O martes, día 12, para iniciar a conmemoración das Letras Galegas, tivemos un concerto de Uxía, cantante galega que nos deleitou con varias cancións do seu repertorio. O concerto foi para todo o alumnado nas instalacións do Centro.

Tamén visitamos o IES "Lois Peña Novo" onde fixemos chapas coas palabras en galego que cadaquen elexíu e nos ensinaron algunha das súas aulas onde o alumnado participou en actividades que tiñan programadas para os nenos e nenas. Esta actividade foi o mércores, día 13, para o alumnado de 1º, 2º e 3º de primaria e o luns, día 18, para 4º, 5º e 6º.

O venres, día 15, fixemos xogos populares en todo o Centro con todo o alumnado.

Resultaron premiados no concurso de debuxo e relato "A Festa da Filloa" convocado pola Festa de Interese Turístico de Galicia, "Festa da Filloa de Muimenta" , na súa XXIV edición, os seguintes alumnos e alumnas deste Centro:

RELATO:

2ª categoría: Nerea Villar Ferreiro, 2º premio en relato.

3º categoría: Lucía Díaz Darriba, 1º premio en relato.

DEBUXO:

Juan José Fraga Montero, 1º premio.

OS NOSOS PARABÉNS!!!!!!!!

   O pasado xoves día 16 de abril, o alumnado de sexto de ed. primaria puido  participar nunha actividade de animación en lingua inglesa dirixida polo responsable da editorial dos nosos libros de texto, durante a cal puideron realizar unha visita virtual á cidade de Londres e aos seus lugares máis representativos.

O día 7 de abril celebrouse o DÍA MUNDIAL DA SAÚDE. Con este motivo estánse a organizar unhas charlas para o alumnado de 5º e 6º de primaria en coordinación con Servicios Sociais.

O 21 e 22 de marzo celébranse os días mundiais da árbore e da auga. Con tal motivo a Deputación obsequiounos cun acivro que plantamos o xoves, día 19 ás 12 h coincidindo cos colexios da nosa provincia. Fixémolo no patio do noso cole, diante do Aulario, bautizándoo co nome de "Espiña", elexido previamente no Centro entre todos os propostos polo alumnado.

O alumnado de 3º e 5ºB de primaria viaxaron a Lugo o día 17 de marzo para realizar unha visita ao Parque de Bombeiros e ao Museo Provincial de Lugo.

No Museo participaron no programa educativo "Crea o teu propio museo" , deseñado e pensado para distintas etapas educativas para coñecer, comprender, valorar e gozar das coleccións e espazos que conforman parte do patrimonio histórico artístico e cultural da provincia de Lugo. (fotos)

Do 9 ao 13 de marzo celébrase a "SEMANA DA PRENSA NA ESCOLA". É unha commemoración que aparece no Calendario Escolar de Galicia dende 1989 co fin de integrar os medios de comunicación na aula e na que alomenos algún día trabállase na aula con xornais para o que contamos cos suplementos A Chaira que nos facilitou  "El Progreso" o martes e co xornal do xoves.

O mércores, día 11 de marzo, o alumnado de 1º e 2º de Primaria realizou unha saída ao Parque de Bombeiros de Vilalba para coñecer as instalacións, uniforme, instrumentos e o funcionamento xeral. (fotos)

O alumnado de 3º e 5ºB, fixo unha saída a Lugo, para realizar dúas propostas didácticas organizadas polo Centro comercial "As termas":

- Participaron na II edición de Phänomenta que está composta por 28 experimentos para descubrir como funcionan principios físicos como a gravidade, a inercia,... ou por que se producen determinados fenómenos da natureza e das matemáticas.

- A continuación foron ao cine a ver a película "O libro da vida". (fotos)

O venres, día 6 de marzo, conmemoramos o DÍA DA MULLER TRABALLADORA no Centro, coa lectura de poemas de María Mariño, Francisca Herrera, Filomena Dato e Pura Vázquez que realizou alumnado de 6º.