MUSEAL: A VACINA QUE INMUNIZA

Museal, a vacina que te inmuniza só se subministra nos museos da Rede Museística e exclusivamente por fiestra virtual. Desde os museos da Rede Museística da Deputación de Lugo queremos axudar e facémolo usando os recursos e ferramentas que mellor coñecemos: as que nos permiten mediar entre os fondos que se custodian nos nosos museos e as persoas, que sodes quen, en realidade, tedes o dereito de tirarlles un proveito. 

CONFINA o virus da desmemoria, do descoñecemento, da apatía, do medo...LIBERA a memoria con saber e coñecemento, con entretemento e alegría de vivir, de soñar, de ser, de compartir, de estar.

Pechamos a porta, non queda outra (Covid-19 obriga) pero abrimos unha fiestra virtual (museal).

Estas son as nosas propostas. Xa houbo outras, das que iremos facendo memoria aos poucos.

Podedes crear ata o voso propio museo. Animádevos!

+ Info aquí