O día 22 de maio, o alumnado de 4º curso puido engadir un novo "regalo literario" á súa aprendizaxe. Esto fixoo posíbel o escritor Antón Cortizas.

  Rosalía e os equinodermos foi a obra de Antón seleccionada para que leran os rapaces. Ademais do pracer da lectura, os nenos e nenas non vían o día de poder facerlle a Antón unha morea de preguntas sobre a arte de ser escritor.                                                   

    Chegado este día soleado do mes das "nosas letras", Antón entrou na biblioteca que quere tanto; tanto, que lle prestou e, mesmo parece, lle regalou o seu nome.

    Coa súa presenza, apareceu a calma e a atención. E, atentamente o recibiron cun muíño de vento, feito seguindo as instruccións do libro do autor: Tastarabás.

   E, sen présa, pero sen pausa, Antón, botando man duns materiais tan sinxelos coma un escarbadentes e unhas tiriñas de papel, fixo, para ledicia de todos, unha buxaina que bailaba e bailaba manténdose de pé.  

 Do tempo de enredar pasaron ao de preguntar:

"Por que nos teus libros aparece o nome de Rosalía? En que tempo escribiches Rosalía e os equinodermos? Tes pensado publicar algún libro proximamente? A quen llo dedicarás? Que hai que facer para ser escritor?"... Aquí, Antón tomou a palabra e, dese xeito que el ten de mesturar o traballo de profesor co escritor que leva dentro, díxolles:

   "Un pode escribir moito e moi rápido, pero para escribir ben hai que observar moito, escoitar outro tanto, e despois imaxinar; xogar coas palabras, escribilas, reescribilas, ler o que se escribe, mesmo en voz alta; xuntar o fondo coa forma e notar que quedan ben, que soan coma se fose música, que fan sentir".

        Para agradecerlle tantas ensinanzas, tiñan escollido e musicado un poema que da título á súa obra Érase unha vez na quimbamba,e cantáronlle a coro.

   Tamén lle regalaron un libriño cunha tarxeta, na que con moito agarimo lle escribiron:

"Padriño, ti es a nosa estrela".

Premendo na imaxe, pódese acceder á galería de fotos.

O día 6 de maio foi a xornada de inauguración da mostra de traballos seleccionados nas diferentes categorías, incluindo ademais a entrega de premios, do XIII certame Poesía e Imaxe, en galego sen filtro.

Os participantes neste concurso tiveron que realizar unha creación artística a partir de fragmentos de poemas de literatura universal en todas as linguas como mirandesa, xaponesa, catalá, persa, portuguesa e galega entre outras, coas correspondentes traduccións.

No noso centro foron premiados o colectivo de 2º A cun traballo de María Mamede en lingua portuguesa e a alumna Laura Galindo de 3º A cun traballo sobre unha poesía mirandesa. Parabéns a todas e todos.

A mostra permanecerá no "Carvalho Calero" de Ferrol ata o día 31 de maio.

23

DE

 ABRIL 

O 23 de abril é un día simbólico para a literatura mundial, xa que ese día no ano 1616 finaron Miguel de Cervantes e William Shakespeare. 

     É por este motivo que a UNESCO elixíu esta data para homenaxear ao libro e aos autores, animando a todo o mundo a descubrir o pracer da lectura: "Leer para vivir", lema para o Día Mundial do Libro 2013.

 CELEBRACIÓN  NO  COLEXIO

   Nós tamén creamos un lema:

 ""

      Cada alumno/a comparteu cos demais a paixón polo seu libro preferido, rotulando o título e facendo unha ilustración alusiva.

Con todos os traballos fixemos unha exposición na subida da escaleira. 

  En educación infantil decoramos os corredores co traballo :

""

"COMPARTIMOS  HISTORIAS"

Na semana do 15 ao 19 de abril o alumnado de cada curso leu un conto tradicional ao curso do nivel inferior.

   Aquí están nenos e nenas de 1º facendo unha representación para os grupos de 3 anos. 

ACHEGÁMONOS Á OBRA DE  CERVANTES: 

         "O QUIXOTE"          

Para coñecer a introducción á obra máis relevante de Cervantes, utilizamos este vídeo:

 E este outro vídeo para aprender a canción: "Quijote, Sancho".

CELEBRACIÓN CONXUNTA

O 23 de abril, día grande no mes do libro, celebrámolo todos xuntos no patio, nun breve, pero significativo acto literario. 

  17

  DE

  ABRIL

  No mes por excelencia dos libros, o padriño da nosa biblioteca, non nos deixou sen o seu agasallo en forma de encontro literario.

    Esta vez fixo latexar as mentes do alumnado de

5º e 6º de Primaria.

