Saídas Didácticas
VISITA A GALLAECIA PÉTREA-2013
OS RAPACES E RAPAZAS DE PRIMARIA DO NOSO COLE FIXEMOS UNHA VISITA MOI INTERESANTE Á CIDADE DA CULTURA , E SANTIAGO DE COMPOSTELA.
FOMOS DISFRUTAR DA EXPOSICIÓN: "GALLAECIA PÉTREA".A PRENDEMOS MOITAS COUSAS SOBRE A NOSA HISTORIA DUN XEITO MOI DIVERTIDO, POIS TIVEMOS QUE IR ATOPANDO A INFORMACIÓN SEGUNDO UNHAS PISTAS QUE NOS DERON OS MONITORES.
ENCONTRO COA ESCRITORA ANA ALONSO (MARZO 2013)
O PASADO VENRES DÍA 8 DE MARZO, VEUNOS VISITAR A ESCRITORA
ANA ALONSO 
CONTOUNOS CÓMO EMPEZOU A ESCRIBIR CANDO TIÑA 10 ANOS, E, COMO TIÑA TANTA VERGOÑA, NON LLO DICÍA A NINGUÉN. FOI CANDO XA ESTABA NA UNIVERSIDADE ESTUDANDO BIOLOXÍA,QUE UN DÍA VEU NUN CARTEL O ANUNCIO DUN CONCURSO DE POESÍA CUN PREMIO DUNHA VIAXE A PARÍS MÁIS A PUBLICACIÓN DOS POEMAS. ISO ANIMOUNA A ESCRIBIR PARA O PÚBLICO. DENDE ESA SEGUE A FACELO, E FAINO MOI BEN.
CONTOUNOS TAMÉN EN QUE SE INSPIRA PARA INVENTAR AS SÚAS HISTORIAS DE FANTASÍA, NAS QUE SEMPRE QUERE QUE APRENDAMOS ALGO.POR ISO A COLECIÓN PIZCA DE SAL.
LOGO FOI O NOSO TURNO: FIXEMOS MOITAS PREGUNTAS SOBRE O LIBRO QUE LEMOS, AGASALLÁMOLA CUN CÓMIC ONDE ILUSTRAMOS CAPÍTULO A CAPÍTULO O LIBRO " UNA MANO EN LA PIEDRA" E PEDÍMOSLLE QUE NOS ASINARA O NOSOS LIBROS.
QUE EXPERIENCIA MÁIS INTERESANTE.BOTA UNHA OLLADA!
ACTUACIÓN MUSICAL DE MAMÁ CABRA
Amiguiños e amiguiñas! O Venres 16 de abril, os nenos dende Infantil ata 2º curso de Primaria fomos ao Auditorio Municipal escoitar antigos e novos éxitos do grupo musical infantil e xuvenil " Mamá Cabra", grazas á colaboración das familias e do equipo de Normalización Lingüística do noso cole.
Alí sumerximonos no mundo mariño con cancións como " Glu glu glu glu plas, plas, navegando polo mar", polas noites de medo con " Bailan bailan as pantasmas, sapos, bruxas e curuxas...", no mundo natural "somos uns bichiños con algo especial, todos pequeniños ...", e cunha das nosas cancións favoritas" O polo Pepe".
PASÁMOLO XENIAL E MESMO AS PROFES E OS NENOS LLES AXUDAMOS NO ESCENARIO A CANTAR E BAILAR.
Celebración do Día da Árbore
O pasado mércores 21 de marzo os alumnos/as de Terceiro de Primaria do CEIP O Grupo acompañados polos seus titores/as e outros mestres/as do centro foron ao Centro de Interpretación
do Ecosistema Litoral de Galicia no O Vilar-Carreira (Ribeira) para pasar unha xornada moi fructífera. Primeiro de nada prantaron árbores de diferentes especies autóctonas e despois en compaña de varios monitores realizaron diversas actividades nas que os cativos/as gozaron dunha fermosa actividade ao aire libre. Voltaron ao cole despois de xantar.
Clica aquí para acceder á galería de imaxes do evento.
Visita ao Parque Dunar de Corrubedo
O alumnado de 4º A e 4ºB do noso cole visitamos o día 15 de abril de 2010 o Parque Dunar de Corrubedo.
Ao chegar en bus esparabanos dúas especialistas en temas de natureza para recibir aos alumnos/as. Visionamos un documental didáctico sobre o parque dunar onde se nos explicaba como se formou.
Ao rematar o documental fomos dar un paseo polo Parque, escoitamos ao fermoso paxaro "Pim Pim". Asistimos a unha demostración de como observar e interpretar os restos, pegadas ... dos animais. Observamos e aprendemos a diferenciar diferentes especies de follas de pino, o pino galego o arume (a folla) ten dúas follas namentres o americano ten tres.
Despois de moito camiñar chegamos ás Dunas da praia e explicaronnos alguns datos interesantes, dunha altura orixinal de 60 metros quedou nuns 30 finalmente froito das extraccións indiscriminadas. Aprendimos aspectos de fauna e flora específicas das Dunas.
Unha das cousas máis chamativas foi escribir as nosas impresións no libro de visitas.
