Blogues de E. Primaria
A nosa primeira excursión de 4º: FIC BUEU
Enviado por Susi Fernandez o Mar, 27/09/2022 - 09:34O mércores 21 de setembro a rapazada de 4º fomos moi emocionados ao FIC BUEU. Puidemos ver 5 curtos: I' m not afraid, The ticket, Sierra, 6 pattes sous terre e The soloists.
Ao chegar de volta a clase, todos votamos polo noso curto favorito e sen ningunha dúbida, na clase de 4ºA "The soloists" foi o claro gañador.
SOMOS FINALISTAS DO FIC BUEU!
Enviado por Ainhoa Suarez o Lun, 26/09/2022 - 18:47Este venres asistimos á GALA ESCOLAS celebrada no Centro Social do Mar durante o FIC BUEU. O motivo foi a nosa nominación pola curta que fixemos o ano pasado: “OSO ATRAPABOLBORETAS”.
PARABÉNS a todo o alumnado de 3º polo traballo realizado! Noraboa tamén ao profesorado participante, especialmente á profe MARTA, que foi quen levou o peso deste proxecto. Podedes ver de novo a nosa curta facendo clic na seguinte foto.
A continuación, algunhas fotografías da Gala.
Por último, podedes ver a retransmisión da mesma no seguinte enlace.
ESTA MAÑÁ FOMOS AO FIC!!
Enviado por Macu Rodríguez o Mér, 21/09/2022 - 21:08ESTA MAÑÁ FOMOS AO FIC!!
E como nos encantan o cine e a cultura, non podiamos deixar de aceptar o convite que, cada ano, nos envían desde o FIC BUEU para gozar da selección de curtametraxes que preparan especialmente para a rapazada da vila!!
Onte fixemos na clase algunhas das actividades que nos propuxeron desde a organización deste MINIFIC; como , por exemplo, observando uns fotogramas, tratar de adiviñar que historia nos contaría cada “peli”.
Así que, alá fomos, esta mañá moi dispostxs a gozar do FESTIVAL INTERNACIONAL DE CINEMA DE BUEU!!
Mirade que ghuapiñxs estamos no photocall!!!
Por certo, de regreso á escola, votamos e gañou por maioría a do osiño polar!!!
URSA, THE SONG OF THE NORTHEMN LIGTHS
MOITÍSIMAS GRAZAS Á ORGANIZACIÓN DO FIC BUEU!!!
ENCÁNTANOS !!!
O ANO QUE VÉN NON FALTAREMOS Á CITA!!
XA ESTAMOS EN 2º!!!
Enviado por Macu Rodríguez o Mér, 21/09/2022 - 20:18XA ESTAMOS EN 2º!!!
Benqueridas familias:
Xa estamos de volta e desta vez, xa non somos os cativxs do cole grande!!!! XA ESTAMOS EN 2º!!!
As profes déixanvos aquí a presentación de diapositivas que vos amosaron na reunión de familias deste pasado martes, na que falastes de como vai ser este curso, cales van ser os noso horarios...
PREMEDE NA IMAXE PARA VER A PRESENTACIÓN:
Ademais, ao pé desta entrada, a carón do clip, atoparedes un pdf coas instrucións da Editorial Anaya para que poidades acceder aos libros dixitais de matemáticas de 2º e ao de Lecturas de Lingua Castelá (EL LOBO LUPAS 2).
CONCERTO DE FIN DE CURSO 50 ANIVERSARIO.
Enviado por Anónimo o Xov, 30/06/2022 - 00:32O pasado 17 de xuño, o alumnado de 4º B celebrou un concerto de fin de curso, para conmemorar o 50 aniversario do CEIPP A Pedra, e celebrar o final deste curso 2021-2022 que remata xa.
Pasámolo xenial, e foi unha xornada diferente onde poidemos gozar da música e do que aprenderon este ano na aula de música co profe Lorenzo, pois ademáis de tocar a frauta tod@s xuntos, tamén cantaron a canción de "Aniversario", e cada un deles puido tocar e interpretar a canción que quixo e que con moito cariño preparou para ese día. Tocaron o teclado, a guitarra eléctrica, a pandeireta, a guitarra española, a frauta, e alugúns e algunhas o presentaron co micrófono. E por suposto non pudo faltar o cartel do concerto e o público.
Espero que tod@s gozaran moitísimo desta xornada. Grazas polo concertazo!!!
FIN DE CURSO!
Enviado por Ainhoa Suarez o Mér, 29/06/2022 - 11:55Despois de tantas actividades... por fin chega o fin de curso. Para celebralo, a ANPA da escola organizou unha FESTA DE DESPEDIDA para todo o alumnado.
Comezamos con algúns xogos de animación: bailamos, cantamos, berramos... E cando xa estabamos animados, repartímonos por grupos para xogar nos inchables, no toro mecánico, nos xogos cooperativos... e ata puidemos maquillarnos.
Rematamos a mañá cunha HOLY PARTY, onde nos divertimos manchándonos con pintura de tódalas cores posibles! Aquí podedes ver o ben que o pasamos. PREMEDE NA IMAXE.
