Hoxe o alumnado de sexto despediuse de todas e de todos nós. Un momento cheo de recordos, emocións e bágoas. Vanse fisicamente pero o seu aroma rezumará sempre no Ceip Mestre Manuel García.
O alumnado de primeiro quixo rendirlles esta pequena homenaxe realizándolles unha entrevista moi persoal e profesional.
Despois de traballar o Camiño de Santiago durante todo o curso, seguindo os obxetivo do PDI do centro, rematamos cunha excursión para facer o tramo que vai dende A Guarda ata Oia.
Cada curso adaptou a lonxitude do percorrido as súas capacidades e así os de infantil fixeron os últimos quilómetros, 1º e 2º un percorrido algo máis longo, 3º e 4º xa fixeron 6 quilómetros (dende o mirador do tío Rincho) e 5º e 6º de primaria que fixeron o percorrido completo empezando dende a Paia de Area Grande.
O pasado venres o alumnado de 1º de primaria fixo unha excursión á praia do Mosteiro de Oia. Saimos do colexio ás 10 e media e estábamos de volta dúas horas máis tarde. Descubrimos a praia coa súa pesqueira, area mollada e predras de tódolos tamaños. Coincidimos co pai de Uxía que nos amosou un pulpiño pequeno que atopara entre as rochas. Despois fixemos unha cárcere coas pedras máis grandes, alí encerramos todo o lixo que atopamos. Levamos para o contedor do lixo todo o que poidemos meter en dúas bolsas, aínda así quedou moita por alí tirada: restos de aparellos de pesca, plásticos de todo tipo, zapatos, roupa e incluso unhas pilas gastadas (altamente contaminantes).
Antes de volta ao cole merendamos no porto e disfrutamos dos airiños mariñeiros e observamos un montón de cangrexos nas rochas descubertas pola marea baixa.
Xa estamos desexando repetir a excursión e seguir aprendendo un montón de cousas sobre o noso mar. Ata a próxima!!!
Co oído investigamos e fomamos tesoreiros dos sons da natureza, para despois escoitar e ilustrar obras musicais como:
A PRIMAVERA de Vivaldi, O AMENCER de GRIEG ou o VALS DAS BOLBORETAS.
Co olfacto e o tacto descubrimos, clasificamos, exploramos e investigamos as plantas, as flores, e mesmo as súas partes facendo pequenas e xustificadas desfeitas en partes das mesmas.
Coa vista, creando e organizando grandes paneis de porexpán para crear un fermoso cadro sobre a primavera. Organización visoespacial, imaxinación, creatividade, comunicación, cooperación...