Complementarias

ENTROIDO 2019

 

Chegou o carnaval e despois de moitos preparativos na casa e no colexio, celebramos o desfile o venres 1 de marzo. O patio encheuse de colorido cos disfraces do conto "O mago de Oz": Dorothy, o home de folladelata, o espantallo, o león, o mago de Oz...
Este curso tamén contamos con animación durante e despois do desfile (financiada polo colexio e pola ANPA).
Pasámolo moi ben, e a proba tédela nesta colección de fotografías!!

Tamén tivemos cobertura por parte da prensa local! enlace

 

 

 

 

DÍA DA PAZ 2019

Como cada 30 de xaneiro, dende o ano 1964 e coincidindo co aniversario do asasinato de Mahatma Gandhi (30 de xaneiro de 1948), celebrase nos centros de ensino o Día escolar da Non-Violencia e da Paz.

O seu obxectivo é a educación en e para a tolerancia, a solidariedade, a concordia, o respecto aos Dereitos Humanos, a Non-Violencia e a Paz. Neste día, os centros educativos convértense en instrumentos de paz e entendemento entre persoas de distinta formación, raza, cultura e relixión.

Mirade que traballos fixemos para conmemorar este día!!

3º, 4º e 6º: "MARCELO MACÍAS, 175 ANIVERSARIO"

@s alumn@s de 3º, 4º e 6º visitaron na Sala de Exposicións Afundación de Ourense a mostra «Marcelo Macías. 175 aniversario». O Museo Arqueolóxico Provincial de Ourense presenta este proxecto expositivo para dar a coñecer, e recoñecer ao mesmo tempo, o inxente labor de Marcelo Macías, un astorgano afincado en Ourense que achegou un importante movemento cultural á cidade das Burgas desde finais do XIX ás primeiras décadas do XX.

Crego, historiador, epigrafista, numismático e mestre, Marcelo Macías representou un destacado papel en diferentes planos da cultura ourensá. A raíz dos seus numerosos estudos e a súa implicación coa historia e arqueoloxía provincial, conseguiu erixir entidades para a conservación do patrimonio, coma o propio Museo Arqueolóxico Provincial.

Os obradoiros foron os seguintes:
 
• O conto do sacerdote que namorou de Ourense (3º de primaria)
• O príncipe da oratoria (4º e 6º de primaria)

 

XANA E A FÁBRICA DE SOÑOS

 

O pasado 18 de decembro @s alumn@s de curros asistiron a un contacontos que a ANPA financiou co obxecto de ambientar as festas do Nadal que se aproximaban.

 

 

 

4º, 5º E 6º: "EL MUNDO DE LA ENERGÍA"

A través de actividades interactivas na Aula Móbil da fundación Repsol, os alumn@s de 4º, 5º e 6º aprenderon moito sobre o mundo da enerxía. Algúns dos  temas que descubrimos son:

    *A importancia da enerxía na nosa vida
    *O reto actual de atender a necesidade de enerxía de forma sostible
    *As últimas novidades en investigación e innovación da industria enerxética
   *As aplicacións do gas e do petróleo e os seus derivados
    *Os procesos de exploración, refino e obtención dos produtos derivados do petróleo

 

 

MAGOSTO 2018

 

O día 9 de novembro, véspera do S. Martiño, celebramos o Magosto no colexio. Xogos, carreiras, castañas e tizóns para pintar a cara.

Pasámolo moi ben!! E senon mirade as fotografías da festa!!

O ÁRTICO ROMPE: 3º A 6º PRIMARIA

 

@s alumn@s de 3º, 4º, 5º e 6º visitaron a exposición da Obra Social ”la Caixa” "O Ártico rómpese". Ten por obxecto mostrar a singularidade dos ecosistemas do Polo Norte, detallando o importante papel que xogan no clima global, así como as súas
características físicas e a súa biodiversidade. E todo isto, a través dun cento de abraiantes fotografías dun dos máis prestixiosos fotógrafos de natureza, Andoni Canela.
 Para coñecer máis de preto estes valiosos ecosistemas e valorar a súa importancia, a mostra preséntase dividida en catro ámbitos: o clima ártico, a vida nunha situación extrema, a pegada humana e as luces do norte.

 

 

 

5º E 6º DE EXCURSIÓN

No mes de xuño @s alumn@s de 5º e 6º foron de excursión para visitar os seguintes enclaves ourensáns: Castro de S. Cibrán de Lás, Piscifactoría do Carballiño e Mosteiro de Oseira. Aínda que o tempo non acompañou, puidemos cumprir todo o programa e pasalo moi ben. Revisade as fotografías e tamén os comics que elaboraron en 5º para recordar as visitas realizadas.

 

 

INFANTIL E PRIMARIA: "MEL DE GALICIA"

 

Visitounos no centro unha experta da Denominación de Orixe "Mel de Galicia", que lles explicou aos alumn@s de infantil e primaria o proceso de elaboración do mel. Ao finalizar a charla, puideron degustar unha mostra de mel que fixo as delicias de tod@s!

 

5º-6º: NAVEGANDO CON RUMBO

 

@s alumn@s de 5º e 6º de Primaria, como nativos dixitais, recibiron unha charla sobre a seguridade na rede, impartida por un enxeñeiro informático ao que fixeron moitas preguntas. Se queredes saber de que falaron, lede as redaccións que atoparedes no enlace.

Distribuir contido