Educación física

Nunha mañá chuviosa, do pasado mes de febreiro, Juan (Benxamín de 3ºA) representou ao centro, nen máis nen menos que na Fase Provincial de Campo a través. Acompañouno a súa profesora de E.Física, quen tratou en todo momento de que se sentira seguro e satisfeito, pois faltáballe o apoio do resto do equipo, que non lograra clasificarse e das amizades. Acadou unha posición bastante boa, chegando á meta polo medio...                                                                 

                                                        Parabéns polo teu esforzo, campión !!!

O pasado venres, 26 de xaneiro,unha boa morea de nenos e nenas do noso centro competiron na Fase comarcal de campo a través no Campamento Xuvenil Virxe do Loreto (Porto do Son). Ao longo da mañá foron competindo os diferentes equipos femininos e masculinos das distintas categorías nas que podían participar, dende a benxamín á infantil.

Regresamos ao cole arredor das 13:30h moi ledos/as e en posesión de 9 metais, coa mirada posta na seguinte fase, a Intercomarcal...

 Noraboa a todos/as e grazas aos familiares e amizades pola vosa presenza e apoio !!!.

O pasado venres, 10 de novembro pola tarde tivo lugar no noso centro a celebración do Magosto. Así, nos días previos, cada aula traballou diferentes aspectos desta festa popular e tamén fixeron os cucuruchos ou adornaron bricks para meter as castañas e os restos destas. 

Xa no propio día, leváronse a cabo diversos xogos populares e xogos con material alternativo. Deste xeito, unha serie de profesores/as encargábanse de explicar os xogos: trompo, corda, chanclas/esquís, paracaídas, ra, relevos de castañas en culleres nas estacións e outros/as de observar e tratar que non houbese incidentes.  

Namentras os xogos transcorrían, Álex e Aniceto, asaban as castañas ...

Logo, a iso das 16:20h empezaron a repartirse castañas  e augas ou zumes (segundo as preferencias do alumnado)  para a súa degustación até ás 16:45h aproximadamente. A continuación, empezaron a retornar ás aulas primeiro os de E. Infantil e despois os de E. Primaria para recoller as cousas e marchar para os seus fogares.

O pasado venres, 13 de outubro, o alumnado do 4º nivel de E. Primaria os seus titores/as e a profesora de E. Física levaron a cabo unha xornada de convivencia e recoñecemento da contorna cunha andaina durante a mañá do citado día.

Primeiro visitaron o "Estaleiro, varadoiro Hermanos Abeijón" no Freixo. Alí, amosáronlles as instalacións e déronlles as explicacións pertinentes do traballo que realizan e de como foron mudando as preferencias do material elixido polos armadores á hora de encargar unha embarcación. Na visita, nenos e mestres/as, tiveron a fortuna de poder ver unha embarcación de cada un dos materiais cos que se constrúe na actualidade. Posto que, había unha de cada tipo para reparar: madeira (á que puideron subir), ferro e  poliéster. Por certo que, con respecto á derradeira, levaron unha sorpresa, pois explicáronlles que así como a polilla ataca  á madeira a osmose ataca ao poliéster.

Pero, ademais faláronlles de como fora evolucionando a carpintería de ribeira até chegar á carpintería naval da actualidade e de como, cada vez, teñen máis dificultade para atopar profesionais que sexan capaces de construír unha embarcación do principio ao fin.

Logo, saíron do Freixo camiñando cara a Broña, polo paseo marítimo e, de vez en cando, realizaron pequenas paradas nas que nenos e nenas recibiron información referente: ás pequenas calas polas que ían pasando, ás pontes sobre a ría, a lugares próximos...

Unha vez en Broña, repuxeron enerxías e realizaron algúns xogos para retornar ao centro en torno ás 13:30h.

O pasado venres, 19 de maio, o alumnado de 4º a 6º niveis de E.P., que así o decidiu, asistiu no pavillón do I.E.S San Alberto (Noia) a unha xornada de minibasquet. Tal   actividade foi organizada polo Club de baloncesto Noia e nela, ademais do noso centro, participaron o C.E.I.P Emilio de Navasqüés do Cruceiro de Róo e o Colexio Jaime Balmes de Noia. 

Os nosos nenos e nenas gozaron da xornada, pois dito deporte xa se practica nalgunhas sesións de E.F e incluso se leva a cabo unha liga interna e a maioría implícanse moito, especialmente, cando se celebran os partidos.