O  APALPADOR  CHEGA  AO ISAAC  PERAL

O Apalpador é un home que vive nas montañas de Lugo, ocupado durante todo o ano en facer carbón. Come froitos silvestre e porcos bravos que caza no monte. Viste un traxe vello e cheo de remendos, e unha boina. Fuma en pipa e ten barba.
Todos os 24 de decembro baixa das montañas para visitar aos nenos e nenas galegas. Cando están durmidos tócalles a barriga para ver se están fartos ou teñen fame. Se están fartos di: “así, así esteas todo o ano”- e déixalles unha presa de castañas. Se teñen fame non di nada, pero déixalle castañas igual. Pode deixar algún presente máis, pero sempre feito por el.

Se queredes máis información, contos e xogos sobre o Apalpador premer na imaxe.

Pois ben, o mércores chegou o Apalpador e os seus trasnos ao noso cole.

Aquí tedes as imaxes.

Agradecemos á Fundaçom Artábria a súa colaboración na recuperación da figura do Apalpador e que fixo posible a realización destas actividades.

Premendo no Apalpador accédese ás imaxes

DESPEDIDAS

Este curso, ademais da despedida do alumnado de 6º, temos que facer outras moito máis tristes e máis atípicas porque hai nenos e nenas do centro que marchan, mesmo a países moi lonxanos, aos seus países de orixe ou aos dos seus pais. A situación actual obriga ás súas familias a buscar outro rumbo para a súa vida e aquí déixannos un enorme baleiro e fondos sentimentos de tristura, pero tamén a pegada imborrable da súa estancia con nós e uns marabillosos recordos dos momentos compartidos. Desexámoslles a eles e á súas familias que atopen todo canto van buscando e que teñan toda a sorte do mundo!

Pero pensade que o mundo é moi pequeno e podemos seguir en contacto, grazas á inmediatez das novas tecnoloxías, así que esperamos noticias vosas.

BOTARÉMOSVOS DE MENOS, CHICOS E CHICAS!!!

O xoves día 30, o alumnado do 1º ciclo tivemos un interesante encontro musical escoitando as melodías interpretadas pola Banda de Música do Tercio Norte.

Divertímonos moito escoitando as bandas sonoras da Panteira Rosa, os Simpsons ou o Rey León. Cantamos todos xuntos cancións dos Paiasos da tele.

O director da banda presentounos os distintos instrumentos. Psámolo todos moi ben.

Ao remate do concerto didáctico tivemos unha sorpresa: uns cans adestrados esperábannos cos seus adestradores e fixeron unha divertida demostración que nos gustou moito.

Por certo, o can favorito dos nenos e as nenas foi Luki!

 O día 22 de maio, o alumnado de 4º curso puido engadir un novo "regalo literario" á súa aprendizaxe. Esto fixoo posíbel o escritor Antón Cortizas.

  Rosalía e os equinodermos foi a obra de Antón seleccionada para que leran os rapaces. Ademais do pracer da lectura, os nenos e nenas non vían o día de poder facerlle a Antón unha morea de preguntas sobre a arte de ser escritor.                                                   

    Chegado este día soleado do mes das "nosas letras", Antón entrou na biblioteca que quere tanto; tanto, que lle prestou e, mesmo parece, lle regalou o seu nome.

    Coa súa presenza, apareceu a calma e a atención. E, atentamente o recibiron cun muíño de vento, feito seguindo as instruccións do libro do autor: Tastarabás.

   E, sen présa, pero sen pausa, Antón, botando man duns materiais tan sinxelos coma un escarbadentes e unhas tiriñas de papel, fixo, para ledicia de todos, unha buxaina que bailaba e bailaba manténdose de pé.  

