Skip to Content

                              

Blogues

3 DE DECEMBRO: DÍA INTERNACIONAL DAS PERSOAS CON DISCAPACIDADE

Dom, 03/12/2023 - 16:15 — Leo

Hoxe, 3 de decembro é o DÍA INTERNACIONAL DAS PERSOAS CON DISCAPACIDADE. 

 

 

 

 

 

A nivel de centro imos distribuir as actividades arredor desta data en 2 días.

Mañá día 4 a actividade irá dirixida ao alumnado de ED. Infantil e 1º ciclo de ED. Primaria.

Sandra, a nai de Iria, da clase de 5º vai representar 2 contos relacionados coa diversidade e a discapacidade, ademais dunha serie de actividades de concienciación mediante o conto e a actividade lúdica. 

Moitísimas grazas a Sandra por colaborar con nós.

O martes dia 5  , unha pequena representación de ASPADISI visitará o noso centro , para desenvolver unha actividade para o 2º e 3º ciclo de ED. Primaria e tamén unha actividade de xogo na hora do recreo para todo o alumnado do centro. 

 

Por outra banda, queremos agradecer novamente a Sandra, que locutou e dobrou ao galego, un vídeo da "Seño Mica" ( co permiso da autora) sobre a diversidade : DIFERENTES.

Queremos agradecer tamén ao profe Javi xa que foi o que editou e gravou con Sandra en Radio Xuve a dobraxe do vídeo, que vos deixamos a continuación:

 

 

Semana da ciencia 2023

Ven, 01/12/2023 - 12:21 — admin

Do 20 ao 24 de novembro, celebramos no colexio a SEMANA DA CIENCIA EN GALEGO". 

Aquí o enlace á entrada feita polo equipo de biblioteca ao respecto:

https://www.edu.xunta.gal/centros/ceipnosasenhoradexuvencos/node/2135.

Noraboa polo traballazo.

Aquí deixamos un video para o recordo de esta actividade.


MENÚ DECEMBRO 2023

Mér, 29/11/2023 - 14:28 — admin

Prema na seguinte LIGAZÓN para visualizar o menú de decembro.

CONCURSO DE POSTAIS DE NADAL

Lun, 27/11/2023 - 14:05 — Leo

Por sexto ano consecutivo poñemos en marcha o concurso de Postais de Nadal.

Acó vos queda o texto da convocatoria.

Grazas por participar ,implicarvos e compartir :

 

MANIFESTACIÓN POLO 25 N

Lun, 27/11/2023 - 05:31 — Leo

Hoxe , luns 27 , se o tempo o permite, imos facer unha camiñada ata o Concello e despois o alumnado de 4º lerá un pequeno manifesto.

Notificamos ás familias e convidámolas a unirse anós.

Acó tedes toda a información:

 

NOVEMBRO: MES DA CIENCIA EN GALEGO

Sáb, 25/11/2023 - 07:54 — Leo

Novembro é o MES DA CIENCIA EN GALEGO. Na páxina da Asesoría de Bibliotecas Escolares están recollidos diversos materiais para traballar durante este mes así podedes atopar diversos materiais e contidos sobre ciencia en galego e tamén  o MANIFESTO elaborado por Elena Vázquez Cendón , do que reproducimos aquí un pequeno anaco:

 

"A ciencia é un dos sabores do saber. Para degustala, é moi importante a nosa participación activa, e o grande activador é a curiosidade. Precisamos formular preguntas para saborear a ciencia e a lingua pemítenos degustala, e tamén é a canle para contar e escoitar as respostas".
 
Elena Vázquez Cendón
 
 
 

A nivel centro, propuxemoslle ao alumnado de ED. Primaria que investigasen e  preparasen experimentos ( a poder ser relacionados cos alimentos , xa que imos na liña do noso PDI deste curso:  XUVE SAUDABLE) para facer a demostración dos mesmos  ao  resto do alumnado.

Así, esta semana a "hora de ler" desenvolveuse dun xeito diferente: cada día un dos ciclos realizou os seus experimentos en dúas quendas para que o puidesen observar o resto do alumnado Un grupo fíxoo no patio "tapado " novo e o outro no patio , diante da nosa B.E. . 

E así dividimos ao alumnado en 2 grupos que rotaron polos mesmos.

 

Foi unha actividade moi interesante , na que o alumnado buscou, experimentou e despois expuso diante do resto o que aprendeu . 

 

Queremos agradecer ás titoras de ED. Primaria o traballo de investigación e coordinación que supuxo, para dar lugar a uns experimentos moi interesantes.

