Secretaría

Estimadas familias:

Ao amparo do disposto no artigo 7.2 da Orde do 20 de xuño de 2019 pola que se aproba o calendario escolar para o curso 2019/2020, informamos que o CEIP Plurilingüe O Ramo ten autorizados como días non lectivos o 20 de marzo e o 4 de maio de 2020.

O 1 de marzo ábrese o prazo para solicitar praza nos centros sostidos con fondos públicos, regulado pola Orde do 12 de marzo de 2013, a Orde de 25 de xaneiro de 2017 e polo Decreto 254/2012. Aqueles que estean interesados deberán presentar no centro:

• Anexo II da Orde do 25 de xaneiro de 2017, que se facilitará no centro. Tamén se pode descargar da páxina web da consellería. A solicitude terá que estar asinada por calquera dos titulares da patria potestade ou representantes legais do alumno/a. No caso de separación ou divorcio será necesaria a sinatura de ambos proxenitores, agás que a patria potestade estea atribuída, con carácter exclusivo, a un deles.

• Fotocopia do libro de familia ou DNI do alumno/a.

• No caso de que o alumno/a proceda doutro centro será preciso o certificado de estudos no que conste o curso no que estivo matriculado no ano académico 2019-20.

• Ademais, segundo a Orde de 25 de xaneiro de 2017, poderase solicitar admisión no centro educativo por vía telemática, dando cumprimento a nova lei 39/2015 de procedemento administrativo común.https://www.edu.xunta.es/admisionalumnado/PaxinaInicio.action

O prazo de entrega das solicitudes será do 1 ao 20 de marzo.

Tal e como recolle a normativa actual, recordámosvos que:

• Cada alumno/a so pode presentar unha única solicitude no centro onde solicita praza en primeiro lugar. De non ser así perderá os dereitos de prioridade que lle corresponden.

• O alumnado que quere permanecer no mesmo centro ten garantida a praza nese centro. De querer cambiar de centro deberá comunicar a renuncia á reserva antes do inicio do prazo de presentación das solicitudes de admisión.

• O alumnado que ten garantía de permanencia nun centro, se presenta solicitude de admisión noutro centro distinto, deberá comunicalo, ao mesmo tempo, ao centro de orixe (remitindo copia da solicitude de admisión presentada no novo centro).

• A zona de escolarización abrangue todo o Concello de Fene.

• Para os alumnos/as que pasan a 1º da ESO recordarvos que estamos adscritos ao IES de Fene.

Os Servizos Complementarios do centro son:

- Comedor, xestionado pola consellería.

- Transporte gratuíto dende Maniños, todo Barallobre, Magalofes e Perlío.

- Ampla oferta de Actividades Extraescolares: patinaxe, obradoiro de cociña, ximnasia rítmica, ioga, teatro e baile moderno, entre outras.

- Servizo de Madrugadores, xestionados polo centro e o ANPA.

ACTIVIDADES EXTRAESCOLARES CURSO 2019-2020

Estimadas familias:

Lembrámosvos que a semana de portas abertas das actividades extraescolares farase a próxima semana, do 23 ao 27 de setembro (ambos incluídos),  e estará reservada exclusivamente para o alumnado matriculado no noso centro. O alumnado terá que aportar material nas actividades de patinaxe (patíns en liña) e tenis (raqueta).

 As actividades extraescolares comezarán a funcionar  o martes  1 de outubro de 2019. Só se poderán ofertar as actividades que acaden polo menos 8-10 alumnos inscritos. As demais actividades desaparecerán da oferta.  A data límite para apuntarse é o luns 30 de setembro. Ese día publicaremos no taboleiro de anuncios do colexio, na web e no facebook o horario de actividades definitivo.

O horario de actividades da semana de portas abertas é o seguinte:

Todas as actividades teñen relación co currículum e o proxecto educativo da escola. Ademais, estas actividades coinciden  coa Semana Europea do Deporte, que como sabedes se celebra do 23 ao 30 de setembro, iniciativa do Parlamento Europeo para a promoción da practica deportiva saudable nos cidadáns da Unión Europea. Este ano, o lema desta semana será #BeActive.

 Especialmente, no CEIP Plurilingüe O Ramo,  imos celebrar entre todos o día 27 de setembro, día Europeo do Deporte Escolar (#ESSD2019), buscando alcanzar ese día 120 minutos de actividade física, como broche final desta Semana Europea do Deporte. Así, inaugurará a nosa milla escolar unha deportista de élite, que nos contará a súa experiencia. Tamén, inauguraremos o noso rincón de baile e teremos algunha que outra sorpresa preparada.

#BeActive #somosactivos #Galiciasaudable 

FONDO SOLIDARIO DE LIBROS DE TEXTO:

Estimadas familias:

Informámosvos que xa podedes recoller os libros de texto dos alumnos/as que cursen 3º ou 4º de educación primaria, o luns 9 e o martes 10 de setembro en horario de 10:00 a 14:00h. 

Os cursos de 5º e 6º de educación primaria traballarán no proxecto EDIXGAL, no cal, cada alumno/a disporá dun equipo informático que lle entragarán as titoras no centro unha vez comezado o curso.

Estimadas familias:

Informámosvos que tedes publicada a listaxe definitiva de admitidos no fondo solidario de libros de texto (para 3º e 4º de Primaria) no taboleiro do centro e na aplicación fondo libros (para solicitudes por vía telemática). Aqueles que non teñades concedidos todos os libros, e esteades na lista de admitidos, serán aportados polo centro educativo, tal e como reflicte a nosa política de apoio ás familias recollida no noso P.E., que podedes consultar nesta mesma páxina.