 Do tempo de enredar pasaron ao de preguntar:

"Por que nos teus libros aparece o nome de Rosalía? En que tempo escribiches Rosalía e os equinodermos? Tes pensado publicar algún libro proximamente? A quen llo dedicarás? Que hai que facer para ser escritor?"... Aquí, Antón tomou a palabra e, dese xeito que el ten de mesturar o traballo de profesor co escritor que leva dentro, díxolles:

   "Un pode escribir moito e moi rápido, pero para escribir ben hai que observar moito, escoitar outro tanto, e despois imaxinar; xogar coas palabras, escribilas, reescribilas, ler o que se escribe, mesmo en voz alta; xuntar o fondo coa forma e notar que quedan ben, que soan coma se fose música, que fan sentir".

        Para agradecerlle tantas ensinanzas, tiñan escollido e musicado un poema que da título á súa obra Érase unha vez na quimbamba,e cantáronlle a coro.

   Tamén lle regalaron un libriño cunha tarxeta, na que con moito agarimo lle escribiron:

"Padriño, ti es a nosa estrela".

Premendo na imaxe, pódese acceder á galería de fotos.

SEMANA CULTURAL DAS LETRAS GALEGAS

DO 13 AO 21 DE MAIO

Como corresponde a unha data tan importante, para a celebración das Letras Galegas este ano fixemos multitude de actos e actividades nas que participaron a totalidade do alumnado do centro e tamén as familias.

 Para comezar a celebración participamos dunha tradición galega moi arraigada: OS MAIOS.

O luns, día13, todos os nenos e nenas do centro trouxeron unha flor, e algúns incluso máis!. Con todas elas e coa axuda da FUNDAÇOM ARTABRIA, elaboramos dous magníficos maios e ademais engalanamos a entrada do centro.

Mirade, mirade as imaxes!

Premer na imaxe para ver máis fotos 

Nestes videos apreciase o entusiasmo do alumnado e o grande valor artístico do seu traballo.

Damos as grazas á Fundaçom Artabria pola súa colaboración na recuperación das nosas tradicións.

Premendo aquí accededes á nova, ligazón e imaxes elaboradas pola Fundaçom Artabria

Todo o centro celebrando os maios e cantando a CANCIÓN

O alumnado do 2º ciclo de Primaria participou nun OBRADOIRO DE GAITAS.

O martes, día 14 , o alumnado do 3º ciclo de Primaria tivo a oportunidade de participar  

nun OBRADOIRO DE COIRO e NÓS.

Máis fotografías premendo na imaxe 

O mércores, día 15, o alumnado de Educación Infantil e do 1º ciclo de Primaria participaron nun OBRADOIRO DE ABELLAS E APICULTURA, no que tiveron ocasión de aprender multitude de cuestións relacionadas con estes fascinantes insectos, os seus costumes, os produtos que fabrican e os múltiples beneficios que aportan á humanidade.

Para ver máis fotos premer na imaxe. 

 O martes, día 21, celebramos o ACTO DAS LETRAS GALEGAS no que recitamos un precioso poema de Marica Campo titulado A FALA, asistimos a unha representación de Roberto Vidal Bolaño e un grupo de profes nos adicaron unha pandeirada. Ademais, cada ciclo participou coa súa estrofa para construír entre todos unha fermosa e animada canción  tutulada A MIÑA TÍA, e os profes tamén tiveron a súa estrofa!

Todo o alumnado do centro cantando e disfrutando na nosa lingua, TODOS XUNTOS FACEMOS GALEGO!!!

  Máis fotografías do acto premendo aquí  

E aquí está un breve vídeo dese día onde podemos ver como disfrutamos todos cantando "A miña tía"

Durante toda a semana poidemos asistir á EXPOSICIÓN na LUDOTECA na que poidemos disfrutar de:

• Exposición de barcos e instrumentos musicais que foron construídos por Eduardo G. Pino, pai de dúas alumnas do centro, de xeito totalmente artesanal.
  
• Cousas de coiro
• O mundo das abellas
• Exposición de traballos organizados pola ANPA

Moitas grazas aos que fixeron posible esta exposición coa súa aportación e en especial a Eduardo por permitirnos disfrutar da súa obra artesanal!

