É tempo de Nadal! E aínda que xa estamos de vacacións, no colexio fixemos un montón de traballos relacionados con estas datas.

En primeiro lugar, o alumnado de 5º elaborou o mural da entrada, que leva por título "Presentando: Un Nadal de cine".Quedoulles así de bonito!

Ademais, os corredores enchéronse de diferentes traballos realizados polos nenos e nenas coa axuda das familias, que desta vez estaba relacionado coa temática do ano: o cine. Adornamos con moitas claquetas, cámaras, palomitas, entradas de cine, cintas... cun toque moi navideño!

E o alumnado de 4º de Primaria realizou as postais de Nadal que encheron este mural tan orixinal!

O recuncho da biblioteca tamén luciu así de bonito!

O 20 de novembro conmemórase o Día Universal dos Nenos e das Nenas. É un día de celebración polos avances conseguidos, pero sobre todo é un día para chamar a atención sobre a situación dos nenos e nenas máis desfavorecidos/as, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.

No colexio levamos a cabo diversas actividades: ademais de traballar cada un dos dereitos da infancia, fixemos un mural común onde quedaron ilustrados e rotulados. O mural leva por título "Dereitos da Infancia" e quedounos así de bonito.

Traballamos os seguintes dereitos:

• Medrar en liberdade

• Xogo

• Familia

• Coidados especiais

• Identidade

• Non ser maltratado/a

• Nos ser discriminado/a

• Educación

• Saúde

   

Ademais tivemos a oportunidade de asistir á Casa da Cultura a ver uns espectáculos ofertados polo Departamento de Cultura do Concello de Arzúa.

O luns 18 o alumnado de Educación Infantil viu o espectáculo "Gatuxo" de Magín Blanco.

Gatuxo é unha metáfora do crecemento da infancia e do descubrimento do mundo dende unha perspectiva artística: Gatuxo é arquitecto dunha caixa, é músico na cociña, é pintor de garabatos, é bailarín de claqué, é cantante, é titiriteiro cos obxectos cos que salta, e, por suposto, é o narrador da súa propia historia.

O martes 19 o alumnado de 1º, 2º e 3º de Educación Primaria asistiu ao espectáculo UMMM! De Teatro Avento.

Cancións, bailes e cores arroupan unha historia sobre as diferenzas, a autenticidade e o valor de traballar en equipo para aprender a ver o mundo cos ollos do outro.

O mércores 19 o alumnado de 4º, 5º e 6º viu o espectáculo "Nómades" de Xarope Tulú.

É un espectáculo onde o movemento, a música e a palabra invitan a viaxar por paisaxes singulares. Somos nómades, transitamos sen morada nin corpo fixo. Habitamos a beleza do diverso, esa beleza que da cor a outros corpos e facilita a aparición de novas tonalidades, texturas e maneiras de vivir, onde non existe un corpo equivocado, onde é posible imaxinar ás persoas en abstracto.

O Magosto é unha festa tradicional na que a castaña é a verdadeira protagonista. Trátase dunha celebración relacionada coa recolección de castañas na que se prepara unha fogueira para asalas en torno á cal se reúnen os veciños e veciñas para compartilas.

Nós, hoxe, tamén quixemos celebrar o noso Magosto, comendo castañas en compañía dos nosos amigos e amigas.

Aínda que o tempo non acompañou para poder celebrar os tradicionais xogos con castañas, puidemos festexar este día xogando e comendo castañas cos nosos compañeiros e compañeiras. Foi igualmente moi divertido!

Esperamos pacientemente na fila para recollelas, e despois degustámolas todos xuntos e xuntas!

Pero o día non rematou aquí!

Despois desta celebración tivemos a oportunidade de asistir a un espectáculo de maxia organizado pola ANPA e subvencionado pola Diputación da Coruña. Contamos coa visita do Mago Benxamín, co seu espectáculo "Máxico 2019".

Foi un espectáculo moi divertido no que nos ilusionamos con moitos trucos de maxia. Ademais, algúns nenos e nenas, e algunhas mestras, puideron ser os e as protagonistas dalgún deles, e foi verdadeiramente emocionante.

En resumo, pasamos unha xornada moi divertida con todas estas actividades. Feliz Magosto!

O venres, 21 de xuño celebramos o ansiado Festival de Fin de Curso!

Foi un día cheo de emoción e nervios. Quixemos despedirnos deste curso escolar con moita alegría, e que mellor maneira de facelo, que con música, baile e diversión!

