e a Mellora da Seguridade nos centros educativos e a súa Contorna" " que, nas zonas rurais, desenvolve a Garda Civil.
Na aula de Infantil tiveron a visita de David (o pai de Anxo e David) quen veu co seu compañeiro a explicarnos en que consiste o seu traballo. Responderon a todas as súas preguntas e foron da man dos máis pequeniños coñecer a horta e o galiñeiro.
Tamén viñeron axentes do SEPRONA e todas as nenas e nenos do colexio puideron baixar a ver os diferentes vehículos oficiais que nos amosaron así como o seu equipamento.
Moitas grazas por vir vernos e ensinarnos tantas cousas!
A A.N.P.A. CONTRIBÚE Á TRANSFORMACIÓN DA BIBLIOTECA ESCOLAR MERCANDO UNHA ESTUPENDA MESA DE LUZ PARA O RECANTO CREATIVO.
Enviado por Noelia o Ven, 27/05/2022 - 21:36Hoxe estivemos marabillados estrenando a nosa nova mesa de luz. A asociación de nais e pais do colexio fixéronnos este fermoso agasallo que, ademáis de ser un fantástico recurso pedagóxico é moi divertido. Moitas grazas!!
O GALIÑEIRO ESTÁ LISTO PARA RECIBIR AOS PITIÑOS E A BIBLIOTECA CASE A PUNTO. (20 - 05 - 2022).
Enviado por Noelia o Ven, 20/05/2022 - 21:31E para rematar a semana, as familias viñeron dúas tardes a colaborar coa organización dos espazos do colexio.
O xoves rematouse o peche do galiñeiro e montouse a casiña de madeira para as pitas. O venres centrámonos na cartelería para indicar a ubicación dos libros na biblioteca.
Un intenso traballo en equipo que, dende o cole, agradecemos de corazón.
Unha aperta enorme!
ALBA, A NAI DE CARLOTA, VEU AXUDARNOS A FACER UN ESPANTALLO PARA A HORTA. (19 - 05 - 2022).
Enviado por Noelia o Xov, 19/05/2022 - 23:41Dentro do proxecto "A nosa horta" no que contamos coa visita de todas as familias do alumnado de Infantil; hoxe tivemos con nós a Alba, a nai de Carlota, quen trouxo todos os materiais necesarios para facer un espantallo.
Despois dun proceso de creación colectiva, tocou poñerlle nome: o noso espantallo é unha espantalla e chámase Carlota.
Moitas grazas Alba por traernos esta estupenda actividade!
TORTA DE MILLO E BOLIÑOS NA CASA DA PROFE JULIA (18 - 05 - 2022)
Enviado por Noelia o Mér, 18/05/2022 - 23:24E despois de sementar o millo, velo medrar, colleitalo, degrañalo, levalo a moer e peneirar a fariña... o alumnado de infantil foi cocer ao forno.
Foi unha xornada moi especial onde puidemos ver a diferencia entre a fariña de millo e a fariña de trigo. Amasamos as dúas para facer a torta de millo e boliños preñados de chourizo.
Moitas grazas á avoa de María por aprendernos tantas cousas sobre o millo, a Sandra pola súa paciencia e bo facer coa masa de trigo e aos anfitrións Julia e David que nos acolleron na súa casa con todo o cariño do mundo. Un bico enorme!!!
MARCOS, O PAI DE DANIELA, VEU PASAR O MOTOCULTOR Á NOSA HORTA (6 - 5 - 2022).
Enviado por Noelia o Ven, 06/05/2022 - 20:10E para rematar a semana tivemos a visita de Marcos e Eva (o pai e a nai de Daniela), que viñeron a axudarnos a poñer a punto a nosa horta.
Estivemos encantad@s escoitando as explicacións de Marcos e vendo como traballaba.
En breve iremos a sementar o millo e a plantar as plantiñas do sementeiro.
Moitas grazas por esta visita tan proveitosa!
JOSE E MARÍA, PAI E NAI DE XOEL, MONTARON O ARMARIÑO PARA COLOCAR OS LIBROS NA ZONA DE LECTURA AO AIRE LIBRE. (5 - 5 - 2022)
Enviado por Noelia o Xov, 05/05/2022 - 19:12A nosa biblioteca exterior xa case está a punto! Hoxe a familia de Xoel veu ao noso cole para axudarnos coa tarefa de montar
un pequeno armario para gardar os libriños destinados a ler na zona verde. Quedou xenial!
Moitas grazas por axudarnos e por compartir con nós o voso tempo!
EN 21 DÍAS NACERÁN OS NOSOS PITIÑOS. (3 - 5 - 2022).
Enviado por Noelia o Xov, 05/05/2022 - 18:47O martes día 3 de maio, o pai de Enzo trouxo á clase de Infantil unha ducia de ovos "galados". Estivemos investigando como funciona a incubadora que nos prestou a nai de Liza e trouxemos libros da biblioteca que explican como vai ser o proceso.
En 21 días nacerán os nosos pitiños. Traeremos a unha galiña que nos presta a nai de Álex para que coide deles mentres son pequeniños.
Estamos desexando velos nacer e levalos por todas as clases para que os vexan os maiores!
O GALIÑEIRO ESTÁ EN MARCHA (29 - 04 - 2022).
Enviado por Noelia o Sáb, 30/04/2022 - 11:29E despois de facer o proxecto, solicitar os permisos e buscar os recursos... xa se está materializando o noso galiñeiro!!
O Concello preparou a base de cemento e fíxose cargo dos materiais necesarios. As familias (dous papás e un avó) están a realizar a montaxe do "peche"para que as nosas galiñas teñen un lugar seguro e confortable onde vivir.
Xa temos a incubadora no cole e na semana que vén montaremos a casetiña de madeira que mercamos para que vivan os pitiños.
Iremos informando dos novos avances!!