Aquí tedes unha pequena mostra da exposición

Máis imaxes na nosa galería de fotos 

 Tamén durante toda a semana fomos organizando unha EXPOSICIÓNS DE TRABALLOS e actividades feitas nas aulas para que todos poidamos coñecer e valorar o traballo dos demais.

A esta exposición invitamos tamén ás familias para que vexan tamén que todos os nenos e nenas do Isaac Peral TRABALLAMOS MOITO E BEN!!!

 Como colofón á celebración das LETRAS GALEGAS, este ano poidemos asistir á unha preciosa OBRA DE TEATRO no instituto Saturnino Montojo, subvencionado pola ANPA do centro, o xoves, 30 de maio. O título da obra é O REINO DOS FANTOCHES.

Máis imaxes na nosa galería de fotos  

O día 6 de maio foi a xornada de inauguración da mostra de traballos seleccionados nas diferentes categorías, incluindo ademais a entrega de premios, do XIII certame Poesía e Imaxe, en galego sen filtro.

Os participantes neste concurso tiveron que realizar unha creación artística a partir de fragmentos de poemas de literatura universal en todas as linguas como mirandesa, xaponesa, catalá, persa, portuguesa e galega entre outras, coas correspondentes traduccións.

No noso centro foron premiados o colectivo de 2º A cun traballo de María Mamede en lingua portuguesa e a alumna Laura Galindo de 3º A cun traballo sobre unha poesía mirandesa. Parabéns a todas e todos.

A mostra permanecerá no "Carvalho Calero" de Ferrol ata o día 31 de maio.

CAMPAÑA DE FOMENTO DO RECICLADO

Todos somos conscientes da inxente cantidade de residuos de todo tipo que xeneramos e do prexudiciales que resultan para o medio ambiente. Por iso o centro promove dende hai anos a recollida selectiva de papel, plástico e residuos orgánicos. Pero agora queremos dar un paso máis: queremos promover tamén a recollida selectiva e o reciclado de cartuchos de impresoras, toner e telefónos móviles, obxectos que teñen un alto poder contaminante.

Por este motivo, na entrada do centro pódense atopar dous contenedores de cartón no que se poden depositar no máis grande os residuos dos consumibles informáticos, e no máis pequeno os móbiles en desuso. BRÉTEMA TRATAMENTO DE RESIDUOS é a empresa que se vai ocupar da recollida dos mesmos.

Este é un xeito de concienzar aos nenos e nenas desde pequenos e de implicalos na conservación do planeta.

Informámoslles tamén de que o centro dispón de contenedores para a recollida de pilas de todo tipo.

 XA ESTÁ Á DISPOSICIÓN DE TODA A COMUNIDADE EDUCATIVA

O BUZÓN DE SUXERENCIAS

O buzón de suxerencias xa está a disposición da comunidade escolar. Está colocado dentro, á entrada do centro. Non dubiden en deixar as súas propostas ou comentarios. Unha vez lidas serán atendidas e, se procede, serán publicadas. Tamén, se queren facelo, pódense achegar as queixas ou suxerencias ao seguinte e-mail: isaacperalferrol@gmail.com

23

DE

 ABRIL 

O 23 de abril é un día simbólico para a literatura mundial, xa que ese día no ano 1616 finaron Miguel de Cervantes e William Shakespeare. 

     É por este motivo que a UNESCO elixíu esta data para homenaxear ao libro e aos autores, animando a todo o mundo a descubrir o pracer da lectura: "Leer para vivir", lema para o Día Mundial do Libro 2013.

 CELEBRACIÓN  NO  COLEXIO

   Nós tamén creamos un lema:

 ""

      Cada alumno/a comparteu cos demais a paixón polo seu libro preferido, rotulando o título e facendo unha ilustración alusiva.

Con todos os traballos fixemos unha exposición na subida da escaleira. 

  En educación infantil decoramos os corredores co traballo :

""

"COMPARTIMOS  HISTORIAS"

Na semana do 15 ao 19 de abril o alumnado de cada curso leu un conto tradicional ao curso do nivel inferior.

   Aquí están nenos e nenas de 1º facendo unha representación para os grupos de 3 anos. 

