Curso a piques de rematar e tamén o fantástico proxecto anual en colaboración co Museo de Bellas Artes de A Coruña.

O ultimo reto empeza xa, esta vez co título de Mitoloxía e auga!

Partimos da obra escultórica de Paco Pestana, elaborada con materiais reciclados e unha técnica chamada ensamblaxe: Nora para xentís peixes e xentís soños. É unha peza cinética, fai un son semellante ao ruído que facián os carros ao xirar o eixo das rodas.

E xa de cheo na Mitoloxía e auga nos cadros do Museo que traten esta temática, como fadas, sereas, maxia:

• Dolores Díaz Baliño, As fadas do caracol: aparecen dúas fadas sobre o lombo dun caracol con moita vexetación grazas á charca que lle proporciona auga.

• Urbano Lugrís, Mariña Surrealista: represéntase unha mariña de fantasía onde aparece unha serea azul deitada nunha nube observando esta paisaxe. Predominan os azuis  verdes e marróns que son capaces de levarnos a un soño.

• Urbano Lugrís, Sen título: paisaxe marítima cun barco veleiro misterioso ao fondo.

ACTIVIDADE 1. OS MITOS DE XERACIÓN EN XERACIÓN

Os tres cadros que comentamos representan historias imaxinadas, nas que varios personaxes, as fadas e a serea, xúntanse coa natureza, os animais e outros elementos (ruína, barco, estrelas...), que transportan a contos marabillosos.

Por iso levamos a cabo a actividade "teléfono estropeado" con tres historias dos cadros estudados neste reto.

ACTIVIDADE 2. A FONTE PORMÁS

Hoxe somos todos somos encargados de seguir transmitiendo as historias que nos contan, e as nosas vilas e cidades están cheas de mitos e seres fantásticos que viven entre nós. A fonte Pormás, na parroquia de A Castañeda é un deses lugares marabillosos nos que sabemos viviron estes  personaxes.

Tivemos que facer un traballo de investigación sobre esta fonte.

ACTIVIDADE 3. CREAR A NOSA PROPIA MITOLOXÍA ACUÁTICA

O reto consiste en inventar un animal mitolóxico, de que se alimenta, cal é o seu hábitat ...empregando a ficha modelo que se adxunta.