Comezamos polos máis pequechos, os nenos e nenas de Educación Infantil que bailaron ao son de Vacas Lobotómicas.

Os rapaces e rapazas de 1º bailaron un remix tradicional – moderno moi divertido!: "Danza galega", "Marcha, marcha", "Babyshark", "Calma" e "Vivir la vida".

Os nenos e nenas de 2º deleitáronnos coa coreografía de "Madre Tierra".

Logo, tocoulle o turno aos rapaces e rapazas de 3º, que interpretaron "La venda".

Os nenos e nenas de 4º bailaron "Tu cintura".

Os rapaces e rapazas de 5º interpretaron un remix moi moderno: "New rules", "Happier", "We will rock you".

O alumnado de 6º, bailou un remix moi divertido e orixinal: "No importa que llueva", "Bajo el mismo sol".

Para finalizar, demos paso á entrega das orlas ao alumnado de 6º para que leven un recordo dos seus compañeiros, compañeiras, mestres e mestras que os acompañaros nesta andaina.

E como peche do acto, o noso mestre Iván, acompañado dalgúns nenos dedicáronlle unha peza musical a todos os nenos e nenas de 6º.

Pasámolo xenial rodeados de todos os nosos compañeiros e compañeiras, mestres e mestras, e a compañía de familiares e amigos. Grazas a todos e a todas por facer posible que despedísemos da mellor maneira este curso escolar 2018-2019!

"As pontes unen; educar é unir"

Feliz verán!

Hoxe en día non sorprende ver aos alumnos e alumnas lendo ou traballando cos xornais nas aulas. Lendo, analizando, reflexionando e aprendendo a sociedade que nos rodea. Empregando o xornal, en definitiva, como unha ferramenta didáctica coa que podemos traballar na aula.

A nivel aula realizamos diferentes actividades para traballar e aprender máis sobre a prensa.

Ademais, pedimos exemplares a "La Voz de Galicia" cos que poidemos traballar nas aulas. Aprendemos as partes principais dos xornais, seccións, compoñentes dunha noticia...

Tendo en conta que esa semana, ademais de traballar coa prensa, estabamos a traballar o tema da Muller Traballadora, aproveitamos as dúas actividades para elaborar unha actividade común. Elaboramos o noso propio xornal que leva por título "Pioneiras". Deste xeito, aproveitando a información das mulleres galegas que estivemos traballando, elaboramos noticias e con elas confeccionamos o mural común. Así de bonito quedou:

O Día Internacional da Muller Traballadora conmemora a loita da muller pola súa participación, en pé de igualdade co home, na sociedade e no seu desenvolvemento íntegro como persoa. Celébrase o 8 de marzo.

Nós tamén nos quixemos sumar a esta loita e aportar o noso gran de area. Cada titoría traballou sobre a temática, e ademáis fixemos unha actividade común. Cada clase escolleu a figura dunha muller galega para traballar na aula. Logo, fixemos a icona da muller e dentro colocamos a imaxe da muller escollida, a súa profesión e información máis relevante da mesma. Estes traballos colocámolos na porta de cada clase e luciron así de bonitos!

Mulleres que traballamos:

Chus lago: alpinista

Isabel Barreto: a primeira almiranta

Celia Rivas: primeira camioneira de España.

Irene González: futbolista

Ana Peleteiro: atleta

Virxinia Wolf: escritora

Maruxa Mallo: artista

Manuela Barreiro: primeira galega licenciada

María Barbeito: mestra

Ángela Ruiz: mestra e inventora

Isabel Zendal: enfermeira

María Castaña e María Pita: heroínas

Mª Luz Morales: periodista

Por fin chegou unha das celebracións que máis nos gusta: o Entroido!

Os rapaces e rapazas de 3º foron os encargados/as de facer o mural da entrada, que leva por 

título: "Así celebramos o Entroido no noso cole!". Quedoulles así de chulo!

O pasado venres, 1 de marzo celebramos o Entroido 2019. Foi un día de nervios, diversión, alegría... e estivemos encantados e encantadas de poder amosarvos os nosos disfraces que preparamos con tanta ilusión.

A temática deste ano é o Patrimonio cultural de Arzúa, así que poidemos gozar vendo diferentes disfraces de cousas, produtos, festas, personaxes… típicos da nosa terra.

Fixemos un desfile no pavillón do Viso, no que presentamos as diferentes comparsas. Esperamos que vos gustaran e que gozarades tanto coma nós!

A apicultura está moi presente na nosa terra. Por iso vos presentamos ás verdadeiras protagonistas que fan que teñamos un mel tan saboroso en Arzúa, as abellas de Educación Infantil.

