O venres 6 de marzo asistimos en Santiago a unha xornada teórico-práctica da "orientación no ámbito escolar". Os membros da FEGADO ( Federación Galega de Orientación) comprometéronse a elaborar un plano da contorna do noso centro para poder realizar actividades de orientación. Con este material e a nosa elección desta modalidade lúdica no XOGADE agardamos que o alumnado poida desfrutar deste deporte nos vindeiros meses.
Imaxe dunha das actividades de orientación (laberinto).
Como colofón ao Torneo que levamos a cabo durante os recreos de xaneiro e febreiro, decidimos participar nesta actividade organizada polos compañeiros de A Estrada. Desprazámos 5 alumnos de cada categoría e modalidade: alevín/ benxamín, maculino/feminino.
Xa sabemos da importancia de traballar as habilidades motrices básicas na Primaria. Do mesmo xeito, nos últimos anos estase a observar un aumento do sedentarismo na poboación infantil. E por iso que decidimos realizar varias sesións na que o alumnado trouxo todo tipo de patíns.
O atletismo é un deporte que inclúe moitas modalidades. É por iso que permite ao praticantes experimentar distantas probas para avaliar o seu rendemento. Nós estivemos, un ano máis, nas pistas de Cuntis para participar nas probas de 4x60m (relevos), 60 m lisos, lanzamento de peso e vórtex, salto de lonxitude e 500 m. Acudimos con dous equipos que competiron contra outros colexios da contorna.
O Clube Keltoi de Vila de Cruces achegouse ao noso centro para darnos a coñecer algunhas caracterísitcas deste deporte. Puidemos realizar distintos xogos que despois nos serviron para participar por equipos no CEIP Pérez Viondi.
Aquí tedes algunhas fotos do día que viñeron a Codeseda.
A continuación vedes as probas o día que competimos co Ceip Pérez Viondi de A Estrada
Para traballar os xogos populares galegos, os nenos e nenas de 5º e 6º curso prepararon varias sesións para os alumnos/as de infantil. Esta actividade tivo tres fases :
_ Búsqueda de información.
_ Práctica dos xogos e creación do material preciso con elementos de refugallo.
Dentro do PDC decidimos iniciar ao alumnado de infantil na Educación Vial. Preparamos un divertido xogo no que simulaban distintos papeis: vehículos, peóns, policías, etc. Foi un primaira introdución que resultou moi satisfactoria.
No primeiro día de clase, para comezar con enerxía, realizamos algúns xogos incluídos xogos cooperativos con paracaídas. Tamén tivemos a visita dun personaxe moi especial, "Paco Nogueiras" con quen nos divertimos bailando e cantando.
O alumnado de Educación Infantil, 1º e 2º teñen clase de psicomotricidade todos os días. A continuación presentamos uns vídeos que resumen o traballo realizado na aula de Educación Física.
O noso proxecto de vida activa (PDC- XOGADE) inclúe coñecer actividades que se poidan desenvolver na localidade, por iso o 19 de decembro tivemos a visita de Ramón e de Julio.
O 20 de decembro todo o colexio realizou varios obradoiros. Un deles está relacionado co noso proxecto de "VIDA ACTIVA". Trátase dun obradoiro de baile.
Con razón do Día da Paz (30 de Xaneiro) realizáronse no colexio diversas actividades ao longo do mes pasado, que remataron cunha representación e un baile no que participou todo o colexio xunto; buscando concienciar ao alumnado de que todas as civilizacións temos elementos comúns como o baile, o deporte ou o xogo.
Nas últimas semanas de febreiro, todo o colexio participou en diferentes actividades relacionadas co entroido e co proxecto de Biblioteca desde curso "A Flora e Fauna da Nosa Contorna:Terra de Montes":
Crear disfraces.
Preparar un baile (E.I.)
Preparar unha regueifa (1º e 2º e 5º e 6º)
Crear un rap (3º e 4º)
Por outra banda, o 1 de marzo presentamos os nosos traballos ao público. Foi unha xornada especial!
Primerio disfrazámonos.
Logo camiñamos ata o pobo donde nos esperaban as veciñas e os veciños de Codeseda.
A continuación realizamos as diferentes actuacións.
Por último, bailamos coas persoas que nos viñeron ver.
Nas últimas semanas o CEIP Cabada Vázquez está participando no campionato zonal de Bádminton, a través do plan Proxecta-Xogade, dentro do noso PDC (proxecto deportivo de centro).
O 30 de abril xogou o alumnado de 3º e 4º.
O 2 de maio participou o alumnado de 6º (acompañado por nenos/as de 4º e 5º para completar equipos).
O 6 de maio tócalle ao alumnado de 5º.
O Alumnado informa que o están a pasar moi ben nestas actividades. Algún ata se prantexa inscribirse no club de bádminton para o próximo curso escolar.
O 28 de maio rematamos as actividades do XOGADE participando no campionato de atletismo en pista provincial celebrado no centro Galego de Tecnificación Deportiva, en Pontevedra.
É importante darlle ferramentas ao alumnado para crear hábitos de vida saudables, por iso, dende o CEIP Cabada Vázquez apostamos por un Proxecto Deportivo de Centro (PDC) que integre deportes (XOGADE) e baile (Móvete +).
Por outra parte, buscamos que o alumnado poida continuar coas actividades físico-deportivas, máis aló da escola, de aí que traiamos ao colexio actividades que se ofertan dende a súa localidade. Neste caso contamos coa visita da Sofía Mosteiro e Elia do Ximnasio Absolute da Estrada, coas que aprendemos unha danza urbana. Poden ver algunhas imaxes no enlace.
O 30 de novembro celebramos o magosto e o Samaín a nivel de centro. Na planificación das actividades tivemos en conta que participamos no PLAN PROXECTA con XOGADE e Móvete +. Comezamos a xornada escolar con diferentes talleres entre eles un de baile e despois do recreo realizamos xogos.
Foi unha xornada diferente coa que aprendemos con actividades lúdicas e centradas nos intereses do alumnado.
O 5 de decembro o alumnado de 2º a 6º de Educación Primaria participou na competición zonal de campo a través, celebrada na praia fluvial de Liñares. Esta actividade forma parte do PDC (Proxecto Deportivo do noso Centro) e está dentro do Plan Proxecta - XOGADE.
A maioría do alumnado participou correndo pero algunhas alumnas e alumnos fixeron de reportaxes (entrevistas, fotografías, vídeos), xa que arredor do deporte existen diferentes figuras: deportistas, entrenadoras, fisioterapeutas, reporteiras deportivas,...
O CEIP Cabada Vázquez intenta concienciar á comunidade educativa da prevención, detección e actuación en Contra a Violencia de Xénero,por iso está a realizar diversas actividades relacionadas con esta temática como son: a creación de lemas que se colocaron nos chanzos da escaleira do colexio, crear e cantar unha canción en contra da violencia de xénero, contacontos, ...
No CEIP Cabada Vázquezcelebramos o entroido con moita ilusión. Nas últimas semanas creamos disfraces, partindo do lema da nosa biblioteca escolar deste curso: "PRÓXIMA MISIÓN: SEN PLÁSTICOS", buscando materiais que se puideran reciclar e utilizamos a temática do mar.
O alumnado e o profesorado participou de diferentes formas: cantando, bailando, regueifando despois dunha camiñata ata o pobo, para promocionar o noso PROXECTO DEPORTIVO DE CENTRO (PDC: XOGADE e Móvete +)
Ademais contamos coa colaboración das familias que nos acompañaron durante o desfile e nos deleitaron cunhas regueifas.
Foi un día especial que compartimos en familia toda a comunidade educativa.