G1714004  XIX Foro galego de educación en igualdade. Plan Proxecta. Curso 2017-2018 

Terá lugar na EGAP o venres 6 e o sábado 7 de abril de 2018 en horario de 16.00 a 19.30 e de 10.00 a 19.30 respectivamente.

Esta actividade terá unha certificación de 12 horas de formación.

Máis información en http://igualdade.xunta.gal/gl

Actividade dirixida ao profesorado de todas as etapas educativas que ten por obxecto sensibilizar e afondar no coñecemento da transformación cara a unha escola inclusiva, na que o maior valor da diversidade é que é a propia diferenza a que nos fai iguais.
Convértese esta xornada nun espazo de inclusión no que teñen cabida as entidades sen ánimo de lucro que colaboran na educación do noso alumnado, e no que se dá visibilidade a proxectos inclusivos tanto da nosa comunidade autónoma coma doutras do territorio nacional. Destácanse os valores de esforzo, superación e o reto que supón a educación para as persoas que presentan necesidades específicas de apoio educativo.

Data de inicio: 17 de marzo

Lugar: Cidade da Cultura de Galicia. Salón de convencións. Edificio CINC. Santiago de Compostela

Número de horas: 8

Para máis información premer na ligazón.

Aínda está aberto o prazo para inscribirse na Xornada Educación Dixital que terá lugar o sábado 21 de abril en Santiago de Compostela. Tecnoloxía, creatividade, robótica, audiovisuais, pensamento visual... e moitas máis temáticas estarán presentes nesta xornada. 

Obxectivos:

1.Promover o intercambio de experiencias e boas prácticas con tecnoloxía dixital.
2.Impulsar e apoiar o compromiso do profesorado na aplicación das tecnoloxías dixitais aos procesos de ensino-aprendizaxe.
3.Reflexionar sobre as propostas metodolóxicas que contribuirán a unha mellor integración das tecnoloxías na aula e nos centros educativos.

Esta xornada pretende ademais visibilizar boas prácticas de centros educativos da nosa comunidade. Se queres presentar algunha experiencia, tes ata o 2 de marzo para enviárnola accedendo ao formulario desta ligazón (identifícate coa túa conta corporativa).

Este domingo 25 de febreiro remata o prazo de inscrición para o curso "As ferramentas TIC para o ritmo e a psicomotricidade". Este curso está dirixido a profesorado de Educación Musical e Educación Física.

Obxectivos:

1.Coñecer e integrar as principais ferramentas TIC na aula de educación física ou musical.
2.Transmitir e comunicar a información en distintos soportes.
3.Coñecer e fomentar as boas prácticas de integración e dinamización TIC nas áreas de educación física e musical.

Horas: 30 horas.

Modalidade: Na Rede, en PLATEGA.

Datas: Do luns 12 de marzo ata o 29 de abril de 2018.

A Consellería de Cultura, Educación e Ordenación Universitaria ten interese en facilitar ao profesorado, preferentemente vinculados aos programas plurilingües, a posibilidade de certificar o seu nivel de inglés a través dun sistema de acreditación externa. A tal efecto, co obxecto de avaliar o nivel de inglés, a Consellería dará a oportunidade de presentarse ao exame Trinity GESE B2 desenvolto polo Trinity College.

Referencia: G1702039
Centro de formación e recursos: CAFI
Temporalización:  03/04/2018  -  06/04/2018
Data límite de inscrición: 04/03/2018
Lugar: Centro Autonómico de Formación e Innovación (CAFI)
Prazas:  100
Certificación B2 Trinity GESE

Para máis información preme aquí.

Se ata agora estiveches sen tempo para preparar as probas de certificación das EEOOII de Inglés, agora é o teu momento. Xa non hai escusa. Tes ao teu dispor varios cursos para formarte e abordar estas probas en Santiago de Compostela e en Ribeira.

- Santiago de Compostela (preme no apartado correspondente e terás información máis cumprida dos horarios de cada curso)

     - S1701205 Preparación das probas de certificación das EEOOII. Inglés B1

     - S1701203 Preparación das probas de certificación das EEOOII. Inglés B2

     - S1701202 Preparación das probas de certificación das EEOOII. Inglés C1

- Ribeira (preme no apartado correspondente e terás información máis cumprida dos horarios de cada curso)

     - S1701206 Preparación das probas de certificación das EEOOII. Inglés B1

     - S1701204 Preparación das probas de certificación das EEOOII. Inglés B2

Este programa educativo ten como obxectivo ofrecer aos centros de ensino non universitario galegos experiencias de diferentes persoeiros de recoñecido prestixio e relevancia na sociedade galega e que destacan en diferentes campos profesionais, para así fomentar no alumnado valores como a motivación, o esforzo, a curiosidade, o pensamento crítico e o traballo en equipo.

Trátase de fortalecer os procesos de ensino e aprendizaxe que os docentes desenvolven nas aulas a través das distintas disciplinas curriculares ou proxectos nos que traballan co alumnado, con achegas que os complementen mediante charlas, obradoiros ou visitas que cada persoeiro propón.

Plataforma web

Este proxecto dispón dunha plataforma web para dar soporte a toda a información, as experiencias dispoñibles, as que se desenvolven nos centros, as solicitudes e a participación nas redes sociais.

Toda a información desta iniciativa atópase na ligazón: http://www.edumotiva.gal

Destinatarios: Centros docentes de ensino non universitario públicos e concertados

Prazo de solicitude: ata o 28 de febreiro de 2018.

Procedemento:

Na web do proxecto en experiencias dispoñibles, escóllese o persoeiro no que se teña interese en solicitar a súa colaboración, o responsable do equipo directivo cubre o formulario cos datos do centro docente, escolle a actividade ou actividades que mellor se adapten ao seu contexto , contextualiza a petición e  dálle a enviar.

Valóranse as solicitudes recibidas e organízase a viabilidade delas con cada persoeiro que participa no proxecto, para así iniciar o traballo no centro educativo.

Cada centro docente no que se desenvolva unha experiencia comprométese a facer difusión dela nalgún medio dixital (web do centro, blog de proxecto, revista dixital, difusión nos medios…)  e enviar a publicación ao enderezo electrónico  edumotiva@edu.xunta.es.

Para calquera dúbida:

• edumotiva@edu.xunta.es