A gandería tamén está moi presente na nosa zona. É a principal actividade económica no noso concello, así que aquí vai unha mostra das mellores vacas e touros da nosa terra representados polos nenos e nenas de 1º.

Toda explotación gandeira necesita xente que traballe con ansia, esforzo e vontade. Presentámosvos, a continuación, aos mellores gandeiros, gandeiras, feirantes e tratantes de Arzúa representados polos compañeiros e compañeiras de 2º.

O Concello de Arzúa é un importante municipio galego no Camiño de Santiago. Centos de peregrinos pasan polas nosas rúas cada día facendo o camiño, e aquí temos unha mostra diso. Presentámosvos aos peregrinos, peregrinas e indicadores do camiño que están facendo a última etapa antes de chegar a Santiago representados polos rapaces e rapazas de 3º.

En toda festa, sempre hai música. E en Arzúa sabemos moi ben diso. A Banda de Música de Arzúa, despois de moitos anos de éxitos, actuou para todos e todas nós, cun dos seus clásicos. Estivo representada polos compañeiros e compañeiras de 4º.

Que é Arzúa sen queixo? É coñecida como a “Terra do Queixo”, coa Denominación de Orixe Arzúa-Ulloa, un dos principais embaixadores da zona. A continuación, presentámosvos ás nosas mellores queixeiras e queixeiros que nos trouxeron estes saborosos queixos da nosa terra, representados polos rapaces e rapazas de 5º.

Por último, presentamos aos mellores xinetes e amazonas do Concello representados polos nenos e nenas de 6º que se están preparando para a próxima Ruta Cabalar de Arzúa.

E ata aquí chegou o noso desfile, no que como vistes, houbo unha pequena representación das mellores cousas da nosa terra. Esperamos que vos gustara e gozarades tanto coma nós!

Feliz Entroido!

Hoxe, 24 de febreiro, é a data de aniversario de Rosalía de Castro, unha das escritoras galegas máis internacionais que soubo plasmar moi ben os sentimentos que lle espertaba a súa terra nos seus poemas.

Durante a semana, fixemos un mural común que levaba por título "Galiza no meu pensamento", onde cada curso enscribiu e ilustrou, na silueta dunha bolboreta, algúns dos seus poemas que falaban da nosa terra. Neste mural, aparece a imaxe da escritora, que deixa voar libremente o seu pensamento, como bolboretas que voan de flor en flor, bebendo do néctar das flores.

Un ano máis, quixemos rendirlle unha pequena homenaxe lendo algúns fragmentos dos seus poemas onde Rosalía enxalza a nosa terra.

O acto tivo lugar o venres, 22 de febreiro no salón de actos. Comezamos vendo un vídeo dos Bolechas onde as personaxes recitaban e cantaban diferentes poemas da escritora.

A continuación, uns representantes de cada curso subiron ao escenario a ler os seus poemas:

Tamén nos sumanmos á iniciativa que pon en marcha a Fundación de Rosalía de Castro: "Caldo de gloria" inspirada no poema "Miña casiña, meu lar", de "Follas Novas", no que unha muller pobre conta un capítulo da súa épica diaria: a de sobrevivir, e que o consegue facendo un humilde caldo de gloria.

Por isto, o luns, 25 degustaremos no noso comedor un saboroso caldo galego na honra a esta escritora.

Os compañeiros e compañeiras de 5º B leron ese poema:

Para rematar o acto, todos e todas catamos o seu poema "Adiós ríos, adiós fontes" acompañados dos mestres Lois e Jose Luis e das súas guitarras.

Feliz Día de Rosalía!

Un ano máis, 30 de xaneiro, celebramos o Día Escolar da Non Violencia e a Paz.

Os alumnos e alumnas de 4º de Primaria foron os encargados/as de elaborar o mural da entrada. Fixeron este Abecedario da Paz que lles quedou tan chulo.

Foron moitas as mulleres e os homes que loitaron pola Paz Universal. E, neste día, os colexios convertémonos en instrumentos de paz e entendemento entre persoas de distinta formación, raza, cultura e relixión.

Nós, aportamos o noso gran de area. Durante toda a semana estivemos traballando e concienciándonos sobre o tema e lemos contos relacionados con esta temática. A raíz disto, fixemos un mural en común que leva por título "Armas de instrución masiva" no que aprendemos que os libros son as nosas mellores ferramentas para abrir as portas a diferentes mundos, realidades, vidas...cos que aprendemos valores tan importantes como a inclusión, a tolerancia, a igualdade... que nos poden axudar a conseguir un mundo máis xusto.

