Para elaborar adornos de Nadal trouxemos a un alfareiro que dirixiu un obradoiro polo que pasaron tod@s @s alumn@s do colexio. Con barro de Buño e moldes variados elaboraron os adornos que logo decoraron. Nesta actividade colaborou a ANPA do centro. |
|
|
Dende o equipo de biblioteca fixemos a seguinte proposta para conmemorar o 25-N:
• Habilitamos un punto de lectura violeta con libros de temática inclusiva e sobre a importancia do papel das mulleres na sociedade.
• Durante quince días os rapaces podían levar libros seleccionados no punto.
• Dentro de cada libro atopaban pequenas sorpresas en forma de bolboretas con letras.
• Cada letra correspondíase cun número do mural que iamos construir entre todo o alumnado de primaria.
• A idea era completar un pequeno manifesto contra todo tipo de violencia, especialmente aquela que vai contra as mulleres.
• Cando completamos a mensaxe colocámola no punto de lectura violeta, que funcionará uns días máis segundo sexa o interese amosado polo alumnado. |
|
|
Seguimos a facer visible neste día a loita contra a violencia de xénero. Elaboramos catro murais, NON Á VIOLENCIA, IGUALDADE, INCLUSIÓN e TOLERANCIA. Construímolos coa aportación de tod@s @s alumn@s, simbolizando a aportación individual para conseguir o obxectivo colectivo, que tamén nos guía como lema de traballo: “ Respectar as diferenzas, que nos enriquecen, fomentar o respecto, que nos une.” |
|
|
E por fin chegou o Magosto. Xornada de festa no colexio, con xogos para tod@s @s alumn@s, castañas asadas e troula despois.
|
|
|
A Concelleria de Educación celebrou o día 20 de setembro, de 11.30-13h na rúa Saénz Díez, diante do noso colexio, unha xornada de sensibilización con motivo da Semana Europea da Mobilidade na que se realizaron diferentes talleres para mostrar cómo é a realidade dos colectivos con dificultades de mobilidade reducida.
Nesta xornada, a rúa permaneceu pechada ao tráfico rodado e participou o alumnado de 5º e 6º de EP, éstes coñecerán os obstáculos aos que se enfrentan as personas con discapacidade motora no seu día a día á hora de moverse pola nosa cidade poñéndose no seu lugar ou axudandoos nos seus desprazamentos. |
|
O pasado 14 de setembro o alumnado de 4º, 5º e 6º de Primaria participou nun Obradoiro realizado por investigadoras do Departamento de Química analítica e alimentaria da Universidade de Vigo. O obxectivo era que @s nen@s descubriran características sensoriais a través dunha cata de gominolas. |
|
|
|
Non podería faltar o acto de graduación d@s alumn@s de 6º de Primaria aínda nun curso tan complicado como este. O pasado 20 de xuño fíxoselle entrega da orla, banda e outros agasallos, nos que ía incluía un vídeo elaborado polas familias no que puideron ver a súa evolución ao longo dos cursos nos que estiveron escolarizad@s.
MOITA SORTE A TOD@S DE PARTE DE TODA A COMUNIDADE EDUCATIVA!!!
|
|
vídeo 1
vídeo 2
|
O martes 21 de xuño celebramos a festa de fin de curso, financiada pola Anpa e coa colaboración do centro, dentro do horario lectivo. Inicialmente ía ser a Festa de Escuma para Primaria e Inchables para Infantil, pero o mal tempo obrigou ó plan B, Inchables para tod@s!!
Desfilaron tod@s @s nen@s do colexio e pasáronno en grande!!
|
|
|
Durante este curso @s alumn@s de 5º e 6º de Primaria participaron na actividade organizada pola Confederación Hidrográfica Miño-Sil "GÚSTAME O MEU RÍO, ENSÍNAME A COIDALO".
Realizaron 3 xornadas sobre o terreo, nas ribeiras dos ríos Loñoa e Miño, e abordaron temáticas sobre o ciclo da auga, parámetros físico químicos da auga, macroinvertebrados e biodiversidade.
Esperamos poder repetila en vindeiros cursos!!
|
|
|