EDUCACIÓN FÍSICA 3º e 4º (semana do 1 ao 5 de maio) |
EDUCACIÓN FÍSICA - EDUCACIÓN VIARIA
RESPOSTAS DO ALUMNADO
(Pincha na imaxe para ver o vídeo)
|
A HORA DA NATUREZA - DÍA MUNDIAL DO MEDIO AMBIENTE |
"A HORA DA NATUREZA"
DÍA MUNDIAL DO MEDIO AMBIENTE (5 de xuño)
DÍA MUNDIAL DOS OCÉANOS (8 de xuño)
(Pincha no enlace para ver as instruccións e envíanos unha fotografía ou imaxe acompañada dun lema para salvar a Natureza)
RESPOSTAS DO ALUMNADO
(Pica na imaxe para ver o vídeo)
|
EDUCACIÓN FÍSICA INFANTIL, 1º, 2º, 3º e 4º - DÍA DA NATUREZA E DOS OCÉANOS |
“A HORA DA NATUREZA”
EXISTEN MOITOS XOGOS E DEPORTES QUE SE PODEN E DEBEN PRACTICAR NA NATUREZA, POR ISO PARA ESTA SEMANA, QUEN NON O FIXERA XA, DEBE ENVIARME UNHA FOTOGRAFÍA OU IMAXE CUN LEMA A FAVOR DO COIDADO DA NATUREZA.
O lema debe empezar por “É HORA DE…”, por exemplo: “É HORA DE RECICLAR” acompañando unha fotografía tirando o lixo no seu contedor correspondente.
Aquí podes ver a tarefa colgada na web do colexio: https://www.edu.xunta.gal/centros/ceipcabadavazquez/node/968
Saúdos, saúde e móvete moito!
|
EDUCACIÓN FÍSICA (TODOS OS CURSOS) |
Como todos os anos o último día de clase facemos xogo libre, así que esta semana podedes practicar os xogos que máis vos gustaron ao longo do curso, ou calquera outro que coñezades.
Non é necesario que me enviedes nada, pero se alguén quere enviarme algo aquí estou.
Ao longo da semana irei subindo á web os últimos traballos que fixéchedes de educación viaria.
Espero que teñades un bo verán.
Saúdos, saúde e móvete moito!
|
DESPEDIDA - BO VERÁN |
DESPEDIDA
Rematou o curso e rematou o meu traballo en Codeseda. Foi todo un pracer compartir convosco estes dous anos e, quérolle dar as grazas a todas e todos os que participáchedes nas clases de Educación Física online, incluídas as familias.
Deixo un último traballo que me enche de ledicia e que resume o que fixemos no último trimestre. Moitas gracias Melania!
Unha forte aperta virtual e bo verán Codeseda.
|
Conmemoración día da Educación Física |
O 28 de abril é un día especial para a Educación física e non podíamos deixar de celebralo!
No noso colexio conmemorámolo realizando varios retos físico-deportivos co obxectivo de achegar aos alumnos/as a ampla gama de actividades que abarca a Educación física, moito máis que o fútbol, correr...
Gracias nenxs por ser tan participativxs, por gozar e demostrar que o tempo pasa volando facendo actividade física!
|
Despedimos o curso |
|
UN SAMAÍN EN MOVEMENTO |
O samaín que festexamos este curso 21-22 foi moi movido e terrorífico!
Os rapaces e rapazas gozaron das tarxetas con esqueletos que se ensinaron na clase de educación física, tendo que imitar a acción ou a posición corporal que se amosaba nas mesmas baixo o ritmo da canción de "tumbas por aquí, tumbas por alá". Que ben traballaron a súa expresión corporal ...!
Tamén fixemos un escape room "A invasión das caveiras" na que debían de superar distintos retos cognitivos e físicos: de lóxica, intuición e ritmo musical respectivamente.
|
XOGOS POPULARES MOVÉNDONOS |
O martes 9 de novembro realizamos distintas propostas de xogos populares aos nen@s de infantil e primaria para conmemorar o magosto. Que ben o pasamos nos xogos de equilibrio, cos zancos e pratos chinos!
Tamén disfrutamos xogando á galiña cega, ao pañuelo, birlos e á petanca.
|
Construimos unha torre de vasos |
Comezamos o segundo trimestre con moita enerxía e levamos a cabo un reto de concentración e axilidade: construir unha torre de 3 andares con vasos, empregando gomas elásticas.
Qué importante é saber traballar, colaborar e tomar decisións en equipo!
|
12 RETOS CON PALAS |
Para seguir manténdonos en forma e activos demos comezo a un novo reto... Esta vez con palas!
Un reto onde cada alumn@ debía de superar 12 probas de axilidade e destreza con palas de ping pong e de tenis. Aparte de pasalo moi ben, foron capaces de superar cada un dos mini retos propostos.
