Taboleiro

Convocatoria

Está aberta a convocatoria, dirixida ao alumnado do noso centro, para realizar as prácticas de FCT no estranxeiro neste curso académico 2017/2018 (Programa Erasmus+)

Se estás cursando o segundo ano dun ciclo formativo de grao medio ou de FP Básica podes presentar a túa solicitude ata o martes día 17 de outubro. Información máis detallada no noso blog de Programas Internacionais.

Matrícula directa en prazas vacantes liberadas:

(A partir do martes 26 ata as 13:00 h do venres 29)

Se non che foi adxudicada unha praza tamén podes matricularte directamente nas prazas vacantes (nº limitado) ata o día 29 de setembro. A matrícula realizarase por orde de chegada, só con acreditar os requisitos de acceso e presentar a documentación indicada máis abaixo.

Consulta a listaxe de ciclos con prazas vacantes liberadas.

O IES Perdouro incorpórase ao proxecto EDIXGAL a partir do curso 2017-2018

O proxecto EDIXGAL consiste, en poucas palabras, en proporcionar aos alumnos e alumnas un ordenador portátil (novos dispositivos convertibles de 12 pulgadas que funcionan como ordenador ou como tablet) que terán ao seu dispor as 24 horas do día para traballar con recursos dixitais gratuitos (libros dixitais, actividades interactivas, etc.) utilizando metodoloxías activas, mais apropiadas para formarse nas competencias e habilidades que se requiren para desenvolverse no século XXI.

A Consellería de Cultura, Educación e Ordenación Universitaria convoca 682 prazas para realizar actividades de formación en linguas estranxeiras no ano 2017. Poderá solicitar estas axudas o alumnado de centros sostidos con fondos públicos da Comunidade Autónoma de Galicia.

ORDE do 2 de febreiro de 2017 pola que se convocan axudas para a realización de  actividades  de  formación  en  linguas  estranxeiras  no  ano  2017,  destinadas ao alumnado dos centros docentes sostidos con fondos públicos, en réxime de concorrencia competitiva.

EXTRACTO da Orde do 2 de febreiro de 2017 pola que se convocan axudas para a realización de actividades de formación en linguas estranxeiras no ano 2017, destinadas ao alumnado dos centros docentes sostidos con fondos públicos, en réxime de concorrencia competitiva.

Cartel informativo

O prazo para a presentación de solicitudes será do 28 de febreiro ata o 27 de marzo (incluído)

máis información en http://www.edu.xunta.es/axudasle

O Venres 03 de febreiro hai clase con total normalidade. Aprazada queda a saída prevista co alumnado de 1º de Bach.

Axencia Estatal de Meteoroloxía e Meteogalicia alertan dun fenómeno meteorolóxico adverso de nivel laranxa, dende as 15 horas en adiante (aproximadamente) do venres 3 de febreiro de 2017, por refachos de vento superiores aos 90-100 km/h que afectarán a toda Galicia.

Ante a devandita situación de risco, a Comisión Escolar de Alertas acordou a suspensión das actividades no exterior a partir das 15.00h (tanto escolares como extraescolares) das instalacións do centro escolar situados en tódolos concellos de Galicia, con seguimento das condicións climáticas.

Para o caso de que as circunstancias da localidade onde se atopa un centro supuxesen un risco maior, os/as directores/as poderán adoptar as decisións oportunas respecto das actividades no exterior do centro educativo ou sobre as actividades extraescolares.

A información meteorolóxica poderá ser consultada a través da páxina web do CAE 112 (www.axega112.org) .