En defensa da atención pediátrica en O Carballiño.

Dende o CEIP Xuvencos de Boborás, queremos trasladar o noso agradecemento e apoio á Plataforma para a Defensa da Sanidade Pública de O Carballiño, pola súa loita en relación ao deterioro actual da atención pediátrica na comarca de O Carballiño.

Como consecuencia, sumámonos a esta iniciativa de demanda do restablecemento do servizo de pediatría en toda a nosa comarca, habilitando no centro educativo un punto de recollida de firmas promovida pola plataforma.

A atención pediátrica é un servizo esencial e necesario en toda comunidade ou sociedade que se prece actual e comprometida coa conciliación familiar así como coa procura dun grado mínimo de calidade de vida, saúde e benestar social.

A dirección.