Parabéns campións!
|
MEMORY DE MULLERES DEPORTISTAS |
Para conmemorar o día internacional da muller, o 8 de marzo, dende a área de Educación Física levamos a cabo o xogo "memory de mulleres deportistas"
Por unha banda, reflexionamos sobre a figura das mulleres deportistas na actualidade, coñecimos deportes minoritarios, investigamos nomes dalgunhas das deportistas españolas máis destacadas nas distintas disciplinas deportivas... etc
E por outra banda, traballamos aptitudes físicas como a velocidade, e cognitivas como a atención e memorización. Físicas: porque o xogo consistía en facer parellas coas cartas o máis rápidamente posible e cognitivas xa que había que prestar moita atención ás cartas que se ían descubrindo para intentar aparellala coa súa semellante.
Canto aprendimos xogando e divertíndonos!
|
CAMIÑO DE SER IOGUIS! |
Seguindo coa liña metodolóxica do programa MUSE iniciado este curso 21-22 (etapa de educación primaria) practicamos posturas básicas de ioga e introducimos a respiración, centrándonos na expansión do peito durante a inspiración sendo unha técnica moi efectiva para alongar a columna vertebral e mellorar a postura corporal.
Deste xeito damos continuidade aos contidos adquiridos e traballados pola artista encargada do MUSE, Chus Raíndo, e sobre todo coa finalidade de introducilos como hábitos de vida saudables aplicables a vida diaria dos nenos e nenas.
|
EDUCACIÓN FÍSICA NA CALLE |
Entre todos seguimos facendo grande o día da "EF na calle ou nos centros escolares" conmemorado anualmente o 27 de abril.
Durante o confinamento do ano 2020 demostrouse que o movemento e a actividade motriz son moi importantes para manter o benestar físico, psíquico e social das persoas e, por elo, dende a área que me ocupa seguiremos reivindicando o lugar que lle corresponde a esta materia.
Puidemos gozar de actividades tan lúdicas e divertidas como:
- medir as nosas forzas co propio corpo e usando unha corda.
- o 3 en raia con carreira de velocidade.
- flexibilidade para pasar o balon e aros de distintos diamétros dun xeito cooperativo e con moita coordinación grupal.
- carreiras de sacos con cintas adheridas que debían de "roubar" aos compañeir@s.
E sobre todo, estivemos movéndonos moito para sentirnos activos e fortes.
|
MELLORAMOS A NOSA FLEXIBILIDADE |
Para seguir traballando os contidos adquiridos nas sesións do MUSE adicamos unha sesión de Educación Física a dar continuidade ao aprendido nas mesmas.
Para acadar este obxectivo usamos 2 dados:
- un para as posturas básicas de ioga tales como: cobra, ponte, xoaniña, can, triángulo e a do golfiño.
- e outro para adentrarnos no traballo por parellas do acrosport. Con un total de 6 posicións sinxelas e nas que se traballa a flexibilidade, equilibrio, coordinación, diálogo e a comunicación.
Estas actividades foron moi motivadoras e dinámicas, participando e amosando un gran interés pola realización correcta das posturas.
Seguide así campións!
|
Benvidos ao curso 2022-2023! |
O curso escolar 2022-2023 ven cargado de moitas novidades que farán que sexa un ano moi especial e motivador!
A actividade física e deportiva vai seguir sendo un piar fundamental na nosa práctica docente diaria, con hábitos de vida saudables e proactivos.
A primeira novidade vai ser a organización dos recreos no patio. Os discentes van a ser os encargados, con quendas, de velar do coidado do material das actividades propostas para cada día da semana. As actividades son diferentes, moi diversificadas, co obxectivo de que amplíen as súas actividades lúdicas máis aló dos deportes "típicos", probando xogos novos e descubrindo as distintas posibilidades dos mesmos.
Esta organización tamén fomenta a responsabilidade e o bo uso do material, facéndose eles mesmos cargo de que volva ao seu sitio despois do tempo de lecer e asumindo as consecuencias "sancións" de non ser o caso.
Confío moito en todos vós! Comezamos queridiños/as!
|
Xogamos ao balonmán! |
Hoxe, mércores 28 de setembro, todos os alumnos de educación primaria tiveron a gran sorte de gozar dunha sesión de xogos físico-lúdicos e introductorios ao balonmán con 2 adestradores da "federación galega de balonmán".
Foi unha xornada na que os discentes disfrutaron moito! estiveron activos, respetaron as normas dos xogos, colaboraron a nivel individual e grupal, coñeceron normas deste deporte, traballaron aspectos técnicos, pero sobre todo pasarono moi ben e motiváronse a coñecer este deporte.
Moitas gracias por ser tan participativos/as campións!
|
Organizamos os recreos do comedor |
Seguimos organizando os tempos de lecer. Dado que as normas establecidas nos recreos dinámicos dentro do PVAD (Proxecto de Vida Activa e Deportiva) ampliamos esta estratexia aos recreos do comedor, diversificando deste xeito o tempo de ocio e ofrecendo distintos xogos aos que se realizan pola mañá.
Hai 4 opcións de xogos: petanca, ping-pong, brilé e xogo libre (no que segue estando prohibido o uso do balón).
