1º Bacharelato e 2º Bacharelato. Relatorio exalumna Emma Fernández Fernández
05.04.2024
O venres 5 de abril de 2024 o alumnado de 1º e 2º Bacharelato acudiu ao relatorio que ofreceu no noso centro a exalumna deste, Emma Fernández Fernández, para explicarlles a súa traxectoria estudantil e profesional dende que rematou 2º Bacharelato. Emma estudou Xornalismo na USC e logo decidiu facer o grao de Economía, tamén na USC. Traballou para varias empresas e actualmente desenvolve o seu traballo nunha farmacéutica. Foi un xeito de que o noso alumnado coñeza de primeira man experiencias de antigos alumnos e alumnas do IES Río Cabe e se decaten de que non importa o que estudes, a vida pode levarte por moitos camiños profesionais. Quedamos cunha frase que Enma trasladou na explicación: "Se o camiño está despexado é que estás camiñando por un que non é o teu". Moitas grazas Emma por acudir de novo ao IES Río Cabe.