ACHEGÁMONOS Á OBRA DE  CERVANTES: 

         "O QUIXOTE"          

Para coñecer a introducción á obra máis relevante de Cervantes, utilizamos este vídeo:

 E este outro vídeo para aprender a canción: "Quijote, Sancho".

CELEBRACIÓN CONXUNTA

O 23 de abril, día grande no mes do libro, celebrámolo todos xuntos no patio, nun breve, pero significativo acto literario. 

  17

  DE

  ABRIL

  No mes por excelencia dos libros, o padriño da nosa biblioteca, non nos deixou sen o seu agasallo en forma de encontro literario.

    Esta vez fixo latexar as mentes do alumnado de

5º e 6º de Primaria.

    Leron o conto   A bruxa sen curuxa, e sobre el, fixéronlle a Antón unha morea de preguntas.

Antón

correspondéulles

facendo alí

mesmo

un bugallo

que soa coma

unha curuxa.

E un chifre de lata.

Ademais, Antón Cortizas, sorpréndenos gratamente neste mesdo libro, ao publicarse a súa obra TASTARABÁS:

"Catálogo de brinquedos tradicionais e uso lúdico da natureza". 

Que sorte que hai xente tan sensible que se fixa nas pequenas cousas!. Todas xuntas fan algo ben grande!. 

Tantas coma as augas de abril.

Dentro das actividades extraescolares que este ano estanse a realizar no noso centro está a actividade de ALOHA, un programa de desenvolvemento mental para nenos de 5 a 13 anos. Este ano vai ter lugar o 1º campeonato de cálculo ALOHA da Coruña o sábado 20 de abril, de 11 h a 13 h, no que participarán dez rapaces e rapazas do noso centro de diferentes cursos.

Boa sorte a todos!

E chegou o 15 de abril. O día esperado polos cursos de 1º e 2º de Primaria para encontrarse co escritor e profesor  

Xabier Docampo.

  Chegou e mirounos. Sorprendeunos moito o seu conto que seguro saíu do seu sombreiro. Non tivemos moito tempo para falar con el, pero nós disfrutamos moito lendo os seus libros: A nena de auga e o príncipe de lume,  e  A decisión de Valerio.

    Deixou unha fermosa pegada nas dedicatorias que escribíu nos libros dos nenos e nenas, xa que eran debuxos diferentes. 

Gustaríanos disfrutar dunha maneira máis sosegada da maxia das túas palabras.

O día 11 de abril, os nenos e nenas de Educación Infantil  atopáronse cunha sorpresa na biblioteca do colexio. Alí, invitado pola editorial Anaya, esperábaos o"contador de contos" Iago López, e o seu libro xigante. 

Linda á espreita , foi o conto elixido por Iago L. para facerlles

imaxinar, rir e participar

Cada vez que alguén nos conta unha boa historia, fainos  medrar.

DÍA INTERNACIONAL DO LIBRO INFANTIL 

 2 de abril 

   O día 2 de abril conmemórase o Día Internacional do Libro Infantil, en homenaxe a Hans Christian Andersen, escritor danés que naceu ese mesmo día de 1805. Da súa imaxinación saíron contos tan coñecidos como: O soldadiño de chumbo, O parrulo feo, O traxe novo do emperador...

   Trátase de promocionar os bos libros infantís e xuvenís, e animar á lectura aos máis pequenos.  

  No colexio dedicaremos estes días a sesión  "A hora de ler"  a recordar contos de Andersen que todos temos no maxín, e a ler outros do autor que o noso alumnado aínda descoñece, porque a lista é longa...

   Tamén coñeceremos outros contos a través de vídeos.

 PREMENDO NA IMAXE PÓDESE ACCEDER A UNHA LISTAXE DE CONTOS DE ANDERSEN    

  Nós queremos que o noso centro continúe camiñando hacia un mundo más xeneroso e incluínte.

