Outra vez unha boa e fantástica nova para o CEIP de Arzúa!!!!!
O ditame do xurado deste concurso A CIENCIA QUE CONTA fíxose público este sábado en Vigo, coa conseguinte entrega de premios, no cal tivemos representando a toda a Comunidade Educativa do noso cole a unha finalista e campiona, Elsa Fernández López co seu conto titulado O descubrimento de Leo.
Volvemos a obter bos resultados neste certame, por terceira vez consecutiva. A primeira foi Antía Pardo, logo Iván Orois e este ano, nada máis e nada menos o terceiro premio co traballo de Elsa Fernández López.
Este premio pon de manifesto que o traballo en equipo de todos os integrantes dunha Comunidade Educativa fai posible obter logros moi exitosos que enchen de experiencias as vidas do noso alumnado.
Noraboa a Elsa e tamén aos demaís compañeiros e compañeiras de terceiro A e B e 5º A que participaron con relatos non menos interesantes e bos!!
Somos un equipo e alegrámonos dos triunfos dos nosos!!