Preme para ver a galeria de imaxes.
Escolares de Infantil Visitan aos tiburóns Gastón e Fermosa no Acuarium Finisterrae
O Martes 2 de Marzo de 2010 a maioría do alumnado de Infantil (alumnado de 3 anos, 4 anos, 5 anos) acompañados dos titores, profes de apoio e profes de reforzo para a saída fomos de visita didáctica ao acuarium Finisterrae da cidade Herculina.
Saímos do cole ao redor das 9:30 da mañanciña e tardamos case dúas horas en chegar sen percance ningún salvo algún que outro amareiño,a verdade e que a viaxe pasou nun suspiro entre cancións e risas.
Ao chegarmos cada nivel foi recibido por unha guía que nos explicaba cousas de cada recanto do acuarium. O primeiro de todo foi a visita das focas, que por certo, teñen nomes galegos. Despois fomos á sala do Nautilus,o famoso submarino da obra de Xulio Verne "20.000 leguas de viaxe submarino". Alí coñecemos de primeira man a Gastón e a Fermosa os meirandes tiburóns que vimos endexamais en directo. Tod a atención foi para eles,porque os besugos, as morenas e os outros peixes perderon encanto ao seu carón.
Logo continuamos visitando as diferentes salas, puidemos aloumiñar ás estrelas de mar, ver aun polvo velenoso moi pequerrechiño, cabaliños de mar, etc...
Cando nos demos conta xá era a hora do xantar. A cooomer!!!! e volta para a casiña, cara a Ribeira.
Deixamosvos unha ligazón para que poidades ver as imaxes da saída.
Os de Sexto visitamos a illa de Sálvora
O alumnado de 2º nivel de 3º ciclo de Primaria do Grupo vistou a Illa de Sálvora.
Ás 9:30 saímos do porto de Ribeira rumbo a Sálvora, a viaxe a bordo do Fly Boat durou apenas 30 minutos ata o embarcadero da illa.
Ao chegar recibíronnos os gardas do Parque Nacional para lembrarnos as normas básicas durante a estancia. Fixemos dous grupos para visitarmos diferentes puntos da Illa: o Faro e o paso onde afundiu o Santa Isabel, o Pazo, a Capela, a Serea, a Fonte, fauna e flora da illa e finalmente a aldea. Ao rematar tiñamos tanta calor que algúns probaron a auga.
1º CICLO DE PRIMARIA VISITA O ZOO DE MARCELLE
O 1 de xuño de 2009 os alumn@s de 1º ciclco de primaria visitamos O Parque Natural de Marcelle, sito no concello de Outeiro de Rei (Lugo).
O Alumnado de 5º visita o Zoo de Marcelle.
O luns 25 de maio, aproximadamente ás 8:30 da mañán, saíron de Ribeira camiño a Outeiro de Rei (Lugo) tódolos alumnos/as de 5º de primaria do CEIP O Grupo.
A viaxe levounos unhas 2 horas, a verdade é que o día non acompañou moito, ao chegar déronnos a benvida uns monitores moi amables que nos guiaron a facer un percorrido polo parque de Marcelle.
Nesta instalación, visitada por escolares e familias de diferentes lugares de Galiza, podemos atopar animais ben diferentes: leopardos, avestruces, cabras, cervos, coellos, linces, bisontes... quedamos moi satisfeitos/as. Os monitores iannos contando as peculiaridades de cada zona e dos animais que iamos vendo.
Ao final regresamos tras dúas horas de viaxe aló polas 7:00 da tarde. Pagou a pena a visita.
Alumn@ de 5º
XII MOSTRA DE TEATRO INFANTIL
Durante a última semana do mes de maio de 2009 estase a celebrar un ano máis a mostra anual de Teatro Infantil, nesta ocasión trátase da 12ª edición.
No auditorio Municipal de Ribeira e con acceso libre e gratuíto poderán achegarse tódolos ribeirenses e persoas da comunidade educativa do CEIP O Grupo e demais interesados a este Certame Teatral que aglutina a grupos de Teatro de toda a bisbarra: Colexio A milagrosa de Oleiros, Colexio Galaxia, Colexio Bayón, Colexio do Grupo, Asociación cultural ALFAIA, e Grupo Municipal Infantil de Teatro.
O CEIP O Grupo dirixido polo mestre Daniel Gómez Ramil presenta este ano a obra titulada: "O Circo Barato". Duración aproximada 35 min. O argumento desta obra amosa un Circo Barato. Todo aquíe barato, sen desmerecer o valor artístico..., porque son un cir cotizado, un cir colaborador, un cir confuso, un cir concerto, un circontraste, un circolexial, un cir medorento... En fin ofrecen un pouco de todo, ata a posibilidades de obter un valiosísimo regalo... Non a perdades!. Está interpretada pol@s alumn@s: Aldara C. I., Laura M. B., Inés S. C., Félix V.P., María V.R., Israel David F. A., Ainhara L.D., Francisco Misael L.G., Florencia Sofía S.A., Jennifer T.P., Sheila V.C., Carlota F.S., Juan F. R. O., Antía M.P.