    Leron o conto   A bruxa sen curuxa, e sobre el, fixéronlle a Antón unha morea de preguntas.

Antón

correspondéulles

facendo alí

mesmo

un bugallo

que soa coma

unha curuxa.

E un chifre de lata.

Ademais, Antón Cortizas, sorpréndenos gratamente neste mesdo libro, ao publicarse a súa obra TASTARABÁS:

"Catálogo de brinquedos tradicionais e uso lúdico da natureza". 

Que sorte que hai xente tan sensible que se fixa nas pequenas cousas!. Todas xuntas fan algo ben grande!. 

Tantas coma as augas de abril.

E chegou o 15 de abril. O día esperado polos cursos de 1º e 2º de Primaria para encontrarse co escritor e profesor  

Xabier Docampo.

  Chegou e mirounos. Sorprendeunos moito o seu conto que seguro saíu do seu sombreiro. Non tivemos moito tempo para falar con el, pero nós disfrutamos moito lendo os seus libros: A nena de auga e o príncipe de lume,  e  A decisión de Valerio.

    Deixou unha fermosa pegada nas dedicatorias que escribíu nos libros dos nenos e nenas, xa que eran debuxos diferentes. 

Gustaríanos disfrutar dunha maneira máis sosegada da maxia das túas palabras.

O día 11 de abril, os nenos e nenas de Educación Infantil  atopáronse cunha sorpresa na biblioteca do colexio. Alí, invitado pola editorial Anaya, esperábaos o"contador de contos" Iago López, e o seu libro xigante. 

Linda á espreita , foi o conto elixido por Iago L. para facerlles

imaxinar, rir e participar

Cada vez que alguén nos conta unha boa historia, fainos  medrar.

DÍA INTERNACIONAL DO LIBRO INFANTIL 

 2 de abril 

   O día 2 de abril conmemórase o Día Internacional do Libro Infantil, en homenaxe a Hans Christian Andersen, escritor danés que naceu ese mesmo día de 1805. Da súa imaxinación saíron contos tan coñecidos como: O soldadiño de chumbo, O parrulo feo, O traxe novo do emperador...

   Trátase de promocionar os bos libros infantís e xuvenís, e animar á lectura aos máis pequenos.  

  No colexio dedicaremos estes días a sesión  "A hora de ler"  a recordar contos de Andersen que todos temos no maxín, e a ler outros do autor que o noso alumnado aínda descoñece, porque a lista é longa...

   Tamén coñeceremos outros contos a través de vídeos.

 PREMENDO NA IMAXE PÓDESE ACCEDER A UNHA LISTAXE DE CONTOS DE ANDERSEN    

     O 26 de febreiro, o alumnado de cinco anos e de primeiro do  colexio Isaac Peral, disfrutou dunha sesión de contacontos a cargo de Patricia González e Álex Fente, do equipo de animación á lectura de Kalandraka.

    Os petos de Loreto amosáronnos moitas sorpresas. A galiña roxa e a serpe Críctor  contáronnos historias moi divertidas; e aprendemos a importancia que ten traballar con ilusión e axudar ás persoas que nos rodean.      

 CANTAMOS,  XOGAMOS,  ESCOITAMOS  E... PASÁMOLO  MOI  BEN!

O día de Rosalía celébrase o 24 de febreiro en conmemoración da data do nacemento da escritora galega Rosalía de Castro. Este ano ademais conmemórase o 150 aniversario da publicación da súa obra Cantares gallegos.

Nos centros de ensino este ano celebrámolo o venres, día 22 de febreiro. E no noso centro escollimos o seu poema Adios ríos, adios fontes, para traballar na aula durante a semana do 18 ao 22 e este último día cantamos todos xuntos no patio a versión cantada por Amancio Prada deste poema.

Para coñecer a vida e obra da escritora galega máis universal a Fundación Manuel María de Estudos Galegos dispón na súa web dunha exposición en 20 paneis que se espuxeron no centro, así como unha unidade didáctica.

http://www.manuelmaria.com/recursos/outros.htm

Nesta presentación coñecemos datos sobre a vida e a obra de Rosalía

Para aprender o poema Adios ríos, adios fontes utilizamos os seguintes videos.

Neste aparece a letra da poesía.

E este cunhas belas imaxes

                             manifesta o seu desexo de que

              transmitamos ás familias o pracer que sente de estar cos

             vosos fillos e fillas, e canto agradece a vosa axuda na

            elaboración dos sombreiros cos que o alumnado de 4º

           curso a recibíu o día 22 de xaneiro na biblioteca.