Ademais, o día anterior, algunhas nenas amosáronnos un BAILE que levaban moito tempo preparando. Aquí podedes ver o ben que o fixeron. PREMEDE NA IMAXE.
Con isto, o alumnado de 2º deséxavos a todos e todas un FELIZ VERÁN!
ALUMNADO DE INFANTIL CO OSO ATRAPABOLBORETAS!
Enviado por Ainhoa Suarez o Mér, 29/06/2022 - 10:32Remata o curso e chegan algún cambios… O alumnado de 5 anos de infantil faise maior, e o ano que ven xa estará no cole dos maiores. Por este motivo, levamos a cabo unha actividade para que coñeceran a escola e ás súas futuras mestras.
Para isto, contaron coa axuda dos seus “padriños e madriñas”, que foron os nenos e nenas de 2º. Primeiro fixéronlles un agasallo: un debuxo recomendAndo o seu libro favorito, e despois ensináronlles o traballo que fixemos durante o terceiro trimestre… a curtametraxe de stop motion OSO ATRAPABOLBORETAS!
A continuación podedes ver o vídeo da curta e tamén o resumo de como fixemos este traballo entre os tres grupos de 2º. Agardamos que vos guste!
OBRADOIROS DE IGUALDADE E EDUCACIÓN VIAL
Enviado por Ainhoa Suarez o Mar, 28/06/2022 - 16:43Nestas últimas semanas de curso levamos a cabo moitas actividades... Entre elas, dous obradoiros de IGUALDADE e EDUCACIÓN VIAL.
Comezamos a mañá aprendendo A CIENCIA DO TRABALLO DOMÉSTICO. Primeiro falamos sobre que todos e todas temos que colaborar nas tarefas do fogar, e despois vimos que calquer persoa pode ser científico/a: cando estamos cociñando, limpando... a ciencia está por todas partes!
Por último, puxemos en práctica o que aprendimos facendo algúns experimentos coma os que podedes ver nas fotografías.
Por outra banda, percorrimos un circuito de EDUCACIÓN VIAL. Despois de estar todo o trimestre traballando as normas e sinais de tráfico, fomos quen realizalo cos nosos patíns.
Así de cansos acabamos!
EXCURSIÓN FINAL DE CURSO SANTIAGO DE COMPOSTELA
Enviado por Ana Cabaleiro o Sáb, 18/06/2022 - 17:53
E por fin chegou o día tan esperado, a excursión de final de cursooooo de 3º e 4º!
Que ganiñas tiñamos todxs desta saída, despois de tanto esforzo e tantas restricións, xa era hora de volver á normalidade e poder gozar todxs xuntxs en Santiago de Compostela.
Tivemos un día fantástico, o ceo anubrado deixounos tempo para todo o programado, MUSEO DE CIENCIAS, TOUR POR SANTIAGO, COMER NO PARQUE AO AIRE LIBRE E MUSEO DO POBO GALEGO. E por supospo comer o xeado!!
Ollade que ben o pasamos!
Visita da protectora do Morrazo
Enviado por Susi Fernandez o Mér, 15/06/2022 - 22:37Hoxe estabamos todos moi ilusionados coa visita da PROTECTORA DO MORRAZO, e ao fin, viñeron a visitarnos con dous canciños!
Trouxemos unha morea de agasallos para eles, e en canto chegamos, foron a olisquealos, sabían que eran para eles!
Ao principio estaban un pouco nerviosos tamén, pero deseguida se acurrucaron nos brazos da profe Ana e a adoptaron!
O centro é unha asociación sen ánimo de lucro fundada en 1993 coa finalidade primordial da defensa e protección dos animais mediante a recollida de cans abandonados e promover a súa defensa mediante campañas de concienciación, divulgación, e a xestión do refuxio.
A súa actividade principal é o coidado, a todos os niveis, dos animais que viven no refuxio para conseguir que todos elles se sintan queridos e seguros ata que consigan unha familia que os adopte de forma responsable e lles asegure un futuro feliz e unha vida digna.
Recordáronnos que non son xoguetes, que pasan a formar parte da nosa familia e como tal, necesitan coidados e moitísimo cariño. Tamén nos avisaron que a adopción dos cans require dun coñecemento amplio dos adoptantes e do que será o novo fogar dos animais. Tratase de lograr satisfacer as necesidades de ambos e que a relación que comeza sexa definitiva. Porque todos elles necesitarán un tempo e diñeiro para os seus coidados e para os seus paseos. Son os nosos amigos, pero tamén a nosa responsabilidade!
É importante a castración para evitar moitas enfermidades e reproduccións non controladas e é obligatorio poñerlles un chip, por se se perden, poidan devolvelos ás súas familias.
Ao final, tiveron unha sesión de aloumiños e tenrura! Canta emoción!
Non podemos rematar sen agradecer a todas as familias que participaron cos seus agasallos para a protectora.
Aquí deixamos o enlace da protectora: https://www.morrazocan.com/
O curso que ven, iremos a visitalos á protectora!
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »
