CURSO 23 - 24

A xestión do servizo de comedor farase a través

da app ColeChef que deberá estar descargada no móbil.

As instruccións premendo na imaxe:

Premendo na imaxe accédese

aos distintos menús diarios do almorzo e do xantar

      O servizo de comedor comezará o luns, día 11 de setembro        

O comedor do centro ofrece servizo de almorzo e xantar. A xestión do servizo de comedor é de competencia municipal e corre a cargo da empresa SERUNIÓN.

Servizo de almorzo: de 7:30 a 9:00 h.

Servizo de xantar: de 14:00 a 16:00 h.

Cada alumno/a poderá anotarse ao servizo de comedor de xeito habitual ou esporádico sempre con 48 horas de antelación.

Non está permitida a entrada ao almorzo despois das 8:30.

O horario de recollida do servizo de comedor será ás 16:00 h. Fóra deste horario, establécese outra quenda ás 15:30 h., debendo xustificarse por escrito a necesidade de recollida do alumnado ante a dirección do centro quen llo comunicará á encargada do comedor.

A encargada do comedor lles facilitará un impreso de autorización de recollida do alumnado por outra persoa que non sexan os/as pais/nais ou titores/as legais.

O prezo do almorzo é de 1,84 € e o do xantar 3,59 € por comensal e día.

O Concello de Ferrol subvenciona unha parte do servizo de comedor para todo o alumnado, pero ademais existen becas que se poderán solicitar nos Servizos Sociais da Consellería de Benestar do Concello de Ferrol.

Se un alumno/a ten algún tipo de intolerancia presentará o informe médico a través da aplicación e se lle facilitará un menú especial.

Os usuarios do servizo de comedor deberán traer un cepillo e pasta de dentes para realizar a hixiene bucal.

Para solucionar problemas co aplicativo Colechef poden:

  - Enviar un correo un correo electrónico ao enderezo galicia@serunion.elior.com   
  - Chamar ao teléfono 986 45 30 40.

Tal e como establecen as Normas de Organización e Funcionamente do centro, todo o alumnado que non cumpra as normas do centro, pode ser privado do dereito do servizo de comedor, primeiro por un determinado tempo e, se ao seu regreso non amosa ter adquiridas as normas, deberá prescindir de este servizo durante o resto do curso escolar.