O blogue de 5º de Primaria do noso colexio, "Corre a Voz", foi o gañador do concurso "Mellor Blogue do Curso", que cada ano convoca o Programa Prensa-Escuela de La Voz de Galicia.
"Corre a Voz", foi elixido mellor proxecto 2012-2013 grazas ao esforzo e dedicación da titora Lourdes Soto Carballo e á participación dos seus alumnos de 5º , que xeraron máis de 400 comentarios desde a apertura do blogue no mes de outubro.
O xurado do certame, integrado por xornalistas e expertos en comunicación dixital, tivo en conta a gran interacción e participación dos alumnos que se produciu durante todo o curso a través do blogue, que se converteu nunha ferramenta didáctica única para traballar co xornal en clase, axudar aos alumnos a exercitar o seu sentido crítico e opinar sobre a realidade que os rodea e fomentar o uso das novas tecnoloxías.
No curso 2010-2011 foi tamén 1º premio o blogue do 3º ciclo, que era "A nosa voz".
Nesta edición os alumnos de 5º iranse ao Parque Aventura de Manzaneda.
Noraboa a tod@s!!!!