O 30 de xaneiro tamén conmemoramos este Día da Paz cun acto no que elaboramos o noso Manifesto pola Paz 2019, que leva por título "Para que haxa Paz...", onde cada clase incluiu unha pequena reflexión sobre o que nos aportaron os libros que traballamos na aula. Uns representantes de cada clase foron os encargados/as de ler e poñer no mural o seu Manifesto.

Así quedou finalmente o mural que levaba por título "Para que haxa Paz..." :

Para pechar o acto, gozamos cantando e interpretando todos xuntos e xuntas a canción "Chea de vida" de Guadi Galego. Con ela fixemos un esforzo acompañando a canción coa linguaxe de signos, porque hai moitas persoas que teñen que botar man desta linguaxe para comunicarse. Así queremos deixar claro que todas e todos temos cabida na familia, no colexio, na sociedade e no mundo, porque cada unha e cada un de nós aporta ALGO.

E recordade: "Non hai camiño para a paz, a paz é o camiño".

MANIFESTO POLA PAZ 2019

"Para que haxa Paz..."

• Hai que cambiar o odio por amor.

• Temos que xogar sen pelexar e respectarnos. Xogar a Paz.

• Non pelexamos.

• Paz é coidar a natureza.

• Todos/as temos que colaborar.

• Temos que saber convivir cos demais con respecto, tolerancia e empatía.

• Espero que nós, coma os paxaros, logremos atopar un lugar onde vivamos en Paz.

• Todos/as debemos ser pombas da Paz. Non podemos pelexar. Debemos axudarnos. Debemos respectarnos. Temos que dicir: non ao bulling.

• Debemos valorar aos amigos/as. Respectar as opinións. Aprender a escoitar. Cumplir coas nosas responsabilidades. Compartir as nosas cousas. Ser xenerosos/as. Esforzarnos e saber perdoar.

• Todo o mundo terá que vivir en paz e armonía.

• Nas nosas familias debemos loitar pola igualdade: repartindo as tarefas domésticas por igual entre os homes e as mulleres; desterrando as actitudes machistas desenvolvidas por calquera membro da familia; dispoñendo máis ou menos do mesmo tempo para descansar e facer as cousas que nos gustan a todos e a todas; participando en actividades deportivas, lúdicas e de lecer, independentemente do noso sexo.

• Temos que respectar todas as cores de pel.

• Nunc minerva postea palas.

O venres, 21 de decembro celebramos o noso ansiado Festival de Nadal. Foi unha xornada moi devertida, de nervios e felicidade!

O día comezou da mellor maneira: Papa Noel e o Apalpador visitáronnos polas aulas! Tivemos a oportunidade de falar con eles e, ademais, trouxéronnos unha rica merenda. Moitas gracias á ANPA por facelo posible.

Logo, tivo lugar o Festival de Nadal 2018 no salón de actos. Tivemos de todo: bailes, teatro, recitado de poemas... gozamos un montón!

A continuación, faremos un pequeno resumo deste acto tan navideño e importante para nós porque todos os compañeiros e compañeiras, profesorado e familiares puideron gozar das actuacións que preparamos con tanta ilusión.

3 anos A de Educación Infantil: Polo Nadal, turrón e mazapán.

3 anos B de Educación Infantil: Navidad Rock.

4 anos A de Educación Infantil: Zumba Kids "Feliz Navidad".

4 anos B de Educación Infantil: Rudolph el reno.

5 anos de Educación Infantil: Vuela, vuela.

6º B de Educación Primaria: Teatro: A foto de Nadal.

1º de Educación Primaria: Remix do Nadal: Christmas Lady Gaga

5º B de Educación Primaria: Poemas: "Eu nacín..."

2º de Educación Primaria: La estrella de la Navidad.

3º de Educación Primaria: Es Navidad.

5º A de Educación Primaria: : Flashmob de dous cadros de de Murillo.

4º de Educación Primaria: Hecho con tus sueños.

6º A de Educación Primaria: Voltamos aos anos 80.

Pero isto non rematou aqui! Para finalizar o acto, tivemos a visita Reis Magos! Melchor, Gaspar e Baltasar, escoitaron os nosos desexos, recolleron algunhas cartas e regaláronnos uns caramelos!

Foi, sen dúbida, a mellor maneira de despedir este trimestre e dar comezo ás vacacións de Nadal.

Gracias a todos por facelo posible!

Felices festas!