 

Adxuntamos a infografía en formato PDF para poder vela cunha maior calidade. 

 

NOVEMBRO: MES DA CIENCIA EN GALEGO

Sáb, 25/11/2023 - 07:54 — Leo

Novembro é o MES DA CIENCIA EN GALEGO. Na páxina da Asesoría de Bibliotecas Escolares están recollidos diversos materiais para traballar durante este mes.

A nivel centro, propuxemoslle ao alumnado de ED. Primaria que preparasen experimentos ( a poder ser relacionados cos alimentos , xa que imos na liña do noso XUVE SAUDABLE) para facer ao  resto do alumnado.

Así, esta semana a "hora de ler" desenvolveuse dun xeito diferente: cada día un dos ciclos realizou os seus experimentos en dúas quendas para que o puidesen observar o resto . 

E así dividimos ao alumnado en 2 grupos que rotaron polos mesmos.

Foi unha actividade moi interesante, na que o alumnado buscou, experimentou e despois expuso diante do resto.

Queremos agradecer ás titoras de ED. Primaria o traballo de investigación e coordinación que supuxo, para dar lugar a uns experimentos moi interesantes.

Adxuntamos a infografía en PDF para unha maior calidade da mesma .

 

Máis contidos infantís e xuvenís en galego na televisión

Xov, 23/11/2023 - 10:32 — admin

 

MÁIS CONTIDOS INFANTÍS E XUVENÍS EN GALEGO NA TELEVISIÓN

 

 

 

 

O CEIP Xuvencos de Boborás apoia a Iniciativa Xabarín, lanzada por A Mesa pola Normalización Lingüística, reclamando contidos infantís e xuvenís en galego nas televisións públicas.

 

Polo cumprimento dos acordos: contidos infantís e xuvenís en galego na televisión.

 

 

Máis información en Xabarín Xa!

 

Podes

asinar a campaña fisicamente no noso centro ou na tenda OZOCOgz de O Carballiño, de luns a sábado.

 

Ou ben asinar a campaña online na seguinte LIGAZÓN

 

 

 

A dirección

 

 

 

 

 

En defensa da atención pediátrica en O Carballiño.

Mér, 22/11/2023 - 16:52 — admin

 

Dende o CEIP Xuvencos de Boborás, queremos trasladar o noso agradecemento e apoio á Plataforma para a Defensa da Sanidade Pública de O Carballiño, pola súa loita en relación ao deterioro actual da atención pediátrica na comarca de O Carballiño.

Como consecuencia, sumámonos a esta iniciativa de demanda do restablecemento do servizo de pediatría en toda a nosa comarca, habilitando no centro educativo un punto de recollida de firmas promovida pola plataforma.

A atención pediátrica é un servizo esencial e necesario en toda comunidade ou sociedade que se prece actual e comprometida coa conciliación familiar así como coa procura dun grado mínimo de calidade de vida, saúde e benestar social.

 

A dirección.

 

Actuación dos Bolechas no CEIP Xuvencos

Mar, 21/11/2023 - 16:28 — admin

 

 

O vindeiro martes 28 de novembro, ás 16.00 horas, teremos no CEIP Xuvencos unha actuación dos Bolechas.

Os Bolechas falan das familias é unha actuación que se desenvolve dentro do proxecto Facemos Corresponsabilidade 2023 no marco do Plan Corresponsables, promovido pola Asociación de Familias Monomarentais de Galicia (FAGAMOS) co financiamento do Ministerio de Igualdade a través da Secretaría Xeral da Igualdade da Xunta de Galicia.

Destinado aos nenos e nenas en idade escolar e ás súas familias, a iniciativa pretende reforzar o concepto de diversidade familiar e da importancia do valor da corresponsabilidade tanto dentro da familia como no resto da sociedade. De forma lúdica e didáctica, os nenos e nenas poderán aprender sobre a aceptación e importancia da diversidade familiar, através dun conxunto de actividades como:

  • teatriño cun Bolecha monicreque 
  • video de Os Bolechas falan das familias
  • taller de xogo de preguntas e desafíos
  • coñecer a web interactiva de Os Bolechas falan das familias
  • agasallo de materiais didácticos a todos os nenos e nenas asistentes

 

A entrada é de balde e non é imprescindible ser alumno/a do colexio onde se celebran para poder asistir.

 

Cumprimenta este formulario de inscrición para que o teu neno ou nena poida desfrutar destas actividades.

 

 

 

Distribuir contido


by Dr. Radut