|
O CFR de Ourense e o coro infantil Cantiga covidáronnos na mañá do martes 28 de maio ao contacontos-concerto "A nena e o avó", conto musical en galego, con narrador, piano, zanfona e coro infantil.
|
 |
|
Aproveitando que o 20 de maio é o Día Mundial da Abella, organizouse un Obradoiro sobre o mundo das abellas para contribuir ós Obxectivos de Desenvolvemento Sostible. Dirixido polo mestre e apicultor Jose Bailón, o alumnado mostrou unha grande motivación por aprender sobre estes insectos tan importantes para os ecosistemas.
|
 |
No último trimestre do curso imos de excursión, @s pequen@s de Infantil á Granxa Kiriko e Primaria a Fervenzaventura. Faltan @s alumn@s do 2º ciclo que irán este xoves día 6 de xuño.
|
|
INFANTIL Á GRANXA KIRIKO
|
PRIMARIA A FERVENZAVENTURA
|
|
Para conmemorar o Día dos Museos o alumnado de 4° e 5° de Primaria participou nun obradoiro de Arqueoloxía dirixido por Begoña (Xeitura) e organizado polo Museo Arqueolóxico.
|
 |
|
Este ano o Día das Letras Galegas está adicado a Luisa Villalta. Foi unha escritora, docente e violinista galega. Unha intelectual que traballou en distintos campos, e en todos ben: poesía, teatro, narrativa, ensaio, música e colaboradora habitual en xornais e revistas.
Foi unha muller feminista, ecoloxista e amante da nosa lingua, comprometida cos movementos culturais e sociais como a Festa da Palabra Silenciada e Burla Negra, e formou parte da Mesa pola Normalización Lingüística e da Asociación de Escritoras e Escritores en Lingua Galega.
Luísa Villalta é a sexta muller homenaxeada nas 61 edicións.
|
 |
|
Xa chegou a primavera ao noso cole. E con ela o mes das NOSAS LETRAS
Este ano homenaxeamos a Luísa Villalta e para elo contamos coa colaboración dos nosos nenos e nenas.
|
 |
|
|
Esta actividade forma parte do programa educativo do Concello de Ourense, realizada no noso centro para nenos/as de 6º de infantil.
Xogando traballouse a observación, memoria, expresión oral e corporal, coordinación e coñecemento de palabras en lingua galega sobre diferentes temáticas...
|
|
 |
|
|
Científic@s da UVigo dirixiron varios obradoiros encamiñados a conseguir que o noso alumnado saiba escoller alimentos saudables a través da interpretación das etiquetas!
|
|
 |
|
