Skip to Content

Matrícula ESO e Bacharelato: curso 2022-2023

Publicados os calendarios e os formularios de matrícula para ESO e BACHARELATO.

Listaxe de libros de texto para o curso 2022-23

No arquivo que se achega a continuación, pódese consultar a listaxe de libros de texto para o curso 2022-23. 

Algúns deles non se poderán encargar ata setembro. 

Viaxe de fin de curso ao norte de Portugal de 1º de Bacharelato

22 alumnos/as de 1º de Bacharelato do IES Perdouro de Burela realizaron unha viaxe lingüística e cultural de tres días polo norte de Portugal. 

Día 1, 27/06/2022: Valença, Braga, Dume

 

A expedición saía de Burela ás 8h15 do luns 27 de xuño dirección Portugal. Nada máis pasar por encima do río Miño, puidemos ver as murallas da fortaleza de Valença do Minho de arquitectura militar gótica e barroca, a fortaleza máis importante do país. Aí fixemos a primeira das paradas. Paseamos e gravamos un pequeno directo onde Noa e Lin fixeron de cronistas. A cidade vella ten forma de estrela, unha dobre muralla de 5 quilómetros que se conserva practicamente intacta, baluartes, torres e catro portas.

Admisión Ciclos Formativos: FP DUAL (23 xuño - 5 xullo)

Está aberto o prazo do proceso de admisión para a FP DUAL:

  • Ciclo Superior de Mecatrónica Industrial.

Pode consultarse o calendario na seguinte ligazón: Período ordinario de admisión: FP Dual

Admisión Ciclos Formativos: Réxime ordinario (23 xuño - 5 xullo)

Está aberto o prazo para o proceso de admisión nos Ciclos Formativos de réxime ordinario:

  • CM de Instalacións de Telecomunicacións
  • CM de Mecanizado
  • CM de Peiteado e Cosmética Capilar
  • CM de Xestión Administrativa
  • CS de Administración e Finanzas

Poden consultar o calendario na seguinte ligazón: Periódo ordinario de admisión: Réxime ordinario

Admisión FP Básica (27 de xuño - 6 de xullo)

Prazos do proceso de admisión nos Ciclos Formativos de Grao Básico:

  • FP Básica de Servizos Administrativos
  • FP Básica de Fabricación e Montaxe

Poden consultar o calendario na seguinte ligazón: Prazos proceso de admisión - FP Básica

Nova oferta educativa Curso 22-23

 

Xornadas técnicas de soldadura robotizada no IES Perdouro

Durante o 5 e o 6 de xullo desenvólvense no taller de Mecanizado do IES Perdouro, as Xornadas Técnicas de soldadura robotizada con Road Show de Binzel. 

A petición da empresa Ángel Vizoso S.L., Binzel presenta no IES Perdouro un robot de soldadura con visión artificial capaz de detectar as pezas que ten que soldar, corrixir a traxectoria se hai algún erro, limpar o cabezal para que o cordón de soldadura quede uniforme etc. O operario non ten máis que introducir no programa unha serie de parámentros e o robot fai o resto. 

Á parte disto, conta con aspiración, o que protexe a saúde do soldador e das persoas que poidan estar ao seu redor, algo que será obrigatorio en breve en calquera posto de traballo no que se precise soldar. 

Contan tamén con robots imantados que permiten soldar amplas superficies en barcos ou instalacións nas que teñan que traballar en paredes verticais. 

As empresas ou persoas interesadas poden inscribirse no seguinte enlace da páxina https://angelvizoso.com/. 

O horario das xornadas é de 9:00 a 17:30h durante o martes 5 e o mércores 6 de xullo. 

 

 

Celebramos o premio de Aulas Limpas nun parque de aventura

O luns 27 de xuño o alumnado de 2º ESO B puido desfrutar dun premio ben merecido despois de manter limpa e ordenada a súa aula durante todo o curso. 

Percorreron os circuítos do parque de aventuras localizado en San Roque, en Viveiro. Os máis rápidos e ousados foron quen de rematar os catro circuítos do parque cruzando complicadas pontes e deslizándose en divertidas tirolinas. 

Podedes ver as fotos AQUÍ

Visita a Lugo do alumnado de Cultura clásica e Latín

O pasado 10 de xuño, os alumnos de Cultura Clásica e Latín, acompañados das profesoras Efigenia e Sonia, fixeron unha saída a Lugo para visitar diferentes museos: o Centro Arqueolóxico San Roque –onde vimos restos de tumbas de época romana-, a Casa dos Mosaicos –na que comprobamos como era unha domus romana-, a Sala de Exposicións Porta Miñá –onde vimos distintos restos arqueolóxicos sobre o Lugo romano– e o Museo Provincial –no que nos fixeron un percorrido polas salas máis interesantes como, por exemplo, a sala de Sargadelos ou a sala de ourivaría, na que puidemos contemplar o noso Torque de Burela. Tamén paseamos por parte da muralla e polo centro da cidade e contemplamos as distintas recreacións da época romana de Lugo a través da festa do Arde Lucus. 
 