Nós agradecemos como nos fixo pechar os ollos,

e sentir que somos capaces de crear algo coas nosas mans,

de sacar de dentro a idea. As súas verbas transmiten forza e

sentimentos: "Si algo me sale mal no espero a que me lo digan. El

truco de todo es no esperar a que nos corrijan, sino darnos cuenta y

corregirnos solos para mejorar. No trabajamos para los profesores ni

para nuestros padres, trabajamos para aprender a corregirnos. Porque

vosotros tenéis una gran responsabilidad, que es cambiar el mundo para

 mejorarlo".Así falou a un público moi entregado...

 

Igual  que Pamela, parecen transportados ao país de Jipi-Japa,

donde    tódolos seres levan sombreiro. 

                                                        O 19 de decembro, desembarcou no Isaac

                                             Peral o escritor  Antón  Cortizas,  para                  

                                   mergullar ao alumnado nas delicias da maxia

                           da papiroflexia. E así, ler de maneira diversa e

                   divertida cos terceiros.

                  Poemas para ler de esguello ou que precisan dun espello:

              "unha maneira diferente de poñerse a ler".

   O pasado 19 de novembro, por primeira vez no noso centro, os alumnos e alumnas de 5º e 6º tiveron a oportunidade de contar coa visita do escritor catalán JOAN MANUEL GISBERT.

   Entre a súa extensa e recoñecida obra, pois conta no seu haber cos máis prestixiosos premios, escollemos

"Agualuna" e "La maldición del arquero". Dous relatos fantásticos ambientados na Idade Media, a súa etapa

preferida da historia, tal como lles manifestou aos nosos alumnos.

   As actividades relacionadas con esta visita prolongáronse ata esta semana, integrándoas dentro da programación de lingua galega.

          - Búsqueda de información sobre a vida do autor.

          - Envío dun correo electrónico ao autor.

          - Resposta do autor ao noso correo, que deu pé para traballar o parágrafo na expresión escrita.

    Estes encontros co autor supoñen una motivación especial para o alumnado, xa que a lectura en común dos libros, permítenos mostrarlles a calidade literaria das obras escollidas.

  Para acceder a unha lista de obras de Gisbert clasificadas por idades, facer clic na imaxe  

     A  CALQUERA  HORA

         A  LECTURA  É  BOA!!! 

  A mochila viaxeira sae de expedición 

        con carga de ilusión        

 para en familia entrar en acción;

e logo, compartir moita comunicación.    

   Violeta despertou a admiración do alumnado do primeiro ciclo. Despois de traballar algúns dos seus libros nas aulas,os nenos e nenas viviron a emoción de compartir con Violeta as súas inquedanzas.

   Tamén quedou reflectida a maxia das súas mans que foi respostada cos aplausos dos nosos alumnos e co seu asombro.

   Unha vez máis, grazas, Violeta, por facernos pasar uns momentos tan cheos de agarimo. 
  

O día 23 de outubro quedará como unha data importante na historia do CEIP Isaac Peral: a nosa biblioteca pasou a ter nome. E leva o nome de alguén moi significativo nun eido educativo e máis na nosa cidade, pois a personalidade que lle da nome é mestre, é escritor e é ferrolán: ANTÓN CORTIZAS.

Para celebrar este día tan especial organizáronse dous actos no centro:

• Un acto institucional na biblioteca ao que estiveron convidados a inspectora de educación, a concelleira de educación, o director e unha asesora do CEFORE, o escritor Antonio Yáñez e o pintor Leandro Lamas. Tamén houbo representación de todos os membros da comunidade educativa: o equipo directivo, profesorado, unha representación de alumnado de todos os cursos, persoal non docente e a Anpa co equipo de dinamización da biblioteca como conductor do acto.

• Un acto lúdico-educativo no patio con todo o alumnado e profesorado no que alumnado de cada nivel recitou e representou poemas do libro de Antón Cortizas Contos de vento e de nunca acabar.

Nestes actos, Antón, un recoñecido escritor infantil e xuvenil, mostrouse tamén como a persoa enxeniosa, cercana e entrañable que é.

Esta presentación recolle algunhas das moitas ideas importantes que Antón Cortizas apuntou nas súas intervencións nestes actos. 

O Diario de Ferrol acompañounos nesta data tan importante, premendo na imaxe atópase a noticia na súa edición dixital. 

Outro ano máis a biblioteca abriu as súas portas para a realización de préstamos e coma sempre a acollida foi espectacular, non tedes máis que ver a longa cola que se formou.

Os préstamos realízanse durante a hora do recreo para o alumnado de 3º a 6º de primaria. E. Infantil e Primeiro ciclo de Primaria teñen unha hora prefixada no seu horario escolar para a realización dos préstamos.

A xestión dos préstamos realízanna o alumnado de 6º de Primaria que previamente recibiu a correspondente FORMACIÓN DE USUARIOS.