PROTOCOLO PARA O CURSO 2020/21

Bos días e benvidos a este novo curso.

Dende a área de educación física estamos desexando comezar coas clases, os xogos e o deporte. Este ano será un tanto especial e deberemos poñer sempre o tapabocas aínda que vai ser moi incómodo.

Deixaremos no ximnasio uns tenis que gardaremos nunha bolsa co noso nome e curso para poder identificalos ben. Desta forma poderemos utiliar o ximnasio non só na hora de educación física senón tamén no recreo ou calquer outro momento que precisemos.

Como tóldolos anos si nalgún momento algún alumno non poidese traballar na clase de educación física, ten que achegar xustificante médico ou unha nota informativa dos pais ou titores legais onde explique cal é o motivo.

Tamén necesitamos recopilar toda información que poida resultar de interese sobre o estado de saúde do alumnado en relación coa actividade física como enfermedades crónicas, temporais, alerxias...A continuación adxuntamos a nota para informar sobre este asunto.

Polo de agora nada máis, moita sorte e forza para afrontar este novo curso.