|
Recentemente o curso de 4º participou nunha exposición sobre o "IV Centenario da morte de Cervantes" que se celebrou no CEIP Santa Ana de Cuenca. A colaboración consistiu na tradución ao galego do primeiro capítulo de "Don Quijote de la Mancha".
Pois agora, co traballo realizado fixeron a súa propia exposición no corredor do colexio: revisade as fotrografías e o pdf para ver un traballo ben feito!!
 
|
 |
|
Recentemente @s alumn@s de 4º de Primaria do CEIP Santa Ana de Cuenca enviaron unha carta aos alumn@s de 4º do noso colexio, cunha petición moi interesante: que lles traducisen ao galego o 1º capítulo de "D. Quijote de la Mancha".
O obxectivo era participar con ese traballo nunha exposición que levarán a cabo no colexio conquense co gallo do IV Centenario da morte de Cervantes.
E aquí tedes o resultado, olladeo que pasaredes un bo rato!!
|
 |
 |
@s alumn@s de 3º elaboraron estas maquetas para darlle volume ás formas do relevo.
Mirade que ben quedaron e que ilustrativas!!
 
|
@s alumn@s de 3º e 4º asistiron no Auditorio Municipal a unha actividade organizada pola Área educativa de Afundación: "Cousas de 4", de Odaiko Percussion Group.
Catro son os elementos que definen o espectáculo: instrumentos do mundo da percusión contemporánea, elementos de nova creación, comicidade nas miradas e moita improvisación e efecto sorpresa.
|
|
Páxina web Odaiko
|
|
O día 14 de xaneiro @s alumn@s de 4º de Primaria participamos nunha actividade na que aprendemos a almorzar de xeito saudable. Nela ensináronnos algunhas cousas sobre os alimentos e puidemos facer prguntas para aclarar as nos@s dúbidas.
De seguido fixemos un xogo que consistía en pegar nun cartón de leite as fases que atravesa o leite ata chegar aos supermercados.
E por último, tomamos o almorzo que nos prepararon.
Grazas a esta actividade saberemos como almorzar de xeito saudable acotío, para vir ao colexio con máis enerxía.
Claudia, 4º de Primaria
|
 |
|
@s alumn@s de 3º e 4º acudiron ao Auditorio para ver a obra de teatro "Nana para un soldado". A obra trata de facer reflexionar aos nen@s sobre o absurdo das guerras e a necesidade de entenderse.
Relata o encontro de dous soldados inimigos na fronte de batalla. Ambos os dous terán que deixar de lado as súas diferenzas para facerse cargo dun pequeno imprevisto: o nacemento dun neno.
|
 |
|
O pasado 23 de xuño @s alumn@s de 4º cantaron coa Coral de Ruada no Auditorio Municipal.
Colaboraron con dúas cancións que xa prepararan durante o curso e xa gravaran con anterioridade: a "Pandeirada de Ourense", que tamén contou coa colaboración da alumna de 3º, Antela, como pandereiteira, e a "Cantarela".
Se queredes escoitar as cancións premede nos vídeos; escoitalos pon a pel de galiña pola emoción que transmiten!!!
|
 |
|
@s alumn@s de 4º de Primaria acudiron ao Museo Municipal para participar na campaña de Animación á lectura promovida pola concellería de Educación.
Alí visitaron a exposición dos traballos elaborados polos nen@s doutros colexios (e tamén do noso co conto "Viaxar con arte ou a arte de viaxar"), manipularon contos e ademáis participaron nun contacontos moi divertido...!
Ademais aproveitaron a viaxe para elaborar o itinerario que percorreron dende o colexio ata o Museo Municipal.
Mirade as fotos para comprobar o ben que o pasaron!!
|
 |
|
@s alumn@s de 4º visitaron a comisaría da Policía Local do concello, que inclue un percorrido polas dependencias, para dar a coñecer a organización e o funcionamento deste servizo, incluida unha charla sobre seguridade viaria.
O obxectivo é dar a coñecer de preto o traballo que realizan os axentes da Policía Local e as súas instalacións.
Ademáis o itinerario para ir á comisaría é moi, moi interesante; se queredes velo tedes que entrar no álbum fotográfico!!
|
 |
|
O pasado mes de abril @s alumn@s de 4º visitaron a ETAP de Ourense (Estación de tratamento de augas potables).
O obxectivo é concienciar aos escolares sobre a importancia da auga e o medio ambiente e achegarlles o coñecemento dos ciclos natural e urbano da auga.
|
 |
