Tódolos días:
-escoitar música, cantar e bailar un pouquiño e facer actividades de movemento.
-Recordarlles que día da semana é, que número, que mes:
https://www.youtube.com/watch?v=v7mm8MC1MgY
LUNS
O cadrado: actividadeESTAMOSCONECTAD@S. Esta semana é o turno do cadrado. Buscamos por casa cousas que teñan forma de cadrado(ou cubo)?(caixas, contos, cadros, dados, xoguetes...)
(Sacádelle unha foto aos vosos obxectos cadrados)
Cos cadrados podemos facer numerosas actividades para traballar a lóxica-matemática:
-Se tedes tesoiras infantís podedes darlle unha tira con cadrados para que eles mesmos os recorten (isto o estabamos facendo xa na aula).
-Darlle cadrados recortados de distintas cores e pedirlles que xunten os que teñen a mesma cor.
-Darlle cadrados recortados de distintos tamaños e pedirlles que fagan colecións por tamaños (grandes, medianos e pequenos)
-Darlles cadrados de distintas cores ou tamaños e pedirlles que fagan unha serie. Por exemplo: amarelo-azul; grande-pequeno, etc.
-Tamén son interesantes este tipo de xogos nos que teñen que completar as cuadrículas para que sexan iguais as anteriores (aínda que esto esixe algo máis de elaboración pola vosa parte). Para traballar forma, cor e posición.
-E por suposto, cando rematedes de xogar podedes pegar os cadrados nun folio e facer unha obra de arte coma a que fixestes cos círculos.
-Se tedes pezas de construción de tipo lego ou similares, que teñen forma cadrada, tamén vos serven para facer algúns de estes xogos: series, cuadrículas, etc. e ademáis permiten facer torres.
(Recordade os vídeos das formas xeométricas que deixei a semana pasada)
*PSICOMOTRICIDADE: déixovos este enlace a un dos episodios de “aprendemos na casa con Clan de 6-8 anos”, que ten actividades de psicomotricidade que poden facer perfectamente os nenos/as de infantil, de feito algunhas son ideais para eles.
No medio das dúas sesións, inclúe tamén actividades de música para traballar os ritmos con elementos cotiás (palo de escoba, culler) que poden resultar moi divertidas se as facedes xuntos na casa.
(ata o minuto 30:00 onde aparecen as actividades con globos nas que se poden sustituir as restas polos números en sí: “colle o globo que teña o número 4”) Ligazón:
actividades psicomotricidade e música clan
Tamén podedes entrar no apartado de educación física e ver o que vos vai poñendo o profe Alberto.
MARTES
-POMPAS. Facer pompas é algo que lles encanta aos máis pequenos e ademáis unha actividade moi utilizada polos mestres, especialmente de Audición e Linguaxe, para traballar a “respiración e o sopro”.
Se non tedes pompeiro neste momento na casa, déixovos esta ligazón onde empregan distintas receitas e útiles para facer pompas de xabón: a experimentar!
(se as facedes contádeme que tal funcionan!)
https://www.youtube.com/watch?v=qray8eEikH4
O MARTES é o día de inglés, que tal se vemos algún vídeo, conto... do que nos deixou a teacher Mariña no apartado de inglés?
MÉRCORES
BIBLIOSINDE. Podemos entrar en bibliosinde e ver que actividades e contos novos nos deixou superlector.
*MÚSICA: entrar en música, e ver as actividades do profe Javier.
As fotos que me enviastes de “instrumentos musicais” a semana pasada as colgou Javier na galería coas dos outros nenos/as do cole:
GALERÍA DE INSTRUMENTOS CASEIROS
*RELIXIÓN/ATENCIÓN EDUCATIVA: ver as actividades que nos deixaron a profe Bea no blogue de relixión e a profe Montse en atención educativa (na marxe dereita da web: “infantil” - 2019-2020 - “atención educativa”) Deixo ligazón:
https://www.edu.xunta.gal/centros/ceipmanuelrodriguezsinde/taxonomy/term/422
XOVES
Feliz día do libro! Hoxe é un día xenial para contar e escoitar contos. Se vos animades grabade aos vosos peques para a actividade de contacontos de Bibliosinde (cada un que conte o conto como saiba e como poida).
Déixovos ideas para facer marcapáxinas infantís, algunhas moi orixinais:
http://mundoinfantildeclara.blogspot.com/2013/04/marcapaginas.html
*ACTIVIDADES TIC: os xoves tiñamos sesións “tecnolóxicas”: informática e robótica.
Pode ser un bo día para facer algúns xogos educativos no ordenador, na tablet, teléfono...
Recordade que na web tedes un apartado de “recursos TIC”, e no apartado de “orientación” enlaces a apps gratuitas entre outros recursos.
VENRES
PUZZLES: facemos un día de puzzles? Seguro que todos estes días estades a facer moitos puzzles na casa.
Hoxe propóñovos facer un puzzle con números. Non é necesario imprimir ningunha imaxe, podedes facelo cunha fotografía do neno/a, da familia; cun debuxo; cunha imaxe recortada dunha revista...
Pódense usar paliños de xeados e, senón tedes, un cartón, por exemplo, dunha caixa de cereais. Pegade a imaxe no cartón e dividídea en 5, 6, 10... partes (segundo as posibilidades da vosa filla ou fillo). Escribide un número en cada unha das partes e recortade. O puzzle xa está listo.
Algúns nenos/as empregarán a estratexia de guiarse só pola imaxe para compoñer o puzzle, outros polos números e outros polas dúas cousas.
En todo caso, nesta ocasión é interesante que cando o teñan feito comprobedes con eles que está ben, mirando se os números están en orde (así de paso repasamos a serie numérica!).