Un de cada 150 nenos e nenas nados en Galicia teñen un trastorno de espectro autista. Sería ideal que non tivésemos que facer nada para concienciar sobre o autismo, pero de momento cremos e percibimos polas nosas vivencias e polas dos nosos fillos que é moi necesario facer este tipo de accións. O trastorno de esectro autista identifícase polas alteracións en tres áreas:

- Alteracións na comunicación
- Alteracións nas relacións sociais
- Alteracións nas conductas

Facer visible o invisible é o que pretendemos con estas accións. O martes, día dos de abril, poñeremos globos azuis nas aulas e animaremos ao alumnado a que se vista de azul polo autismo e trataremos de que se entenda desde o punto de vista dos nenos o significado desta palabra.

Unha nai dun neno autista, agradecida pola labor da súa profesora, escribe as sensacións que o seu fillo transmite. Dedicámoslla a todos os mestres e familias que manteñen a súa ilusión de ser cada vez máis persoas traballando pola inclusión.

Ler a carta

Dous profesores de IES de Pontevedra, pais dun neno autista, contribuien cun video para axudar a derribar os tópicos que aínda existen arredor do "Trastorno de espectro autista" e para facer visible a realidade das persoas e das familias e profesionais directamente involucrados.

     O 26 de febreiro, o alumnado de cinco anos e de primeiro do  colexio Isaac Peral, disfrutou dunha sesión de contacontos a cargo de Patricia González e Álex Fente, do equipo de animación á lectura de Kalandraka.

    Os petos de Loreto amosáronnos moitas sorpresas. A galiña roxa e a serpe Críctor  contáronnos historias moi divertidas; e aprendemos a importancia que ten traballar con ilusión e axudar ás persoas que nos rodean.      

 CANTAMOS,  XOGAMOS,  ESCOITAMOS  E... PASÁMOLO  MOI  BEN!

O día de Rosalía celébrase o 24 de febreiro en conmemoración da data do nacemento da escritora galega Rosalía de Castro. Este ano ademais conmemórase o 150 aniversario da publicación da súa obra Cantares gallegos.

Nos centros de ensino este ano celebrámolo o venres, día 22 de febreiro. E no noso centro escollimos o seu poema Adios ríos, adios fontes, para traballar na aula durante a semana do 18 ao 22 e este último día cantamos todos xuntos no patio a versión cantada por Amancio Prada deste poema.

Para coñecer a vida e obra da escritora galega máis universal a Fundación Manuel María de Estudos Galegos dispón na súa web dunha exposición en 20 paneis que se espuxeron no centro, así como unha unidade didáctica.

http://www.manuelmaria.com/recursos/outros.htm

Nesta presentación coñecemos datos sobre a vida e a obra de Rosalía

Para aprender o poema Adios ríos, adios fontes utilizamos os seguintes videos.

Neste aparece a letra da poesía.

E este cunhas belas imaxes

A necesidade de protexer a nenos e nenas de contidos impropios é unha razón para ter buscadores especiais apropiados a eles. É por iso que tendo en conta a Educational Technology and Mobile Learning recomendamos os seguintes buscadores:

• KidRex é un motor de procura de Google cunha interface infantil
  
• KidzSearch produce resultados moi fiables, non inclúen contidos destinados a adultos.
• Mymunka está deseñado exclusivamente para os nenos, é moi divertido e seguro para eles.

 LUNS 4

As razas humanas
queremos irmandar, 

por iso de indios
ímonos disfrazar.
Cunha cinta e pluma na cabeza,
a cariña pintada
e xa non necesitamos máis nada.

MARTES 5
 As razas humanas
queremos irmandar,
dende a lonxana China
ao Colexio Isaac Peral.
Coa pel amarela, gorriño e coleta
e ollos rasgados
se así che peta.

MÉRCORES 6
 As razas humanas
queremos irmandar
e dende o deserto
acabamos de chegar.
Cun pano cubrímonos a testa,
e unha túnica
dende os pés ata a cabeza.

XOVES 7
 As razas humanas
queremos irmandar,
por iso a raza negra
queremos lembrar.
Perrucas de rizos podemos levar,
tinguidos de negro,
bailando ao compás.