Foi un día entretido e moi divertido!
Efigenia Maseda e Sonia Rey
 
Podedes acceder ás fotos AQUÍ
 

E conseguimos as mil grúas!


Parabéns, equipazo do Perdouro!!

Moitas grazas a todo o alumnado, profesorado e persoal non docente que colaborou para conseguir facer mil grúas de papel!

A proposta partiu de Sergio, representante do alumnado no Consello Escolar. E puxémonos mans á obra. Ao principio tiñamos que ir vendo un videotitorial, pero fomos collendo soltura e conseguimos facer 

MÁIS DE 1000!

Esperamos que o desexo se cumpra! Esperamos que gañe a esperanza!

Fixémolo por esa persoa que loita e quere saír adiante e, con este xesto, queremos animar tamén ao resto do noso alumnado que ten algún familiar cunha enfermidade grave. Aquí estamos para escoitalos, para ter en conta as súas emocións e para apoialos no que poidamos. 

Agora, tócavos descansar. Que sexades moi felices no verán!!

Podedes ver máis fotos AQUÍ

Acto de presentación de Maruxía 28 e entrega de premios da A. C. Os Matos

A asociación cultural Os Matos do IES Perdouro presentou o nº 28 da publicación Maruxía en colaboración co Equipo de Dinamización e coa Biblioteca.

 

 

Hoxe, 21 de xuño, celébrase o 40 aniversario do día europeo da música mais tamén celebramos a nosa festa anual das letras: a presentación da revista escolar Maruxía. Para abrir e clausurar o acto, Gabriela, Nerea, Roi e Samuel, músicos de 4º de ESO, deleitáronnos cunha actuación musical da súa elección.  A continuación, Simón Chao, Paula López M. e Félix Pérez, alumnado de 4º de ESO TIC, conduciron o acto e encargáronse de explicar como tiveron que traballar en equipo para poder sacar adiante unha nova edición da revista. Nela recóllense unha mostra das actividades e traballos realizados polos reporteiros do Perdouro así como os premios do XV Concurso de relato curto e poesía e do XIII Concurso de imaxe convocados anualmente pola Asociación Cultural "Os Matos".

Asistiron ao acto Mª José Pardiñas, directora do centro educativo; Karina Parga, Presidenta da A.C. Os Matos; Antón Niñe, presidente honorífico, e Natalia Irimia, coordinadora do EDLG. 
 
Felicitamos aos gañadores do concurso de portada de Maruxía: Jairo Vivero Varela  de 1º de ESO (portada) e Ana Lestao Ben de 2º ESO (contraportada)

Accede á reportaxe AQUÍ.

 

Presentación dos resultados do programa "Educando para a sostibilidade"

Onte, luns 20 de xuño de 2022, presentáronse no centro os resulados do programa "Educando para a Sostibilidade’ que a Vicerrectoría de Infraestruturas e Sustentabilidade da Universidade da Coruña (UDC) desenvolveu este curso 2021-22 co patrocinio de Fundación Alcoa, ampliando a súa cobertura a centros educativos da Mariña lucense. 

No acto, ao que asistiron alumnos e persoal docente, interviñeron o director da Oficina de Medio Ambiente da Universidade da Coruña, Manuel Soto Castiñeira; o director da planta de aluminio de San Ciprián, Manuel Fernández Alonso en representación de Alcoa e Fundación Alcoa, e a directora do IES, María José Pardiñas. 

Durante o curso 2021-2022, o programa ‘Educando para a sostibilidade’ excedeu os límites do campus universitario coa organización de 15 novos talleres en 6 centros educativos no marco do proxecto 'Mariña Ambiental UDC - Fundación Alcoa'. Grazas a unha dotación económica de Fundación Alcoa de 49.800 dólares, os ciclos contaron con máis de 400 beneficiarios directos dos centros CEIP Castro de Ouro (Alfoz), CEIP Cervo (Cervo), CEIP Gregorio Sanz (Ribadeo), CPR Plurilingüe Martínez Otero (Foz), IES Enrique Murais (A Pontenova) e IES Perdouro (Burela). 

Os talleres, eminentemente prácticos, baseáronse nun triplo eixo estratéxico para a xestión sostible dos residuos, a auga e a enerxía. Ademais, o asesoramento científico e técnico do programa, así como o apoio económico, permitiron a implicación especial de tres centros: o IES Enrique Muruais, que instalará un sistema de recollida selectiva de residuos intracentro; o CPR Plurilingüe Martínez Otero, que mellorará unha zona de compostaxe e un proxecto sobre eficiencia enerxética preexistentes; e o IES Perdouro, que implantará unha zona de compostaxe xunto a equipos complementarios para que toda a comunidade educativa poida practicar a recollida selectiva de residuos orgánicos e producir un abono de alta calidade. 

Pódese acceder ao álbum de imaxes AQUÍ

Distribuir contido


by Dr. Radut