Educación física

O 30 de setembro, sobre as 10:15h, o alumnado de 4º A e B, o titor/a de cada grupo e a mestra de EF saíron do centro para realizar unha andaina, aproveitando parte do percorrido do Camiño de santiago da Ría de Muros e Noia.

Ao longo da mañá os nenos/as e o/as profes foron camiñando, pasando por diversos lugares coma: A Serra, O Río de Outes, Brión de Arriba, Viro, O Cruceiro de Roo, Brión de Abaixo, A Xurisdición e Vista Alegre.

Evidentemente, de vez en cando, realizaban paradas nas que aproveitaban para beber, comentar que lles estaba parecendo a actividade, facer preguntas ou comentarios do percorrido...

Ao chegar a unha zona de castiñeiros, entre Brión e O Cruceiro, parouse un bo anaco, pois había moitas castañas nas cunetas e camiño e quixeron collelas. Ademais, ao facer sombra, estábase moi ben e recuperáronse folgos. Logo, uns 200 m máis adiante, paramos para merendar, conversar, xogar no patio do antigo CEIP Emilio de Navasqüés.

Aproximadamente, unha media hora despois partiuse cara ao centro. Aínda que, antes de chegar, parouse no parque de Vista Alegre para xogar nos balancíns, tobogán, etc, que alí hai.

En total percorréronse uns 10 km e recolléronse varias bolsas de lixo, que se foi s atopando ao longo do percorrido.

Afortunadamente, non hobo incidentes que destacar e repetirase a actividade noutra zona.

Se tes gañas de ver algunha fotografía pincha enriba. 

Durante a semana do 27 ao 31 de marzo, Natalia Hospido (farmacéutica e dietista nutricionista, especializada en nutrición infantil) impartiu diferentes obradoiros para alumnado e profesorado, coma o de "Etiquetado de alimentos" no que se ensinou como ler as etiquetas de diversos produtos.

Ademais, tivo unha xuntanza formativa co persoal laboral da cociña do centro.

Iniciouse, polo tanto, unha estreita colaboración con @nutricoles, consistente na formación de alumnado, profesorado,e persoal de cociña e na elaboración do menú do comedor e das merendas dos recreos.

Evidentemente, estes contidos trabállanse, de maneira transversal, en distintas áreas ao longo do curso. 

Podes ver algunha imaxe de dita actividade premendo aquí. 

O mércores, 15 de xuño, o alumnado de EI B e D e varias profes, así coma o seu mestre de Psicomotricidade, realizaron unha andaina, dende Broña á Punta do Requeixo (ida e volta) e ao regreso recolleron lixo na contorna da praia. A pesares, de seren nenos/as de catro a seis anos camiñaron sen problemas, aínda que facendo algunha pequena parada.

Se desexas ver imaxes desta xornada preme aquí.

O pasado martes, 14 de xuño, o alumnado de 1º de EP realizou unha andaina coas súas titoras e o profesor de EF dende Broña á Punta do Requeixo (ida e volta). Ao mesmo tempo, aproveitaron para recoller lixo. Logo, merendaron e brincaron na contorna do parque.

Se desexas ver as fotografías desta xornada, preme aquí.

O venres, 10 de xuño, o alumnado de 6º de EP, as súas titoras e a profesora de E Musical celebraron o fin de etapa no Parque multiaventuras "Galipark". Alí realizaron diversos xogos coma: a tirolina, o tiro con arco, o descenso en tobogán de auga, etc. Ao realizar estas actividades, estaban traballando aspectos propios de EF: precisión, percepción espazo-temporal, percepción espacial, coordinación óculo-manual, coordinación visomotriz, etc. 

Pasaron mañá e tarde no parque divertíndose e compartindo conversas. Aínda que, evidentemente,  tamén contaron con tempo para beber, comer e repoñer forzas. Logo, a iso das 19h estaban de volta no centro.

Se queres botarlle unha ollada á variedade de actividades que realizaron, preme aquí.