Desfile, degustación de produtos típicos, baile....

PARA ACCEDER ÁS FOTOGRAFÍAS DO VÍDEO PREMER

A COCIÑA ECONÓMICA DE FERROL NECESÍTANOS

Os bombeiros de Ferrol-Narón están levando a cabo unha Campaña de recollida de alimentos non perecedeiros para a Cociña Económica. O noso centro quere participar nesa campaña e por iso pedimos a colaboración das familias mandando alimentos non perecedeiros. A campaña remata o 20 de febreiro.

Grazas pola vosa solidaridade! 

O día 30 de xaneiro celebraremos no noso centro o día da Paz, pero non só para ese día están programadas actividades para conmemorar esa data tan significativa, senón que xa comezamos coa organización desa celebración. Entroutras actividades iniciais están propostas a decoración do colexio, lectura de libros relacionados coa Paz, teatro de títeres subvencionado pola ANPA.... Especialmente pedimos a colaboración das familias para poder realizar no noso centro unha carreira solidaria o día da Paz, que require unha colaboración económica voluntaria. Para ter máis información desas actividades hai que premer na imaxe.

OS NENOS E NENAS DO DESERTO DE SAHEL NECESÍTANNOS!

Aquí tedes unha pequena recompilación de contos relacionados coa Paz que podedes atopar na nosa biblioteca

Premendo aquí accédese a unha recompilación de recursos e actividades para a conmemoración do

día da PAZ

Pódense atopar as fotografías na nosa galería de imaxes

A recadación feita polo centro na carreira pola Paz foi de 687,28 €.

Este diñeiro será enviado aos nenos e nenas do deserto de Sahel para que superen a desnutrición e que as súas familias poidan loitar contra a fame.

GRAZAS POLA COLABORACIÓN!

                             manifesta o seu desexo de que

              transmitamos ás familias o pracer que sente de estar cos

             vosos fillos e fillas, e canto agradece a vosa axuda na

            elaboración dos sombreiros cos que o alumnado de 4º

           curso a recibíu o día 22 de xaneiro na biblioteca.

Nós agradecemos como nos fixo pechar os ollos,

e sentir que somos capaces de crear algo coas nosas mans,

de sacar de dentro a idea. As súas verbas transmiten forza e

sentimentos: "Si algo me sale mal no espero a que me lo digan. El

truco de todo es no esperar a que nos corrijan, sino darnos cuenta y

corregirnos solos para mejorar. No trabajamos para los profesores ni

para nuestros padres, trabajamos para aprender a corregirnos. Porque

vosotros tenéis una gran responsabilidad, que es cambiar el mundo para

 mejorarlo".Así falou a un público moi entregado...

 

Igual  que Pamela, parecen transportados ao país de Jipi-Japa,

donde    tódolos seres levan sombreiro. 

   AS  NOSAS  PANXOLIÑAS    

Estas son as panxoliñas que o noso alumnado practicou coas súas profes ou coa profe de música Mª Carmen.

Aquí están os nosos pequenos nenos e nenas cantores...

 De especial mención é a panxoliña de 4º de primaria que se presentou ao concurso da radio "Bos días Javi Nieves" e quedou no segundo lugar.

Noraboa ao alumnado e a profe de música.

 Esta é a nosa selección de libros recomendados para este Nadal, ao fío do noso proxecto de biblioteca

Nesta presentación podemos atopar unha selección de postais de Nadal realizadas polo noso alumnado. Elixiuse unha postal por clase e unha por ciclo. Premede na presentación e poderedes ver as postais.

O  APALPADOR  CHEGA  AO ISAAC  PERAL

O Apalpador é un home que vive nas montañas de Lugo, ocupado durante todo o ano en facer carbón. Come froitos silvestre e porcos bravos que caza no monte. Viste un traxe vello e cheo de remendos, e unha boina. Fuma en pipa e ten barba.
Todos os 24 de decembro baixa das montañas para visitar aos nenos e nenas galegas. Cando están durmidos tócalles a barriga para ver se están fartos ou teñen fame. Se están fartos di: “así, así esteas todo o ano”- e déixalles unha presa de castañas. Se teñen fame non di nada, pero déixalle castañas igual. Pode deixar algún presente máis, pero sempre feito por el.