Seguide disfrutando do deporte, da actividade física e a creatividade que nos ofrece campións!
|
1ª carreira de orientación do Samaín. |
Para conmemorar o Samaín dun xeito terrible e monstruoso realizamos a primeira carreira de orientación, na que participaron con gran éxito todos os alumnos e alumnas de primaria do colexio.
Deste xeito tan divertido coñeceron as normas básicas deste deporte, movéronse moi rapidamente para atopar cada unhas das pistas terroríficas, aprenderon a traballar en equipo para lograr un obxectivo común e pasárono tremendamente ben.
Moitas gracias pola participación e por respectar as normas do xogos, para o ano máis e mellor campións!
|
Bailamos con vasoiras polo Samaín! |
O venres 28 de outubro, para conmemorar este día tan terrorífico, os discentes de 3º, 4º, 5º e 6º moveron o seu esqueleto realizando unha coreografía con vasoiras, deste xeito, non só debían de procurar a memorización dos pasos a seguir, senón tamén coordinalos coa súa nova compañeira "a vasoira".
Movémonos, activamos o noso corpo, coordinamos movementos do tren inferior e superior e añadimos o implemento da "vasoira", memorizamos os pasos a seguir, teatralizamos, pasalo moi mal e con moito medo... canto fixemos! aprendimos xogando pasando un anaco moi divertido.
Ata a seguinte chicos e chicas!
No seguinte link podedes ver o vídeo da conmemoración:
http://www.edu.xunta.gal/centros/ceipcabadavazquez/node/1234
|
Un magosto moi movido! |
O 8 de novembro levouse a cabo o magosto no centro escolar e aproveitando esta circunstancia, fixéronse dende a área de Educación Física e dentro do Proxecto Deportivo de Centro, unha serie de xogos proactivos relacionados coa temática do día.
Xogos moi diversos e divertidos onde a principal protagonista do día foi a castaña, pero tamén os múltiples usos físico deportivos que podemos facer con ela:
- xogamos de forma conxunta a pasala de un equipo a outro sen que se caera do paracaídas.
- fixemos unha carreira de relevos para sementala e apañala.
- apañámolas cos ollos pechados intentando coller o máximo número delas.
- tivemos que adiviñar en qué mans do compañeiro se escondía.
Foron propostas de xogos moi diferentes pero nas que se requería axilidade, velocidade, traballo en equipo e estratexia.
Moitos parabéns!
|
Comeza o mundial de fútbol en Codeseda! |
Hoxe empezamos un mundial de fútbol moi particular!
Prolongarase durante toda a semana mediante a realización de distintas propostas relacionadas co deporte, onde se incrementarán os retos e a dificultade dos mesmos.
Para dar inicio a este evento lúdico-deportivo comezouse pola inaguración, festexandoa por todo o alto: acendido de antorchas, desfile de deportistas, actividades que precisaban de destrezas e habilidades técnicas, lanzamentos de precisión, equilibrios, carreiras de velocidade, coordinación dinámica xeral, coordinación óculo-podal e manual... etc.
Moitas gracias pola vosa participación e entusiasmo campións!
|
Festival de Nadal bailarín |
Para festexar o final do primeiro trimestre levamos a cabo varias coreografías de temática navideña que os discentes amosaron as súas familias o día do festival de Nadal, o xoves 22 de decembro.
Por unha banda, os educandos de 1º e 2º de EP movéronse ao ritmo de Mariah Carey e a súa canción "All I want for Christmas is you" empregando un paraugas durante o baile. Por outra banda, os discentes de 6º decantáronse por coreografiar un anaquiño da película musical de Grease.
Moitas gracias polo esforzo e a implicación campións!
|
Volvemos ao Cross |
Un ano mais participamos no Cross organizado polo Plan Proxecta "Xogade". Este festexo deportivo reuníu á meirande parte dos colexios e institutos da comarca convertíndose nun gran evento deportivo escolar.
Como docente gustaríame agradecer a participación e o esforzo de todos os alumnos e alumnas do Ceip Cabada Vázquez que quixeron vivir esta experiencia; é un orgullo e satisfacción ver como disfrutades e como compartides estas vivencias dun xeito tan pasional. Mención especial aos 4 clasificados: Hugo, Melania, Mohamed e Fátima sodes o orgullo de todo o colexio e a comunidade educativa... moitos parabéns queridiños/as!
Gracias a todos.
|
Memory de mulleres deportistas |
O 8 de marzo, día da muller, conmemorámolo realizando un memory de mulleres deportistas. Con esta proposta de actividade, encadrada dentro do Plan de Vida Activo e Deportivo, permitiulles coñecer figuras femeninas relevantes de deportes pouco coñecidos, así como achegarse á gran diversidade de deportes existentes tales como: natación sincronizada, motociclismo, boxeo, augas bravas, taekwondo, rugby...etc
Deste xeito pretendemos manternos activos mediante o movemento e a actividade física, debían de emparellar as tarxetas realizando unha carreira, e reflexionar sobre a pouca difusión e coñecemento do xénero feminino no ámbito deportivo.
|