O mércores 21 de xuño celebramos a festa de fin de curso, financiada pola Anpa e coa colaboración do centro, dentro do horario lectivo. Por fin tivemos a Festa da Escuma para Primaria e 6º de Infantil, e inchables, cars e obradoiros de maquillaxe, globoflexia... para tod@s. Un día excelente no que tod@s @s nen@s do colexio o pasaron en grande! |
|
O alumnado de 2° e 4° de Primaria participou na actividade organizada polo Museo Arqueolóxico con motivo do Día dos Museos. O parque de San Lázaro converteuse nun museo ó aire libre no que puideron coñecer a historia da súa orixe, da arquitectura que alberga e das árbores que o conforman.
|
|
|
|
Este ano a Anpa participou na modalidade de Maio creativo, e para iso todos os ciclos de Primaria e Infantil aportaron elementos para decorar a estrutura do maio: abellas, bolboretas, paxaros e flores. E para completar a tradición o alumnado de 5º de Primaria elaborou as coplas.
|
|
O alumnado de Infantil e 1º e 2º de Primaria visitou a Comisaría da Policía nacional, onde puideron comprobar os medios cos que conta para desenvolver o seu traballo. |
|
O 8 de marzo conmemoramos o Día Internacional da Muller, para elo elaboramos un mural coa silueta dunha muller sobre o que, a xeito de collage, colocamos as fotos que aportou o noso alumnado das mulleres importantes nas súas vidas. O título do mural é "ELAS".
Ademais convocouse un concurso para deseñar o tema dunha chapa vinculado ós dereitos da muller. Co deseño gañador elaboramos unha chapa para tod@s @s alumn@s e mestr@s do colexio.
|
|
|
|
|
|
Unha semana de entroido intensa, cos mandados do meco, a visita dos personaxes do entroido ourensán, a visita da tuna... As galerías de fotos dan fe do ben que o pasamos!!
Bo entroido para tod@s!!
|
|
|
O luns 21 de xuño celebramos a festa de fin de curso, financiada pola Anpa e coa colaboración do centro, dentro do horario lectivo. Inicialmente ía ser a Festa de Escuma para Primaria e Inchables para Infantil, pero o mal tempo obrigou ó plan B, Inchables para tod@s!!
Desfilaron tod@s @s nen@s do colexio e pasáronno en grande!!
|
|
|
|
Despois de celebrar un concurso de coplas dos maios en todos os cursos de Primaria e coa colaboración da Anpa, acompañounos para cantalas un cuarteto tradicional (dúas gaitas, tambor e bombo). Cada curso cantou as coplas d@s compañeir@s que gañaron o primeiro, segundo e terceiro premios. Comprobade o ben que o pasamos!! |
|
|
|
O pasado 8 de marzo celebramos no colexio o Día Internacional da Muller cunha exposición colectiva na que participou todo o alumnado de Infantil e Primaria. @s alumn@s de Primaria documentaron fichas de mulleres pioneiras e senlleiras nos distintos ámbitos da sociedade (ciencia, educación, arte, cultura...). E @s alumn@s de Infantil aportaron á exposición as mulleres das súas familias.
|
|