5º primaria

REBUMBIO MATEMÁTICO


	O REBUMBIO MATEMÁTICO

Este curso o noso cole volveu participar no rebumbio matemático, os seleccionados fomos: Roberto, Iago e Alma.

O día 24 de abril foi a primeira proba en Vigo; resolvemos 6 problemas, algúns chupados e outros un pouco máis complicados.

O 6 de maio darán os resultados e se todo vai ben iremos a final a A Coruña.

A VER SE TEMOS SORTE!!!

Roberto, Iago e Alma 6º de primaria, curso 2014 - 2015

VISITA AO CASTRO DE SANTA TEGRA


	OS NENOS E NENAS DE 5º E 6º VISITAN O CASTRO DE SANTA TEGRA

VISITA AO CASTRO

O castro de Santa Tegra by Slidely Slideshow

OBRADOIRO DE MODELADO DE ARXILA

OBRADOIRO DE MODELADO DE ARCILLA by Slidely Slideshow

REBUMBIO MATEMÁTICO I

O pasado 23 de maio, fomos a A Coruña ao Forum Metropolitano, para disfrutar da fase final do “Rebumbio Matemático”. Participamos os 15 grupos seleccionados.

Despois de resolver os problemas leváronnos á “ Casa dos Peixes” , onde fixemos una visita

guiada e comimos no restaurante.

Máis tarde, na zona do museo, fixeron a entrega dos premios e agasallos do concurso,

!que mágoa¡ non quedamos entre os tres primeiros postos.

Ao rematar marchamos a casa, e despois dun longo camiño de volta, tomamos una merenda na

casa dun compoñente do equipo.

Marius, Cedric e Marcos P.

VISITA AO IES 1º DE MARZO

SAÍDA AO IES 1º DE MARZO

O mércores 28 de maio fomos de visita ao instituto. Cando chegamos esperamos na entrada cos nenos e nenas dos coles de Sabarís e Fontes porque iamos facer a visita con eles.

Chegou Chus, a vicedirectora e saudounos; levounos á biblioteca e alí tivemos una charla de presentación co director, Chus e Ana, a orientadora. Ensináronnos as distintas plantas do instituto e as clases de 1º, onde estaremos o vindeiro curso.

Na hora do recreo fomos ao patio, tomamos un piscolabis e saudamos e falamos cos antigos compañeiros. Sacamos unhas fotos e visitamos as aulas de plástica, música e o laboratorio de bioloxía.

De volta á Biblioteca, a profesora encargada explicounos o seu funcionamento

Despedímonos e regresamos ao colexio.

¡Pronto nos veremos alí!

Autores

Manuel e Xosé

REBUMBIO MATEMÁTICO

Somos Marcos P., Cédric e Marius.

O pasado venres 25 de abril participamos no Rebumbio Matemático, un concurso de matemáticas, na XIV edición. Escollimos como nome para o equipo “Maths Team”.

Fomos a Vigo e fixemos a fase de zona no C.P.R. Rosalía de Castro. Tivemos que resolver seis problemas en dúas horas. Saíunos bastante ben.

Onte saíron os resultados da proba e para a nosa sorpresa clasificámonos para a fase final no Fórum da Coruña, que será o 23 de maio.

Esperamos obter bos resultados!!!

SAÍDA A A CORUÑA DO 3º CICLO

Aquí vos deixo a crónica que fixeron Yago Caeiro e Anxo Teruel, dous alumnos de 6º, sobre a viaxe.

O mércores 23, os alumnos e as alumnas do terceiro ciclo fomos de excursión a A Coruña.

Sobre as 8:30, o autobús recolleunos no colexio aos nenos e ás nenas que vivinos no centro do concello de Oia, e aos outros compañeiros e compañeiras, fómolos recollendo polas súas respectivas paradas. A viaxe durou máis ou menos 2h 30min.

O autobús deixounos preto do “MUNCYT” (Museo Nacional de Ciencia e Tecnoloxía); sacamos algunhas fotos e entramos. Alí, deixamos as mochilas e dividímonos en dous grupos.

Vimos distintas cousas: a parte dianteira dun avión “Boeing 747”, un ordenador, unha locomotora, un dos primeiros coches que se empezaron a facer en serio e robots; tamén fixemos un taller sobre a flotación da auga.

Ao rematar, sobre as 13:30, fomos para a sala de pícnic a xantar.

Posteriormente xogamos nun parque, mentres os profesores comían nun bar ao lado. Cando acabaron visitamos a torre de Hércules .

Sacamos fotos; o profesor Alex contounos información da torre de Hércules e vímola.

Algúns compañeiros mercaron unha pequena torre de Hércules de recordo.

Despois fomos a praza “María Pita”. Alí estaba o enorme concello de A Coruña. Demos un paseo e estivemos algún tempo xogando no parque.

O autobús recolleunos e polo camiño o condutor púxonos a película “ICE AGE 4”.

Á chegada fomos deixando aos compañeiros/as nas súas respectivas paradas.

Esta foi a nosa excursión a A Coruña.

VIAXE A A CORUÑA on PhotoPeach

VISITA Á INSTALACIÓN DE PLACAS SOLARES

Hoxe, os alumnos e alumnas que se encontran dentro do grupo das actuacións dos contratos - programa, na modalidade de mellora do nivel de coñecementos para alcanzar a excelencia; visitaron unha instalación de placas solares no monte da Valga. Unha vez alí, o técnico de mantemento da instalación e o monitor da actividade explicaron aos nosos alumnos o funcionamento, rendemento... e mantemento dunha instalación de placas solares.

Instalación de placas solares on PhotoPeach

CHARLA PARA O ALUMNADO DE TERCEIRO CICLO DE PRIMARIA SOBRE O PROGRAMA “ NAVEGA CON RUMBO "

Para obter máis información prema na imaxe

EXCURSIÓNS DO 3º CICLO

Teatro para escolares no García Barbón

Os nenos e as nenas asistiron a un concerto, no que o grupo Odaiko realizou un percorrido musical pola historia da humanidade dende os seus inicios; centrándose especialmente na relación existente dende sempre, entre o ser humano e o mundo da percusión. Acompañado por un narrador en off, Odaiko fixo unha divertida escenificación, chea de ritmos e sons de percusión moderna, onde a imaxinación, a creatividade e a curiosidade foi a base do espectáculo.