blogue deSusi Fernandez
GHALLUFADAS
Enviado por Susi Fernandez o Dom, 21/04/2024 - 10:39A rapazada de segundo ciclo achegouse o venres ata a piscina municipal onde se celebrou o evento GHALLUFADAS. Puideron disfrutar de diversos xogos de mesa e pasárono bomba!!!
ROTEIRO POLO RÍO BISPO
Enviado por Susi Fernandez o Ven, 19/04/2024 - 13:20Para rematar o proxecto das plantas, os terceiros fomos nunha camiñata pola beira do río Bispo. Recollemos un montón de follas e flores para clasificalas na clase.
Ao rematar, merendamos no parque e xogamos un bo rato aproveitando o día solleiro.
Foi unha mañá moi divertida!
Ollade o seguinte vídeo.
A de Astrónomas
Enviado por Susi Fernandez o Sáb, 09/03/2024 - 13:26Con motivo da celebración do día Internacional da Muller (8 de marzo), os terceros realizamos unha visita ao Museo Massó onde ofertaban o taller “Con A de astrónomas”, no que se abordou a importancia da achega de diferentes mulleres astrónomas que foron esquecidas. Desde Hipatia de Alexandría no século IV ata o século XIX co grupo de astrónomas do Observatorio de Harvard as cales fixeron grandes descubrimentos que cambiarían o rumbo da astronomía. Construimos o noso propio planetario para levar para casa!
Tamén realizamos a visita ao museo, onde ademáis de contarnos a historia da factoría conserveira e a actividade pesqueira, explicáronnos a importancia e as desigualdades do traballo das mulleres naqueles tempos. Impactounos ver nenas e menos da nosa idade traballando naquel entonces.
TEATRO AFUNDACIÓN E MUSEO
Enviado por Susi Fernandez o Sáb, 09/03/2024 - 12:58O martes 5 de marzo, a rapazada de segundo ciclo fomos a Pontevedra a ver a obra de teatro “Hugo” no teatro de Afundación.
Gañadora do Premio María Casares ao “Mellor espectáculo para o público infantil e familiar no ano 2022”, Hugo conta a historia dun neno que é diferente. Gústanlle moito os avións e tamén toca o piano. Laia visita a Hugo cada día e gústalle falar e as plantas. Aprenden, cunha chea de sensibilidade e empatía, a interactuar e ser amigos. Hugo fala da diversidade, da convivencia e da beleza de ser diferentes.
Tamén realizamos unha visita ao museo de Pontevedra. Os terceiros xogaron a ser detectives da arte: un cadro desaparecera e debían adiviñar quen fora o culpable. En canto aos de cuarto foron ver a parte da prehistoria no museo e ata luciron os torques daquela época!
Unha mañá moi instrutiva e divertida.
Dando nova vida aos residuos
Enviado por Susi Fernandez o Lun, 26/02/2024 - 23:22Hoxe veu visitarnos Manolo, de PONTE A ZERO, para concienciarnos sobre a importancia das 3 R: Reducir, Reutilizar e Reciclar.
Deunos ideas dalgunhas actividades que podemos realizar na nosa casa con material reutilizable como poden ser un teléfono con dous botes de plástico e un fío, decoracións de polispán para o Nadal ou calquera festividade, un amplificador de volume para o móbil…
Despois, realizamos unha manualidade con caixas de galletas e un par de gomas. Unha maneira moi divertida de dar nova vida a eses materiais que se ían a desbotar, iso si, cada un no seu contedor para reciclar.
ILLAS ATLÁNTICAS
Enviado por Susi Fernandez o Lun, 19/02/2024 - 19:54
Hoxe viñeron a traernos as Illas Atlánticas ata as nosas aulas de terceiro.
Comenzaron falándonos da súa situación e dos diferentes tipos de flora e de fauna que se poden atopar nas illas. Despois, xogamos a pescar imaxes de animais e situabámolas segundo onde vivían. Ao final, vimos un vídeo con moitas especies autóctonas no seu hábitat natural.
Encantounos a visita, aprendemos moitísimo xogando!
Curiosidades sobre o UNIVERSO
Enviado por Susi Fernandez o Mér, 24/01/2024 - 23:46Para rematar o proxecto do primeiro trimestre sobre o universo, a rapazada de terceiro buscamos por equipos curiosidades sobre o tema e fomos á radio para gravarnos.
A experiencia foi incrible! Escoitádenos a continuación.
PROXECTO O UNIVERSO
Enviado por Susi Fernandez o Mér, 20/12/2023 - 11:46PROXECTO O UNIVERSO
Neste primeiro trimestre, a rapazada de terceiro indagamos sobre o universo. Foi un tema que nos encantou e estivemos moi motivados. Vimos vídeos, fixemos búsquedas e un cuadernillo e o mellor: realizamos un libro de lapelas alucinante!!
Tamén xogamos coas cartas Plicker e respondemos a algúns Kahoots para demostar o que aprenderamos: foi super divertido e encantounos!
Ollade as seguintes fotos!
NOVEMBRO, MES DA CIENCIA EN GALEGO
Enviado por Susi Fernandez o Mar, 05/12/2023 - 19:41Este mes de novembro a rapazada de 3º fomos á aula de ciencias para realizar algúns experimentos.
O primeiro foi o de “Leite de cores” no que vimos como as cores, ao tocalas cun isótopo mollado con xabón parecían estoupar.
Tamén xogamos coa electricidade estática: o que mellor funcionou foi frotar o globo cos pelos (sobretodo se eran longos!) e despois pegábanse os papeliños. ¡Que divertido!
Para finalizar, recortamos unha flor de papel, doblámola e ao métela na auga abría soa, foi espectacular!
Pasámolo en grande!
Aquí vos deixamos dous vídeos para que vexades as nosas reaccións.
Xornada de convivencia Juan XXIII
Enviado por Susi Fernandez o Dom, 22/10/2023 - 20:40O martes 17 de outubro a rapazada dos dous grupos de terceiro fomos visitar o centro Juan XXIII de Cangas nunha xornada de convivencia.
Nun primeiro momento, a directora nos sensibilizou sobre o tema da discapacidade e logo levounos a visitar todo o centro.
Ao remate da visita, repartímonos en 6 grupos e cada un deles participou en dous diferentes talleres, amenizados por todos os traballadores e usuarios do centro.
Os talleres eran os seguintes:
1. OBRADOIRO DE CARPINTERÍA E XOGOS DE MADEIRA
2. OBRADOIRO DE MANIPULADOS e COMUNICACIÓN EN L.S.
3. OBRADOIRO DE MEMORIA e EMOCIÓNS
4. OBRADOIRO DE EUROS E COCIÑA
5. MANTEMENTO FÍSICO e RELAXACIÓN MULTISENSORIAL
6. OBRADOIRO DE MANUALIDADES e BISUTERIA
Ao rematar cada obradoiro, obsequiaronnos cun agasallo: un diploma ou unha manualidade realizada no propio taller.
A merenda foi seguida por un ratiño de xogos no que os rapaces seguiron interactuando cos usuarios do centro e todos o pasamos moi ben!
Para rematar, xuntámonos todos para unha valoración da xornada que foi unánime: a todos nos encantou!
A sensibilización nos parece indispensable para unha sociedade máis inclusiva, respetuosa e chea de valores porque… Todos somos iguais aínda que todos somos diferentes!