Se queredes máis información, contos e xogos sobre o Apalpador premer na imaxe.

Pois ben, o mércores chegou o Apalpador e os seus trasnos ao noso cole.

Aquí tedes as imaxes.

Agradecemos á Fundaçom Artábria a súa colaboración na recuperación da figura do Apalpador e que fixo posible a realización destas actividades.

Premendo no Apalpador accédese ás imaxes

E para rematar a celebración do Nadal no noso cole, aquí tedes o máis esperado polos nosos nenos e nenas:

"A VISITA DOS REIS MAGOS"

Sorrisos, ledicia, nervios e mesmo bágoas asomaban nas cariñas dos nosos "peques". Disfrutade vendo as imaxes!

OS REIS MAGOS NO ISAAC PERAL - NADAL 2012

  Premendo na imaxe accédese ás fotos

onde se poden descargar

Estaremos de vacacións dende o venres 21 de decembro ata o luns 7 de xaneiro ámbolos dous incluisive.

  As clases comezarán o martes 8 de xaneiro no horario habitual  

                                                        O 19 de decembro, desembarcou no Isaac

                                             Peral o escritor  Antón  Cortizas,  para                  

                                   mergullar ao alumnado nas delicias da maxia

                           da papiroflexia. E así, ler de maneira diversa e

                   divertida cos terceiros.

                  Poemas para ler de esguello ou que precisan dun espello:

              "unha maneira diferente de poñerse a ler".

   O pasado 19 de novembro, por primeira vez no noso centro, os alumnos e alumnas de 5º e 6º tiveron a oportunidade de contar coa visita do escritor catalán JOAN MANUEL GISBERT.

   Entre a súa extensa e recoñecida obra, pois conta no seu haber cos máis prestixiosos premios, escollemos

"Agualuna" e "La maldición del arquero". Dous relatos fantásticos ambientados na Idade Media, a súa etapa

preferida da historia, tal como lles manifestou aos nosos alumnos.

   As actividades relacionadas con esta visita prolongáronse ata esta semana, integrándoas dentro da programación de lingua galega.

          - Búsqueda de información sobre a vida do autor.

          - Envío dun correo electrónico ao autor.

          - Resposta do autor ao noso correo, que deu pé para traballar o parágrafo na expresión escrita.

    Estes encontros co autor supoñen una motivación especial para o alumnado, xa que a lectura en común dos libros, permítenos mostrarlles a calidade literaria das obras escollidas.

  Para acceder a unha lista de obras de Gisbert clasificadas por idades, facer clic na imaxe  

     A  CALQUERA  HORA

         A  LECTURA  É  BOA!!! 

  A mochila viaxeira sae de expedición 

        con carga de ilusión        

 para en familia entrar en acción;

e logo, compartir moita comunicación.    

Este ano o centro colabora solidariamente recollendo:

- Alimentos non perecedeiros para Cáritas Parroquial. Deberán  traelos en bolsas ou en caixas de cartón.
- Todo tipo de roupa, calzado... para a ONG Global Humanitaria: O luns repartiremos as bolsas nas que poderán meter a roupa.

O prazo máximo de entrega será o mércores 12 de decembro.

GRAZAS A QUEN MANTÉN VIVA A SOLIDARIDADE QUE NOS DISTINGUE

   Violeta despertou a admiración do alumnado do primeiro ciclo. Despois de traballar algúns dos seus libros nas aulas,os nenos e nenas viviron a emoción de compartir con Violeta as súas inquedanzas.

   Tamén quedou reflectida a maxia das súas mans que foi respostada cos aplausos dos nosos alumnos e co seu asombro.

   Unha vez máis, grazas, Violeta, por facernos pasar uns momentos tan cheos de agarimo.